Jenesis 4:10 - Biblia Tetun Dili

¹⁰ Nai Maromak dehan, “Nusaa mak o halo buat aat nee? O keta hanoin o bele subar o nia alin nia raan iha rai, tan nia raan nee hakilar mai Hau.

Jenesis 4:10 Iomraidhean Croise

Jenesis 18:20

Entaun NAI Maromak foo hatene ba Abraão dehan nunee, “Hau rona ona ema barak reklama kona ba ema iha sidade Sodoma ho Gomora, tanba ema sira nee halo aat demais liu ona.

Jenesis 3:13

I NAI Maromak husu ba feto, “Nusaa mak o halo nunee?” Feto nee hataan, “Samea mak bosok hau. Nee mak hau haan tiha ona ai fuan nee.”

Jenesis 9:5

Hau halo ema tuir Hau nia imajen. Tanba nee, keta oho ema. Se iha ema ka animal mak halo mate ema, nia tenki mate.

Apostolu sira nia Istoria 5:3

Maibee Pedro hatete, “Ananias, nusaa mak o tuir fali Satanás nia hakarak, para o bosok Espiritu Santu?! Nusaa mak osan rai nian nee, o subar tiha balu?

Apostolu sira nia Istoria 5:9

I Pedro dehan, “Nusaa mak imi nain rua kombina malu koko Nai Maromak nia Espiritu? Haree tok ba! Ema sira nebee lori o nia laen baa hakoi, foin fila. Sira mos sei hulan o nia mate isin baa hakoi.”

Ebreu 11:4

Abel fiar ba Nai Maromak. Nee mak nia foo ba Maromak sakrifisiu ida nebee diak liu Kaín nian. Tanba Abel nia fiar mak Maromak simu nia sakrifisiu i konsidera nia ema ida nebee moris loos. Nunee, maski Abel mate kleur ona, maibee ita bele aprende nafatin hosi nia fiar.

Ebreu 12:24

Imi mai ona iha Jesus. Nia mak sai mediador hodi lori Nai Maromak nia aliansa foun mai ita ema, i Nia raan fakar too mate hodi salva ita. Nunee Nia raan nee diak liu Abel nian.

Tiago 5:4

Imi hamatak ema nebee serbisu mate aan halo toos ba imi. Agora sira nia kosar been haklalak ba Nai Maromak. I Maromak nebee Forsa teb-tebes rona ona sira nia halerik.