Jenesis 4:7 - Biblia Tetun Dili

⁷ Se o halo buat diak, Hau sei simu o ho diak. Maibee kuidadu! Se o halo buat aat, sala hein hodi tama iha ita nia fuan-laran. Sala hakarak domina o, maibee o tenki manaan sala.”

Jenesis 4:7 Iomraidhean Croise

Jenesis 19:21

Nia hataan, “Baa deit baa! Hau sei halo tuir o nia hakarak, i la halo rahun aldeia nee.

Jenesis 3:16

I Nai Maromak foo hatene ba feto nee dehan, “Hau sei amenta o nia terus bainhira o isin rua, no amenta moras bainhira o tuur ahi. Maibee bele nunee mos, o sei hakarak nafatin o nia laen. Maski nunee, nia mak sei domina o.”

Apostolu sira nia Istoria 10:35

Ema hosi suku nebee deit, se nia hamtauk ba Nai Maromak, i moris tuir Maromak nia hakarak, maka Nai Maromak simu nia.

Roma 12:1

Maun-alin sira, tanba Maromak hatudu ona Nia laran diak mai ita, nunee hau husu ba imi para entrega imi nia aan tomak ba Nia, hanesan sakrífisiu ida nebee sei moris, sakrífisiu ida nebee moos i halo haksolok Maromak nia laran. Ida nee mak dehan imi adora Maromak loloos.

Roma 14:18

Ema nebee serbii Kristu hanesan nee, nia halo haksolok Maromak nia laran, i ema seluk mos respeita nia.

Roma 15:16

Nia foti hau sai Kristu Jesus nia atan para serbii ema nebee laos Judeu. Hau kaer knaar hanesan nai-lulik ida hodi foo sai Maromak nia Novidade Diak. Nunee ema nebee laos Judeu bele sai hanesan oferta ida nebee halo haksolok Maromak nia laran, tanba Espiritu Santu halo sira sai moos tiha ona.

Roma 6:12

Nee duni, la bele husik sala domina imi nia aan nebee too loron ida sei mate. La bele tuir fali buat aat sira nebee mak imi nia aan hakarak halo.

Roma 6:16

Imi hatene katak, se imi foo imi nia aan ba ema seluk hodi halo tuir nia hakarak, nee hanesan imi sai ona atan ba ema nee. Nunee mos se imi foo aan hodi halo sala, imi sai atan ba sala, i too ikus sala nee halo imi mate tinan ba tinan. Se imi foo aan hodi halo tuir Maromak nia hakarak mak sei lori imi ba moris loos.

Efezu 1:6

Mai ita hahii Nia! Tanba Nia hatudu ona Nia laran diak teb-tebes mai ita, liu hosi Nia Oan doben.

Ebreu 11:4

Abel fiar ba Nai Maromak. Nee mak nia foo ba Maromak sakrifisiu ida nebee diak liu Kaín nian. Tanba Abel nia fiar mak Maromak simu nia sakrifisiu i konsidera nia ema ida nebee moris loos. Nunee, maski Abel mate kleur ona, maibee ita bele aprende nafatin hosi nia fiar.

Tiago 1:15

Hanoin aat mak dada ita ba halo sala. I bainhira ita halo sala nafatin, maka sala nee sei lori ita ba mate.

1 Pedro 2:5

Nunee imi ida-idak mos hanesan fatuk isin nebee moris, i Maromak hada dadauk imi hotu too imi hamutuk sai uma ida para Nia Espiritu hela. Maromak mos halo imi sai hanesan nai-lulik nebee moris ho laran moos hodi foo sakrifisiu espiritual ba Nia. I sakrifisiu nee Nia simu ho haksolok, liu hosi Jesus Kristu.