Jenesis 39:12 - Biblia Tetun Dili

¹² Nia xefi nia kaben mai kaer José nia faru i dada nia hodi dehan, “Mai ona! Agora ita nain rua mesak deit. Mai ita baa toba ona.” Maibee José lakohi. Nia dada aan halai sai ba liur, husik feto nee kaer nafatin nia faru iha uma laran.

Jenesis 39:12 Iomraidhean Croise

2 Timóteo 2:22

Timóteo, halai sees hosi buat aat nebee foin-sae sira balu gosta halo. Hakaas aan atu moris loos. Fiar nafatin ba Maromak, hadomi sarani sira i haree malu didiak. Ema sira nebee adora Maromak ho laran moos, sempre halo hanesan nee.

1 Pedro 2:11

Maluk doben sira, imi nee ema lao rai deit, imi hela iha mundu nee la kleur ida. Tanba nee hau husu atu imi hadook aan hosi imi nia hakarak nebee aat, tanba imi nia hakarak aat sempre halo funu hasoru imi nia aan.

1 Korintu 15:33

Keta husik ema bosok imi. “Se o ranxu ho ema aat, o sei estraga o nia kostumi diak.”

Jenesis 39:10

Maibee bele nunee mos, xefi nia kaben nee loro-loron hamaus bebeik José, para toba hamutuk ho nia. Maibee José la interese ba nia.

Jenesis 39:8

Maibee José lakohi. Nia hataan dehan, “Keta halo nunee, senhora! Tanba hau nia xefi Potifar foo ona responsabilidade mai hau hodi toma konta buat hotu-hotu iha nee.

Jenesis 39:11

Iha loron ida, José tama ba uma laran, atu halo nia serbisu. Iha loron nee, la iha ema seluk iha uma.

Jenesis 39:13

Bainhira Potifar nia kaben haree José halai sai tiha ba liur husik hela nia faru,