João 10:12 - Biblia Tetun Dili

¹² Maibee ema nebee laos bibi atan duni, bainhira nia haree asu fuik siak ida mai, nia halai lakon no husik hela bibi sira iha nebaa. Asu fuik siak tata bibi ida no bibi sira seluk halai namkari.

João 10:12 Iomraidhean Croise

Mateus 10:16

“Rona didiak, Hau haruka imi baa hanesan bibi malae baa tama iha asu fuik nia leet. Imi tenki matenek hanesan samea. I imi nia laran tenki moos hanesan manu pombu.

Mateus 7:15

“Kuidadu ho ema nebee bosok dehan, sira Maromak nia profeta. Sira finji maus hanesan bibi malae, maibee tuir loloos sira nee hanesan asu fuik.

João 10:13

Ema nebee laos bibi atan halai, tanba nia serbisu hodi buka osan deit. Nia la foo aan hodi hein didiak bibi sira.

João 10:2

Maibee ema nebee tama liu hosi odamatan, nee mak bibi atan nebee tau matan ba bibi sira.

João 10:3

Ema nebee hein iha odamatan konhese nia, i loke odamatan ba nia. I bibi malae sira mos konhese bibi atan nia lian. Se nia bolu sira ida-idak nia naran, sira tuir nia ba liur.

Apostolu sira nia Istoria 20:29

Hau atu baa ona. Depois mestri falsu sei mai hanesan asu siak iha imi nia klaran hodi buka atu halo imi sees aan hosi Nai Jesus nia Dalan.

1 Timóteo 3:3

Lideransa sarani nian la bele lanu-teen, i la bele baku ema, maibee tenki laran maus i gosta dame. Nia la bele hadomi liu osan.

1 Timóteo 3:8

Nunee mos ho diakonu sira nebee ajuda Maromak nia povu. Nia tenki ema nebee ema respeita, la bele bosok-teen, la bele lanu teen, i la bele han-matak ema.

2 Timóteo 4:10

Tan Demas husik tiha ona hau hodi baa iha sidade Tesalónika, tanba hadomi liu buat mundu nian. Kresente baa tiha ona provinsia Galasia, i Tito mos baa tiha ona rai Dalmásia.

Tito 1:7

Tanba nudar presbiteru nebee toma konta Maromak nia serbisu maka nia tenki moris loos para ema la hatudu liman ba nia. La bele foti aan. La bele hirus-door, lanu-teen, baku-door, i la onestu ho osan.

1 Pedro 5:2

tau matan didiak ba ema nebee mak Nai Maromak entrega ona ba imi. Haree didiak sira, laos tanba ema obriga, maibee hosi imi nia laran rasik, tuir Nai Maromak nia hakarak. Imi la bele serbisu hanesan ema nebee mak hakarak manaan osan deit, maibee tenki serbisu ho badinas hodi serbii Maromak nia povu.

2 Pedro 2:3

Mestri falsu sira nee karakteen liu. Sira inventa istoria tuun-sae para haan-matak imi. Maibee hori uluk kedas Maromak desidi ona atu kastigu sira, i la kleur tan sira sei rahun.