João 1:51 - Biblia Tetun Dili

⁵¹ Tebes duni! Hau foo hatene kedas. Imi sei haree lalehan nakloke, i Maromak nia anju iha lalehan tuun-sae iha Hau nia sorin. Hau nee, Ema Oan.”

João 1:51 Iomraidhean Croise

Jenesis 28:12

Bainhira nia toba, nia iha mehi ida. Iha mehi nia haree eskada ida aas too iha lalehan. I Nai Maromak nia anju sira hosi lalehan tuun-sae eskada nee.

Mateus 25:31

Jesus hatutan tan dehan, “Hau, Ema Oan sei fila fali mai hosi lalehan ho naroman nabilan, i anju sira hotu mai hamutuk ho Hau. Hau sei tuur iha kadeira naroman nabilan hodi ukun nudar Liurai.

Mateus 26:24

Hau, Ema Oan tenki mate duni tuir buat nebee hakerek tiha ona iha Livru Sagradu. Maibee ema nebee faan Hau nee, sei terus teb-tebes. Diak liu ema ida nee lalika moris.”

Mateus 3:16

Sarani tiha hotu Jesus sai kedas hosi mota nee. Derepenti lalehan nakloke, i Nia haree Maromak nia Espiritu hanesan manu pombu tuun ba iha Nia.

Mateus 4:11

Depois diabu husik tiha Jesus, i anju sira mai serbii Nia.

Mateus 8:20

Jesus hataan, “Asu fuik iha fatuk kuak hodi hela. Manu fuik mos iha nia knuuk. Maibee Hau, Ema Oan, la iha fatin ida hodi tau Hau nia ulun.”

Mateus 9:6

Agora Hau sei hatudu para imi hatene katak, iha mundu nee, Hau, Ema Oan, iha kbiit hodi hamoos ema nia sala.” Depois Jesus hatete ba ema paralitiku nee, “Hamriik ona! Foti o nia toba fatin hodi fila ba uma.”

Marcos 1:10

Bainhira Jesus sai hosi bee laran nee mai, derepenti Nia haree lalehan nakloke. Maromak nia Espiritu tuun ba Jesus, hanesan manu pombu ida.

Marcos 14:62

Jesus hataan, “Loos duni! Hau mak Kristu. Imi sei haree Hau, Ema Oan, tuur iha Nai Maromak nia liman loos. Nia kbiit makaas teb-tebes. Tuir mai, Hau sei tuun hosi lalehan ho kalohan.”

Lucas 2:13

Derpenti anju lubuk boot ida hosi lalehan mosu hamutuk ho anju nee. Sira hotu hahii Maromak dehan,

Lucas 2:9

Derepenti deit Nai Maromak nia anju ida mosu ba sira, i Maromak nia naroman nabilan haleu sira, halo sira tauk teb-tebes.

Lucas 22:43

[Anju ida mai hosi lalehan hodi foo forsa ba Nia.

Lucas 22:69

Maibee komesa agora, Hau, Ema Oan tuur ona iha Nai Maromak Forsa Teb-tebes nia sorin loos.”

Lucas 24:4

Sira hotu bilaan tiha hodi hanoin hela buat nee. Derepenti deit, mane nain rua hatais hena lakan nabilan hamriik hela iha sira nia sorin.

Lucas 3:21

Molok João tama komarka, iha loron ida, nia sarani ema barak, no mos sarani Jesus. Sarani tiha Jesus hotu, Jesus halo orasaun i lalehan nakloke.

João 1:50

Jesus husu ba nia dehan, “Tanba Hau foin dehan, ‘Hau haree tiha ona o, bainhira o iha hela ai huun figeira nebaa nia okos,’ nee mak o fiar ka? Rona mai! O sei haree buat nebee boot liu tan.

João 10:1

Jesus halo komparasaun ida dehan, “Rona mai. Saida mak Hau atu hatete ba imi nee, loos. Bibi malae iha nia luhan. Se ema nebee la tama liu hosi odamatan, maibee sae liu hosi lutu, nia nee, ema naok-teen.

João 10:7

Jesus kontinua foo sai ba sira dehan, “Hau koalia nee, loos. Hau hanesan odamatan ba bibi malae sira nia luhan.

João 13:16

Hau nia koalia nee loos. Atan ida la boot liu nia patraun. I ema nebee haruka ema ida baa, nia boot liu ida nebee baa.

João 13:38

Jesus hataan dehan, “Tebes, ka? O prontu entrega o nia aan ba Hau too mate, ka? Rona mai! Molok manu kokoreek, o nega ona Hau dala tolu.”

João 14:12

Hau nia liafuan nee loos! Ema nebee fiar Hau, nia sei halo buat nebee Hau halo. Maibee, tanba Hau baa hamutuk ho Hau nia Aman, ema nebee fiar Hau sei halo buat nebee Hau halo, i bele halo liu tan.

João 16:20

Diak liu imi buka hatene. Hau hatete loloos ba imi nunee: imi sei tristi no tanis, maibee ema seluk iha mundu nee sira haksolok. Maski imi laran tristi nunee, maibee depois imi sei haksolok fali.

João 16:23

Se nee akontese ona, imi la husu ona buat ida mai Hau. Tebes duni, Hau hatete tan ba imi dehan, se imi husu saida deit ba Hau nia Aman, lori Hau nia naran, Nia sei foo ba imi.

João 21:18

O komprende ona Hau nia hakarak, ka? Hau hakarak hatete nunee: uluk o foin sae, baibain o hatais ropa, no kesi sintu, i o baa nebee deit tuir o nia hakarak. Maibee, bainhira o katuas ona, o lolo o nia liman, ema ruma sei kesi o nia liman ho o nia sintu rasik, i sira lori o baa iha fatin nebee o lakohi baa.”

João 3:3

Jesus hataan, “Nee loos! Hau atu dehan nunee: se ema la moris foun, nia la bele haree Maromak nia reinu no la bele sai Maromak nia ema.”

João 3:5

Jesus hataan, “Nee loos! Maibee Hau dehan ba ita: se ema la moris hosi bee no hosi Espiritu, nia la halo parte iha Maromak nia reinu. Ema tenki moris hosi bee para bele sai moos, i moris hosi Espiritu para sai ema foun. Ho nunee, foin bele sai Nai Maromak nia ema.

João 5:19

I Jesus foo hatene ba sira dehan, “Loos! Hau foo hatene dehan, Hau la bele halo buat ida hosi Hau nia aan rasik. Tan Hau Nai Maromak nia Oan. Nee mak Hau so bele halo tuir buat nebee Hau haree Hau nia Aman halo. Hau nia Aman halo saida, ida nee mak Hau halo tuir.

João 5:27

Hau nia Aman mos foo direitu no kbiit mai Hau hodi tesi ema hotu nia lia, tanba Hau, Ema Oan.

João 6:26

Jesus hataan, “Hau hatete loloos nunee: imi buka Hau laos tanba imi haree ona milagre. Maibee imi buka Hau, tanba Hau foo ona hahaan ba imi haan too bosu.

João 6:32

Jesus hatete, “Hau foo hatene loloos nunee: Uluk nee, laos Moisés mak hatuun paun sira nee hosi lalehan ba imi nia bei-ala sira. Ida nebee hatuun paun ba sira nee, Hau nia Aman iha lalehan. Agora Nia mos prepara foo paun hosi lalehan ba imi. Maibee paun nee, mak paun nebee loloos.

João 6:47

Hau hatete loloos ba imi! Ema nebee fiar mai Hau, sei hetan moris rohan laek.

João 6:53

Entaun Jesus foo hatene ba sira, “Hau koalia loloos ba imi. Hau nee, Ema Oan. Ema nebee hakarak moris loloos tenki kesi metin ho Hau. Nunee, se imi lakohi haan Hau nia isin, no lakohi hemu Hau nia raan, la iha moris loloos iha imi.

João 8:34

Entaun Jesus hatete ba sira, “Hau koalia nee, loos. Tanba ema hotu nebee halo sala, sai ona sala nia atan.

João 8:51

Hau nia Liafuan loos duni! Ema nebee rona no halo tuir Hau nia Liafuan nee, sei la mate.”

João 8:58

Jesus hataan, “Loos! Molok Abraão iha, Hau iha tiha ona.”

Apostolu sira nia Istoria 10:11

Nia haree lalehan nakloke, i mosu buat ida hanesan lensol boot, nia rohan haat nee kesi hotu, tuun mai.

Apostolu sira nia Istoria 7:56

Nia dehan, “Rona mai! Hau haree lalehan nakloke, i Jesus, Ema Oan, hamriik hela iha Nai Maromak nia liman loos.”

2 Tesalonika 1:7

Nia sei foo kamaan ba imi nebee terus, ho mos ba ami. Buat sira nee sei sai duni bainhira Nai Jesus mosu mai hosi lalehan ho Nia anju sira nebee forsa teb-tebes.

2 Tesalonika 1:9

Nia sei foo kastigu todan ba sira hotu too rahun tinan ba tinan. Nia duni sai sira hosi Nia oin. Nunee sira sei la haree tan ona Maromak nia naroman nabilan.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

Ebreu 1:14

Entaun anju sira nee see? Sira nee espiritu nebee serbii Nai Maromak. I Nia haruka anju sira nee mai tulun ema nebee mak sei hetan salvasaun.

Judas 1:14

Nunee mos Enoke foo sai hori uluk kedas kona ba ema hanesan nee. Se ita sura Adão nia jerasaun, Enoke tama ba jerasaun hitu. Nia dehan nunee: “Haree baa! Ita nia Nai mai ho anju rihun ba rihun.

Apokalipse 19:11

Depois hau haree lalehan nakloke hela, i hau haree kuda mutin ida iha nebaa. Ema nebee tuur iha kuda leten nee, Nia naran mak “Kaer Metin Nia Promesa” ho “Ema nebee Loos”. Bainhira Nia tesi ema nia lia, Nia tesi lia ho loloos, i bainhira Nia halo funu, Nia halo ho laran moos.

Apokalipse 4:1

Hotu tiha, hau, João haree iha lalehan odamatan ida nakloke hela. I hau rona fali lian ida nebee uluk hau rona tiha ona. Lian nee hanesan ema huu korneta lian. Agora lian nee hatete mai hau dehan, “Sae mai, Hau sei hatudu ba o saida maka sei akontese.”