Jenesis 7:1 - Biblia Tetun Dili

¹ Tuir mai, NAI Maromak hatete ba Noé, “Hau haree baa iha fatin-fatin, so o mesak deit mak moris loos. Tanba nee, o ho o nia kaben ho o nia oan sira tama ona ba roo laran nee.

Jenesis 7:1 Iomraidhean Croise

Jenesis 6:18

Maibee Hau sei halo aliansa ho o. Nunee o sei tama iha roo nee nia laran, hamutuk ho o nia kaben, ho o nia oan sira, ho o nia feto foun sira.

Jenesis 6:9

Noé nia istoria nunee. Nia iha oan mane nain tolu. Sira nia naran mak : Sem, Jafé ho Kam. Noé nee moris loos, i la halo buat aat. Iha tempu nee, nia mesak deit mak ema diak. Nia moris hamtauk ba NAI Maromak.

Jenesis 7:13

Iha loron nee, Noé ho nia kaben, ho nia oan nain tolu nee mak, Sem, Jafé ho Kam, ho nia feto foun sira hotu tama ba roo laran.

Jenesis 7:7

Noé ho nia kaben, ho nia oan sira, ho nia feto foun sira tama ba roo laran, para bele salva aan hosi bee boot nee.

Lucas 1:6

Sira nain rua nee ema nebee moris loos iha Maromak nai futar oin, i halo tuir Maromak nia lei no Nia ukun fuan sira.

Lucas 17:26

Bainhira loron too atu Hau fila fali mai, ema sei moris hanesan iha Noé nia tempu uluk.

Apostolu sira nia Istoria 2:39

Tan Nai Maromak promete ona atu foo Nia Espiritu nee ba ema hotu nebee Nia bolu tiha ona. Promesa nee Nia foo ba imi, ho imi nia jerasaun sira, ho mos ba ema sira nebee sei iha liur nebaa.”

Ebreu 11:7

Noé fiar ba Nai Maromak. Nee mak bainhira Maromak foo hatene dehan, Nia atu halo rai nabeen, Noé mos rona. Maski Noé seidauk haree buat nee, maibee nia hakruuk ba Nai Maromak hodi halo roo para salva nia aan ho mos nia familia. Tanba nia fiar nee, Maromak konsidera nia ema ida nebee moris loos. Maibee ema sira seluk iha tempu nebaa hetan kastigu too mate mohu tanba sira la fiar ba Maromak hanesan Noé.

1 Pedro 3:20

Espiritu sira nee mak uluk lakohi halo tuir Nai Maromak nia liafuan iha Noé nia tempu. Bainhira Noé halo roo boot, Nai Maromak hein ho pasiensia para ema sira nee hakribit sira nia sala, maibee sira lakohi arepende. Too ikus bee sae, i ema nain walu deit mak moris tanba tama ba roo laran.