Jenesis 7:7 - Biblia Tetun Dili

⁷ Noé ho nia kaben, ho nia oan sira, ho nia feto foun sira tama ba roo laran, para bele salva aan hosi bee boot nee.

Jenesis 7:7 Iomraidhean Croise

Jenesis 6:18

Maibee Hau sei halo aliansa ho o. Nunee o sei tama iha roo nee nia laran, hamutuk ho o nia kaben, ho o nia oan sira, ho o nia feto foun sira.

Jenesis 7:1

Tuir mai, NAI Maromak hatete ba Noé, “Hau haree baa iha fatin-fatin, so o mesak deit mak moris loos. Tanba nee, o ho o nia kaben ho o nia oan sira tama ona ba roo laran nee.

Mateus 24:38

Iha tempu nebaa, molok bee boot sae, sira haan-hemu i halo festa kazamentu hanesan baibain, too loron Noé tama ba roo boot laran.

Lucas 17:27

Iha tempu nebaa, sira haan-hemu, sira kaben no halo festa kazamentu hanesan baibain, too loron Noé tama ba roo boot laran. Depois, bee boot sae, halo sira mate hotu.

Ebreu 11:7

Noé fiar ba Nai Maromak. Nee mak bainhira Maromak foo hatene dehan, Nia atu halo rai nabeen, Noé mos rona. Maski Noé seidauk haree buat nee, maibee nia hakruuk ba Nai Maromak hodi halo roo para salva nia aan ho mos nia familia. Tanba nia fiar nee, Maromak konsidera nia ema ida nebee moris loos. Maibee ema sira seluk iha tempu nebaa hetan kastigu too mate mohu tanba sira la fiar ba Maromak hanesan Noé.

Ebreu 6:18

Nia promesa ho Nia juramentu nee sei la muda, tanba Maromak nunka bosok. Nunee Nia halo juramentu nee para ita nebee buka mahon ona iha Nia bele laran metin ba Nia promesa nee.

1 Pedro 3:20

Espiritu sira nee mak uluk lakohi halo tuir Nai Maromak nia liafuan iha Noé nia tempu. Bainhira Noé halo roo boot, Nai Maromak hein ho pasiensia para ema sira nee hakribit sira nia sala, maibee sira lakohi arepende. Too ikus bee sae, i ema nain walu deit mak moris tanba tama ba roo laran.

2 Pedro 2:5

Nunee mos Maromak kastigu ema sira nebee moris iha Noé nia tempu uluk. Iha tempu nebaa Maromak halo rai nabeen hodi halo mate ema hotu nebee la interese Nia. Maromak salva deit Noé ho nia familia ema nain hitu. Noé nee ema ida nebee foo sai lia loos.