João 1:41 - Biblia Tetun Dili

⁴¹ Fila ho fila Andre baa buka kedas nia maun Simão hodi dehan, “Maun! Ami hasoru ona Mesias!” (Ho sira nia lian, ‘Mesias’ nia signifikadu dehan, ‘Kristu, Ema nebee Maromak promete ona hori uluk atu haruka mai.’)

João 1:41 Iomraidhean Croise

Mateus 1:23

"Iha feto raan ida sei isin rua i tuur ahi oan mane ida. Labarik nee nia naran Emanuel." Nee dehan katak "Maromak hamutuk ho ita.”

Lucas 2:17

Haree tiha Labarik nee, bibi atan sira konta ba ema hotu saida mak anju sira hatete ona ba sira kona ba Kosok Oan nee.

Lucas 2:38

Simeão sei koalia hela ho José no Maria, profeta Ana mos too mai. Nia hahii Nai Maromak, i foo sai kona ba Jesus ba ema hotu nebee hein hela Maromak atu foo liberdade ba povu Israel.

João 1:45

Depois Filipe baa buka Natanael, hodi hatete dehan, “Ami hasoru ona Ema nebee Maromak hatudu ba Moisés iha nia eskritura. Maromak nia profeta sira iha tempu uluk mos hakerek ona kona ba Ema nee. Nia naran Jesus, hosi aldeia Nazaré. Nia aman naran José.”

João 4:25

Feto nee dehan tan, “Hau hatene ona Mesias atu mai, nebee ema bolu Nia dehan ‘Kristu’. Nia nee mak Nai Maromak promete ona atu haruka mai. Bainhira Nia mai, Nia sei foo sai buat hotu-hotu ba ita.”

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 4:27

Buat nebee liurai David hakerek agora sai loos duni. Iha sidade nee, liurai Erodes ho governador Pónsiu Pilatus hamutuk ona ho nai ulun sira hosi Israel, ho nai ulun sira hosi nasaun seluk. Sira hotu kombina hodi kontra Jesus, Ita Boot nia Oan Santu, nebee Ita Boot hili ona. Nia sempre halo tuir Ita Boot nia hakarak.

1 João 1:3

Saida mak ami haree i rona rasik, ida nee mak ami foo sai ba imi, para imi bele sai laran ida ho ami, i nunee ita hotu hamutuk laran ida ho Aman Maromak no ho Nia Oan Jesus Kristu.