Jenesis 24:7 - Biblia Tetun Dili

⁷ Tan NAI Maromak nebee kaer ukun iha lalehan mak lori hau sai hosi hau nia aman sira nia uma iha hau nia rain, too hau mai iha nee. I Nia jura ona mai hau dehan, ‘Hau sei foo rai nee hotu ba o nia jerasaun.’ Nee duni o lalikan laran rurua! O baa deit. Tanba Maromak sei haruka Nia anju mai loke dalan ba o, atu o hetan feto raan ida, para sai hau nia oan nia kaben.

Jenesis 24:7 Iomraidhean Croise

Jenesis 13:15

Rai hotu-hotu nebee o haree nee, Hau sei foo ba o, ho ba o nia oan no bei-oan sira, para sai imi nia rikusoin nafatin too tinan ba tinan.

Jenesis 15:18

Momentu nee, NAI Maromak hametin Nia aliansa ho Abrão. Nia foo hatene dehan, “Hau promete, Hau sei foo rai nee ba o nia jerasaun sira, komesa hosi mota Ejitu too iha mota Eufrates,

Jenesis 16:7

Nia halai too iha rai fuik maran. I NAI Maromak nia anju ida hetan nia besik bee matan ida iha dalan ba Sur.

Jenesis 17:8

Rai Kanaan nee hotu, Hau sei foo ba o ho o nia jerasaun sira. Agora o hela iha nee hanesan ema lao rai. Maibee aban-bainrua rai Kanaan nee tomak sei sai o nia jerasaun sira nian, too tinan ba tinan. I Hau rasik mak sira nia Maromak.

Jenesis 21:17

Nai Maromak rona Ismael tanis, i Nia anju bolu Hagar hosi lalehan dehan, “Hagar, nusaa mak o nia laran susar nunee? Keta tauk, tanba Maromak rona ona labarik nee nia tanis.

Jenesis 22:11

Maibee, derepenti deit, NAI Maromak nia anju hakilar hosi lalehan dehan, “Abraão! Abraão!” Nia hataan, “Nai!”

Jenesis 24:40

Nia hataan, ‘NAI Maromak nebee hau sempre tuir no serbii, sei haruka Nia anju mai loke dalan ba o, para o bele hetan feto ida hosi hau nia maluk rasik para kaben ho hau nia oan.

Jenesis 26:24

Iha kalan nee, NAI Maromak hatudu Aan ba nia, hodi dehan, “Isac! Hau nee o nia aman Abraão nia Maromak. O keta tauk, tanba Hau mak kuidadu o. Hau sei foo bensaun ba o, i o nia jerasaun sei aumenta barak. Hau halo nunee, tanba Hau nia promesa ho o nia aman.”

Jonas 1:9

Jonas hataan dehan, “Hau ema Ebreu. Hau fiar ba NAI Maromak iha lalehan, nebee halo lalehan ho rai.

Apostolu sira nia Istoria 7:5

Iha tempu nebaa, Nai Maromak la foo rai pedasuk ida ba Abraão hanesan nia rikusoin. Maibee Nia promete atu foo rai nee tomak ba Abraão ho nia jerasaun sira. Momentu Nai Maromak promete nee, Abraão seidauk iha oan.

Ebreu 1:14

Entaun anju sira nee see? Sira nee espiritu nebee serbii Nai Maromak. I Nia haruka anju sira nee mai tulun ema nebee mak sei hetan salvasaun.

Ebreu 11:9

Too tiha rai nebee Maromak promete atu foo ba nia nee, nia fiar nafatin. Nee mak nia prontu moris hanesan ema lao rai hodi hela iha tenda okos deit. Maromak nia promesa nebee Abraão simu nee tuun mos ba nia oan Isac ho nia bei-oan Jacó, i sira mos moris hanesan ema lao rai nafatin.

Apokalipse 11:13

Derepenti deit rai nakdoko makaas. Nunee se ita fahe sidade nee ba parte sanulu, parte ida rahun hotu. I ema rihun hitu mate. Ema nebee mak sei moris, tauk teb-tebes, i sira hahii Nai Maromak iha lalehan.