Jenesis 24:12 - Biblia Tetun Dili

¹² I katuas nee halo orasaun dehan, “NAI Maromak nebee hau nia patraun Abraão adora. Hatudu Ita nia laran diak mai hau nia patraun Abraão. Nunee tulun loke dalan, para hau nia viajen nee bele hetan rezultadu diak.

Jenesis 24:12 Iomraidhean Croise

Jenesis 15:1

Nee liu tiha, Nai Maromak hatudu Aan ba Abrão. Nia hatete, “Abrão! O keta tauk. Hau mak proteje o hosi o nia inimigu. I Hau foo ba o prémiu boot.”

Jenesis 24:21

Katuas nee hamriik nonook, hodi haree nia serbisu. Nia hanoin dehan, “Feto raan nee mak Maromak hili ka?”

Jenesis 24:27

Nia dehan, “Hahii ba Maromak! Maromak hatudu ona Ita Boot nia laran diak mai hau nia patraun Abraão, i hanoin ona Ita nia promesa ho nia. Nunee, Maromak loke ona dalan ba hau hetan kedas patraun Abraão nia maluk iha nee.”

Jenesis 24:42

Nunee, ohin too iha bee posu, hau harohan nunee: ‘NAI Maromak nebee hau nia patraun Abraão adora. Tulun loke dalan atu hau nia viajen nee hetan rezultadu diak.

Jenesis 24:48

Depois hau hakruuk adora Maromak hodi dehan, ‘Obrigadu Nai Maromak! Ita Boot loke ona dalan mai hau, too hau hasoru rasik ho patraun Abraão nia maluk sira iha nee. I hau mos bele hasoru ho senhor Isac nia noiva.’

Jenesis 26:24

Iha kalan nee, NAI Maromak hatudu Aan ba nia, hodi dehan, “Isac! Hau nee o nia aman Abraão nia Maromak. O keta tauk, tanba Hau mak kuidadu o. Hau sei foo bensaun ba o, i o nia jerasaun sei aumenta barak. Hau halo nunee, tanba Hau nia promesa ho o nia aman.”

Jenesis 27:10

Depois o lori baa foo o nia aman haan. I nia sei foo bensaun ba o, molok nia mate. Nunee o mak hetan bensaun, laos o nia maun.”

Jenesis 27:20

I Isac dehan, “O nee makaas duni. Halo nusaa mak o bele hetan naan lalais nunee?” Jacó hataan dehan, “Tanba NAI Maromak ida nebee apaa adora nee, mak tulun hau.”

Jenesis 28:13

Iha mehi nee, Jacó haree NAI Maromak hamriik iha nia sorin, hodi hatete, “Hau nee NAI Maromak, o nia avoo Abraão ho o nia aman Isac nia Maromak. Hau sei foo rai ida nee ba o, ho o nia jerasaun sira.

Jenesis 31:42

Sorti Nai Maromak iha! Ida nebee avoo Abraão ho apaa Isac adora. Se Nia la tau matan ba hau, maka tiu duni tiha ona hau fila ho liman mamuk. Maibee Nai Maromak la taka matan ba hau nia terus, i Nia mos haree hau nia serbisu hotu. Nee mak hori-kalan, Nia mai foo hatene dehan tiu mak sala.”

Jenesis 32:10

Ita Boot sempre hatudu Ita nia laran diak mai hau, i hanoin Ita Boot nia promesa ho hau. Hau la serve atu simu nee. Uluk bainhira hau hakur liu hosi mota Jordaun, hau lori ai-tonka deit. Maibee agora, hau mai fali lori ema barak ho animal barak fahe ba grupu rua.

Jenesis 32:9

Depois Jacó halo orasaun dehan, “NAI Maromak! Ita Boot mak hau nia avoo Abraão ho hau nia aman Isac adora. Rona hau lai! Uluk Maromak mak haruka hau fila ba hau nia familia sira iha rai nee. Maromak mak promete dehan, Ita Boot mak sei prepara buat hotu halo diak mai hau.

Jenesis 43:14

Hau harohan ba Nai Maromak forsa teb-tebes, para halo liurai Ejitu nia visi nee bele hadomi imi. Para nia bele foo fila Benjamim ho Simeão mai hamutuk ho imi. Maibee, se hau nia oan sira tenki lakon, biar hau lori nafatin terus nee.”

Mateus 22:32

‘Hau mak Abraão nia Maromak, Isac nia Maromak ho Jacó nia Maromak, sira hotu adora nafatin Hau too agora.’ Nee hatudu katak ema mate sei moris fali. Tanba so ema moris deit mak bele adora Maromak, ema mate lae.”

Filipi 4:6

La bele preokupa kona ba saida deit. Maibee iha situasaun saida deit, halo orasaun husu Nai Maromak nia tulun. I bainhira imi husu, keta haluha foo agradese ba Nia.