João 1:1 - Biblia Tetun Dili

¹ Hahuu fofoun, Nai Maromak nia Liafuan iha tiha ona. Liafuan nee hamutuk ho Nai Maromak. I Liafuan nee mak Nai Maromak. [Liafuan nee, Ema ida.]

João 1:1 Iomraidhean Croise

Jenesis 1:1

Hahuu fofoun, Nai Maromak halo lalehan ho rai.

Mateus 1:23

"Iha feto raan ida sei isin rua i tuur ahi oan mane ida. Labarik nee nia naran Emanuel." Nee dehan katak "Maromak hamutuk ho ita.”

Lucas 24:53

Loro-loron sira sempre iha Uma Kreda Boot hodi hahii Nai Maromak.

João 1:14

I ‘Maromak nia Liafuan’ nee, sai tiha ema. Nia moris iha ita nia leet. Ita haree Nia naroman-nabilan. Nia iha naroman-nabilan nunee, tanba Nia mak Nai Maromak nia Oan mane mesak. Nia hakarak hatudu Nia laran diak no grasa mai ita, tanba Nia hahalok nunee duni. I buat hotu nebee Nia hatoo kona ba Nai Maromak, loos duni.

João 1:18

La iha ema ida mak bele haree Nai Maromak. Maibee Nia Oan mane mesak, nebee Nia hadomi, mak hatudu Nia laran mai ita. Oan nee, iha Aman nia sorin. Tan Nia mos, Nai Maromak.

João 1:2

Molok lalehan ho rai iha, Nia iha kedas ona ho Nai Maromak.

João 16:28

Uluk Hau husik hela Hau nia Aman, hodi mai hela iha mundu nee. Maibee agora Hau atu husik mundu nee, hodi baa hela fali ho Nia.”

João 17:5

Molok Ita halo mundu nee, Hau hamutuk ho Aman. Tempu nebaa, Hau nia naroman-nabilan hanesan ho Aman nia naroman-nabilan. Agora Hau atu fila ba Aman. Nunee Hau husu para Aman foti aas Hau, para Hau nia naroman-nabilan fila fali hanesan uluk.”

João 20:28

Tome hataan, “Nai! Agora hau fiar tebes ona. Ita Boot mak hau nia Nai no hau nia Maromak!”

João 8:58

Jesus hataan, “Loos! Molok Abraão iha, Hau iha tiha ona.”

Roma 9:5

Sira nia bei-ala sira naran boot. Tuir raan, Kristu nebee Maromak promete hori uluk atu haruka mai nee mos hosi sira nia jerasaun. Maibee Kristu nee mos Maromak, Nia boot liu buat hotu-hotu. Mai ita hahii Nia too tinan ba tinan. Amen.

Efezu 3:9

Komesa hosi Nai Maromak halo mundu, Maromak nia planu nee segredu hela. Maibee agora Nia haruka hau esplika ba ema hotu-hotu kona ba oinsaa mak Nia atu halao Nia planu.

Filipi 2:6

Nia Maromak. Maski nunee Nia prontu husik Nia pozisaun nudar Maromak.

Kolose 1:15

Kristu hanesan loloos Nai Maromak. La iha ema ida mak bele haree Nai Maromak, maibee Kristu hatudu mai ita Maromak nia Aan. Kristu iha molok Maromak halo buat hotu-hotu. I Nia mak ukun buat hotu-hotu nebee Maromak halo.

Kolose 1:17

Kristu iha nanis tiha ona, molok buat hotu-hotu iha, i buat hotu-hotu lao nafatin tuir nia dalan tanba Nia mak tau matan.

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

Ebreu 13:8

Tanba Jesus Kristu nunka muda; hori uluk, ohin loron no too tinan ba tinan nafatin.

Ebreu 7:3

La iha ema ida hatene kona ba Melkizedek nia inan-aman ho nia bei-ala sira, la iha ema ida mak hatene kona ba nia loron moris no nia loron mate. Nia hanesan Maromak nia Oan, tanba nia nai-lulik too tinan ba tinan.

2 Pedro 1:1

Surat nee hosi hau, Simão Pedro, nudar Jesus Kristu nia atan ho mos Nia apostolu. Hau hakerek surat nee ba imi nebee simu tiha ona fiar ida ke folin boot, hanesan mos ami. Imi simu fiar nee tanba Jesus Kristu sempre halo buat nebee mak loos. Nia mak ita nia Maromak ho ita nia Salvador.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.

1 João 5:7

Iha buat tolu mak foo sasin iha mundu nee:

Apokalipse 1:11

Lian nee dehan nunee, “Buat nebee mak o haree nee, o tenki hakerek iha livru lulun ida, depois haruka ba sarani sira iha sidade hitu tuir mai nee: Efezu, Esmirna, Pérgamu, Tiatira, Sardes, Filadélfia ho Laodiseia.”

Apokalipse 1:17

Bainhira hau haree Nia, hau monu kedas iha Nia oin hanesan ema mate. Maibee Nia tau Nia liman loos ba hau hodi dehan, “Keta tauk. Hau mak huun no rohan.

Apokalipse 1:2

Nunee agora hau mos konta sai hotu saida mak hau haree, nee mak Nai Maromak nia lia menon nebee Jesus Kristu hatudu sai.

Apokalipse 1:8

Nai Maromak dehan, “Hau mak Alfa ho Omega, primeiru no ikus. Hau iha hori uluk kedas, agora iha, i iha nafatin too tinan ba tinan. Hau mak kbiit nain.”

Apokalipse 19:13

Nia hatais hena nebee habokon tiha ho raan. Ema temi Nia naran “Maromak nia Liafuan”.

Apokalipse 2:8

Depois Ema nee hatete mai hau, “Hakerek hanesan nee ba sarani sira iha sidade Esmirna: ‘Hau mak huun ho rohan. Uluk Hau mate tiha ona maibee agora Hau moris fali ona. Hau nia lia menon mak nee:

Apokalipse 21:6

Nia dehan tan, “Buat sira nee kumpri tiha hotu ona! Hau mak Alfa no Omega, primeiru ho ikus, huun ho rohan. Ema nebee hamrook, Hau sei foo hemu bee hosi bee matan nebee foo moris tinan ba tinan, bee nee la selu.

Apokalipse 22:13

Hau mak Alfa no Omega, primeiru no ikus, Hau mak hahuu no remata, Hau mak huun ho rohan.

Apokalipse 3:14

Tuir mai Ema nee hatete mai hau, “Hakerek hanesan nee ba sarani sira iha sidade Laodiseia: ‘Hau mak Ida nebee ema bolu dehan ‘Amen, loos duni’. Hau sempre foo sasin loloos. Hau mak lalehan ho rai nia huun, ho buat hotu-hotu nebee Nai Maromak halo. Hau nia lia menon mak nee: