João 1:15 - Biblia Tetun Dili

¹⁵ João foo sai kona ba Ema nee. João koalia ho lian makaas dehan, “Hotu-hotu, rona mai! Nia nee mak ida nebee hau hatete tiha ona dehan, ‘La kleur Ema ida atu mai. Nia nee, boot liu hau. Tanba molok hau moris, Nia iha tiha ona!’ ”

João 1:15 Iomraidhean Croise

Mateus 3:11

Hau foo sarani imi ho bee deit para hatudu katak imi husik ona imi nia sala. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Nia nee sei sarani imi ho Espiritu Santu no ho ahi.

Marcos 1:7

Nia hatete, “La kleur tan, iha Ema ida sei mai, i Nia boot liu hau. Atu hakruuk hodi kore Nia sandalias talin deit mos, hau la serve.

Lucas 3:16

Maibee João hatete ba sira hotu, “Hau sarani imi ho bee deit. Maibee la kleur tan, Ema ida boot liu hau sei mai. Atu kore deit Nia sandalias talin mos, hau la serve. Ema nee la sarani imi ho bee, maibee Nia sei sarani imi ho Espiritu Santu no ho ahi.

João 1:27

Nia boot liu hau. Maski hau mak hanorin uluk, maibee atu kore deit nia sandalias talin mos, hau la serve.”

João 17:5

Molok Ita halo mundu nee, Hau hamutuk ho Aman. Tempu nebaa, Hau nia naroman-nabilan hanesan ho Aman nia naroman-nabilan. Agora Hau atu fila ba Aman. Nunee Hau husu para Aman foti aas Hau, para Hau nia naroman-nabilan fila fali hanesan uluk.”

João 8:58

Jesus hataan, “Loos! Molok Abraão iha, Hau iha tiha ona.”

Kolose 1:17

Kristu iha nanis tiha ona, molok buat hotu-hotu iha, i buat hotu-hotu lao nafatin tuir nia dalan tanba Nia mak tau matan.

Ebreu 13:8

Tanba Jesus Kristu nunka muda; hori uluk, ohin loron no too tinan ba tinan nafatin.

Apokalipse 1:11

Lian nee dehan nunee, “Buat nebee mak o haree nee, o tenki hakerek iha livru lulun ida, depois haruka ba sarani sira iha sidade hitu tuir mai nee: Efezu, Esmirna, Pérgamu, Tiatira, Sardes, Filadélfia ho Laodiseia.”

Apokalipse 2:8

Depois Ema nee hatete mai hau, “Hakerek hanesan nee ba sarani sira iha sidade Esmirna: ‘Hau mak huun ho rohan. Uluk Hau mate tiha ona maibee agora Hau moris fali ona. Hau nia lia menon mak nee: