Jenesis 3:5 - Biblia Tetun Dili

⁵ Nai Maromak bandu nunee, tanba Nia hatene ona, se imi haan ai fuan nee, imi nia matan sei nakloke i imi sei sai matenek hanesan Nia. Nunee imi hatene saida mak diak, i saida mak aat.”

Jenesis 3:5 Iomraidhean Croise

Jenesis 2:17

Maibee iha ai huun ida nia fuan mak o la bele haan. Tanba ai fuan nee mak foo hatene kona ba saida mak diak i saida mak aat. Se o haan, o mate kedas.”

Jenesis 2:9

Iha toos nia laran, Nia halo moris ona ai huun oi-oin mesak furak deit, nebee foo fuan didiak para ema bele haan. Nia mos halo moris ai huun nebee foo fuan oin rua iha toos nee nia klaran. Se ema haan ai fuan hosi ai nee ida, nia bele moris nafatin. I se ema haan ai fuan hosi ai ida seluk nee, nia bele hatene saida mak diak i saida mak aat.

Jenesis 3:10

Mane nee hataan, “Hau rona Maromak nia lian iha toos. Maibee hau tauk, tanba hau isin molik hela. Nee mak hau halai baa subar.”

Jenesis 3:22

I NAI Maromak hatete, “Agora nee ema hatene ona buat diak, no buat aat, hanesan ona Ita. Keta halo be sira haan tan ai-fuan hosi ai-huun nebee foo moris, nunee sira bele moris nafatin.”

Jenesis 3:7

Haan tiha, derepenti deit sira nain rua nia matan nakloke i hatene katak sira isin molik hela. Nee mak sira baa suku hamutuk ai tahan hodi taka sira nia isin molik.

Mateus 6:23

Maibee se imi nia matan aat, imi nia aan mos sai nakukun tiha. I bainhira naroman nebee iha imi nia aan la iha ona, maka imi nia moris nakukun teb-tebes.”

Apostolu sira nia Istoria 26:18

atu loke sira nia matan, para sira bele sai hosi nakukun laran ho moris iha naroman. O atu hasai sira hosi Satanás nia poder, i lori sira ba iha Nai Maromak. Tanba sira fiar mai Hau, Nai Maromak sei hamoos sira nia sala, i sira mos sai Maromak nia ema, hamutuk ho ema sira nebee Maromak hili ona.’ ”

2 Korintu 11:3

Agora dadaun imi tuir hela Kristu ho laran tomak. Maibee hau tauk, keta halo be ema ruma mai lohi imi para sees tiha hosi Kristu, hanesan iha tempu uluk samea lohidor mai lohi Eva.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

2 Tesalonika 2:4

Nia mos kontra no foti nia aan aas liu lulik sira ho buat hotu-hotu nebee ema adora. Too nia mos baa tuur iha Nai Maromak nia Uma Kreda Boot, hodi foti nia aan boot liu hotu-hotu dehan, “Hau mak Maromak!”.

Apokalipse 13:14

Ho milagre nebee nia halo hodi animal siak primeiru nia naran nee, nia lohi ema hotu iha mundu. Nia haruka ema harii estatua animal primeiru nian para foti aas animal primeiru nee, ida nebee uluk ema halo kanek ho surik, maibee sei moris hela.

Apokalipse 13:4

Sira hotu adora samea ulun hitu nee hanesan fali maromak ida, tanba samea nee foo tiha ona kbiit ba animal siak nee. Sira mos adora animal siak nee hodi dehan, “La iha ida mak forsa hanesan animal nee! La iha ida mak bele manaan nia.”