João 1:42 - Biblia Tetun Dili

⁴² I nia lori nia maun ba Jesus. Bainhira Jesus haree Simão, Nia foo hatene dehan, “O mak Simão. O nia aman mak João. Komesa agora ema bolu o ‘Kefas’ ” (Nia signifikadu hanesan ho ‘Pedro’, nee dehan ‘fatuk’.)

João 1:42 Iomraidhean Croise

Mateus 10:2

Sira nain sanulu resin rua nia naran mak hanesan tuir mai nee: Primeiru, Simão, ema mos bolu nia Pedro, ho nia alin André, Tiago ho nia alin João, sira nain rua Zebedeu nia oan,

Marcos 3:16

Ema nain sanulu resin rua nee, sira nia naran mak nee: Simão (nebee Jesus foo tan naran Pedro), Tiago, João (Tiago nia alin. Sira nain rua, Zebedeu nia oan. Jesus tau sira nia naran ‘Boanerjes’, nee katak ‘hanesan rai tarutu’.) André, Filipe, Bartolomeu, Mateus, Tomé, Tiago (Alfeu nia oan), Tadeu, Simão (nia tuir partidu Zelote), ho Judas Iscariotes (nia mak traidor, i faan Jesus).

Lucas 5:8

Bainhira sira haree saida mak akontese, Simão Pedro ho nia kolega sira iha bero laran nee admira teb-tebes. Nia maluk peskador Tiago ho João, Zebedeu nia oan, mos admira. Entaun Simão baa hakneak kedas iha Jesus nia ain hodi dehan, “Nai, Ita Boot keta besik hau, tanba hau ema sala nain.” Maibee Jesus hataan, “Lalika tauk. Imi baibain buka ikan. Maibee komesa agora ba oin imi sei buka fali ema para tuir Hau.”

Lucas 6:14

Simão (Jesus mos bolu nia Pedro), André (Simão nia alin), Tiago, João, Filipe, Bartolomeu,

João 13:18

Hau la koalia kona ba imi hotu. Hau konhese diak ema sira nebee Hau hili ona. Maibee ida nee tenki akontese, tuir hakerek ona iha Eskritura Sagrada dehan, ‘Ema nebee tuur haan hamutuk ho hau, fila kotuk no kontra hau.’

João 21:2

Tempu nee, Jesus nia eskolante nain hitu halibur hamutuk hela. Sira nee, mak: Simão Pedro, Tome, nebee sira bolu, ‘oan kaduak’, Natanael, hosi aldeia Kanaa iha provinsia Galileia, Zebedeu nia oan nain rua, ho Jesus nia eskolante nain rua seluk.

João 4:16

Jesus dehan, “Ita baa bolu ita nia laen mai iha nee.”

1 Korintu 1:12

Imi balu hatete, “Hau tuir Paulo.” Iha balu dehan, “Hau tuir Apolo.” Balu dehan, “Hau tuir Pedro.” Balu tan dehan, “Hau tuir Kristu deit.”

1 Korintu 15:5

Bainhira Nia moris fali, Kristu hatudu Aan ba Pedro, depois ba Nia eskolanti sanulu resin rua.

1 Korintu 3:22

Atu hau Paulo, ka Apolo, ka Pedro, atu mundu nee, ka atu moris, ka mate, atu buat nebee agora iha ka buat nebee sei mai, buat sira nee imi nian hotu.

1 Korintu 9:5

Imi hanoin ami la iha direitu atu kaben ho feto kristaun hodi akompanha ami ka? Afinal Pedro ho apostolu sira seluk ho mos Nai Jesus nia alin sira kaben.

Galasia 1:18

Liu tiha tinan tolu, foin hau baa iha Jerusalém hodi hasoru malu ho Pedro. I hau hela ho nia durante loron sanulu resin lima.

Galasia 2:11

Depois iha loron ida, Pedro mai iha sidade Antiokia, hau siak nia iha sarani sira nia oin, tanba nia atitude sala.

Galasia 2:9

Tiago, Pedro, ho João rekonhese katak, Nai Maromak foo ona knaar nee mai hau. Sira nain tolu nee, sarani sira respeita nudar lideransa igreja nian. Sira kaer liman ho hau ho Barnabé, hanesan sinal katak, ami hotu laran ida. Sira konkorda para ami lori nafatin Novidade Diak ba ema nebee laos Judeu, i sira mak lori ba ema Judeu.