João 10:10 - Biblia Tetun Dili

¹⁰ Naok-teen sira so halo rungu-ranga deit, tan sira mai para naok, oho, no harahun ema nia moris. Maibee Hau lori moris loloos nebee diak liu, tan Hau mai para ema bele moris hakmatek, no nakonu too resin.

João 10:10 Iomraidhean Croise

Mateus 18:10

“Jesus koalia tan dehan, keta hanoin dehan ema kiik sira nee la iha folin. Hau hatete ba imi, anju sira nebee hamriik iha Hau nia Aman Maromak nia oin, iha lalehan, sempre tau matan ba sira.

Mateus 18:11

[Tanba Hau, Ema Oan, mai hodi salva ema nebee lakon hela.]

Mateus 20:28

Hanesan Hau, Ema Oan. Hau mai iha mundu nee laos atu ema serbii Hau. Maibee Hau mai hodi serbii ema i foo Aan ba mate hodi selu kotu ema barak nia tusan.”

Mateus 21:13

Nia siak sira dehan, “Iha Maromak nia Liafuan hakerek tiha ona dehan, ‘Hau nia uma nee fatin para halo orasaun.’ Maibee imi halo fali hanesan ema naok-teen sira nia subar fatin.”

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Marcos 11:17

Depois Nia hanorin sira nunee, “Nai Maromak nia profeta uluk hakerek tiha ona dehan ‘Hau halo Hau nia Uma nee, para ema hosi nasaun hotu-hotu bele mai harohan iha nee.’ Maibee imi halo tiha Uma nee, hanesan ema naok teen sira nia fatin.”

Lucas 19:10

Tanba, Hau, Ema Oan, mai iha mundu hodi buka no salva ema nebee lakon.”

João 10:1

Jesus halo komparasaun ida dehan, “Rona mai. Saida mak Hau atu hatete ba imi nee, loos. Bibi malae iha nia luhan. Se ema nebee la tama liu hosi odamatan, maibee sae liu hosi lutu, nia nee, ema naok-teen.

João 10:11

Hau hanesan bibi atan diak. Tanba bibi atan diak prontu foo nia aan too mate, para nia bibi sira bele hetan moris.

João 12:47

Se ema ruma rona Hau nia Liafuan, maibee la halo tuir, Hau la foo kastigu ba nia. Tanba Hau mai iha mundu nee, laos hodi kastigu ema, maibee Hau mai hodi salva ema hosi sira nia sala.

João 12:6

Judas dehan ida nee laos tanba nia hadomi ema kiak sira, maibee nia nee, ema naok-teen ida. Nia mak Jesus sira nia tezoreiru, i sempre foti osan hosi kofre.

João 3:17

Tanba Maromak haruka Hau, Nia Oan mai iha mundu nee, laos para kastigu ema, maibee Nia haruka Hau mai hodi salva ema sala nain.

João 5:40

Maibee imi lakohi mai iha Hau, i sai Hau nia ema, para imi bele hetan moris rohan laek.

João 6:33

Tan Paun hosi Maromak nee, mak Ida nebee tuun hosi lalehan no lori moris ba ema iha mundu nee.”

João 6:51

Hau mak Paun nebee lori moris, nebee tuun mai hosi lalehan. Bainhira Hau mate, Hau entrega Hau nia isin para ema hotu iha mundu nee bele moris. I ema nebee haan Paun nee, sira hetan moris rohan laek.”

Roma 2:21

Imi hanorin ona ema seluk, nusaa mak imi la hanorin imi nia aan rasik? Imi hanorin dehan: la bele naok, maibee imi rasik naok.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

Ebreu 6:17

Nunee mos ho Nai Maromak. Nia hakarak para ema nebee simu Nia promesa nee, hatene momoos katak buat nebee Nia promete ona sei la muda. Tanba nee, Nia hametin Nia promesa ho juramentu.

Ebreu 7:25

Tanba nee Jesus iha kbiit hodi salva see deit mak baa iha Maromak liu hosi Nia. Nia bele salva sira agora i too tinan ba tinan, tanba Nia moris nafatin hodi harohan ba Nai Maromak atu tulun sira.

2 Pedro 1:11

i aban-bainrua Nai Maromak sei simu imi ho laran tomak hodi tama iha Jesus Kristu nia reinu. Jesus Kristu mak ita nia Nai no ita nia Salvador, i Nia ukun la hotu la remata.