João 1:13 - Biblia Tetun Dili

¹³ Nee hanesan ho sira hetan moris foun. Maibee sira nia moris foun nee, laos hanesan ema partus oan. I laos hanesan mane ida nebee hakarak hetan jerasaun. Sira sai Maromak nia oan, tanba Maromak mak foo ba sira moris foun nee.

João 1:13 Iomraidhean Croise

Jenesis 25:22

Maibee labarik sira nee dudu malu bebeik iha nia inan nia kabun laran. Rebeca hanoin, “Tanba saa mak labarik rua nee nunee?” I nia husu ba NAI Maromak.

Jenesis 25:28

Isac hadomi liu Esaú tanba nia gosta haan naan hosi animal fuik. Maibee Rebeca hadomi liu Jacó.

Jenesis 27:33

Isac komesa nakdedar, i nia husu, “Se nunee, ohin see mak lori naan mai hau haan nee? Hau mos foo bensaun tiha ona ba nia. I bensaun nee la bele hasai fali.”

Jenesis 27:4

I o tein halo didiak tuir hau nia hakarak, hodi mai hau haan. Haan tiha hotu, hau foo bensaun ba o, molok hau mate.”

Mateus 3:9

I lalika hanoin dehan, imi loos ona tanba deit imi Abraão nia jerasaun. Lae! Hau hatete ba imi: fatuk sira nee mos, Maromak bele halo sai Abraão nia jerasaun.

João 3:3

Jesus hataan, “Nee loos! Hau atu dehan nunee: se ema la moris foun, nia la bele haree Maromak nia reinu no la bele sai Maromak nia ema.”

1 Korintu 3:6

Hau mak kuda Novidade Diak iha imi, Apolo mak rega, maibee Maromak mak halo buras.

Filipi 2:13

Tanba Nai Maromak rasik serbisu iha imi nia laran. Nia halo imi prontu hodi tuir Nia hakarak, i foo mos kbiit ba imi atu bele halo tuir.

Tito 3:5

Nia salva ita, laos tanba ita nia hahalok diak, maibee tanba Nia hadomi ita. Nia hamoos tiha ona ita nia sala i halo ita moris foun fali, liu hosi nia Espiritu Santu.

Tiago 1:18

Nai Maromak hakarak halo ita sai Nia oan. Nee mak Nia foo Nia Liafuan Loos mai ita para ita bele hetan moris foun. I hosi buat hotu-hotu nebee Nia halo iha mundu nee, Nia hili ona ita nudar oan primeiru.

1 Pedro 1:23

tanba imi hetan ona moris foun. I moris foun nee, laos mai hosi fini nebee la kleur tan sei mate, maibee hosi fini nebee moris tinan ba tinan. Nee mak Maromak nia liafuan nebee foo moris.

1 Pedro 1:3

Mai ita hahii Nai Maromak! Nia mak ita nia Nai Jesus Kristu nia Aman. Nai Maromak hadomi teb-tebes ita, too Nia foo moris foun mai ita. Ita bele simu moris foun nee tanba Nia halo moris fali ona Jesus Kristu hosi mate. Nunee agora ita moris nakonu ho esperansa

1 Pedro 2:2

Hanesan bebee ida nebee foin moris hamrook hakarak hemu susu been hosi sira nia inan, nunee mos imi tenki hamrook ba Nai Maromak nia liafuan. Tanba Nia liafuan hanesan susu been diak ba imi nia klamar, halo imi loron ba loron buras ba bebeik, iha imi nia salvasaun.

1 João 3:9

Nunee ema nebee sai ona Nai Maromak nia oan, nia sei la moris tan iha sala nia laran, tanba Kristu laran ida ona ho nia. Nia la bele moris nafatin iha sala laran, tanba nia sai ona Maromak nia oan.

1 João 4:7

Maluk doben sira, mai ita hadomi malu, tanba domin nee mai hosi Nai Maromak. Ema nebee hadomi ema seluk, nia Maromak nia oan i nia konhese Maromak.

1 João 5:1

Ema see deit mak fiar katak Jesus mak Kristu, ema nee Nai Maromak nia oan. Se ita hadomi ema ida nebee sai hanesan aman, ita mos hadomi ema nee nia oan.

1 João 5:18

Ita hatene katak ema nebee sai ona Nai Maromak nia oan, nia la moris ona iha sala, tanba Maromak nia Oan tau matan ba nia. Nunee aat nain la bele halo aat ba nia.

1 João 5:4

tanba ema nebee sai Nai Maromak nia oan, nia la halo tuir tan buat aat mundu nian. Nia manaan ona mundu tanba nia fiar ba Jesus .