Jenesis 22:2 - Biblia Tetun Dili

² I Maromak haruka nia dehan, “O lori o nia oan mane mesak Isac, nebee o hadomi liu nee, lori nia ba iha rai Moriá, halo nia sai sakrifisiu tunu foo mai Hau. Too ona iha nebaa, foin Hau hatudu fatin ba o, iha foho ida.”

Jenesis 22:2 Iomraidhean Croise

Jenesis 17:19

Maibee Maromak hataan, “Lae! O nia kaben Sara mak sei hetan oan mane ida. O tau nia naran Isac. Hau nia aliansa sei tuun ba nia, ho nia jerasaun too tinan ba tinan.

Jenesis 21:12

Maibee Nai Maromak hatete, “Abraão! O lalika laran susar ba labarik nee ho o nia atan Hagar. Tuir deit Sara nia hakarak baa, tanba liu hosi Isac mak o sei hetan jerasaun nebee Hau promete ona.

Jenesis 21:3

I Abraão tau naran ba labarik nee, Isac. (Nee dehan katak ‘nia hamnasa’.)

Jenesis 22:12

Depois anju nee dehan, “O la bele oho labarik nee! La bele halo buat ida ba nia! Agora Hau hatene ona katak o hamtauk duni i tuir Hau nia hakarak, tanba o prontu foo o nia oan mane mesak nee mai Hau.”

Jenesis 22:16

“NAI Maromak rasik hatete, ‘Hau jura hodi Hau nia naran rasik, katak: Tanba o halo nunee, i prontu foo o nia oan mesak mai Hau,

Jenesis 22:3

Aban dadeer-saan rai huun mutin, Abraão tesi ai hodi tunu sakrifisiu, i kesi ai nee tula ba kuda buru ida. Tuir mai, nia ho Isac, ho nia atan nain rua, baa iha fatin nebee Maromak foo hatene ona ba nia.

Jenesis 22:9

Bainhira sira too ona iha fatin nebee Maromak hatete nee, Abraão hada fatuk hanesan altar para tunu sakrifisiu. Nia tau ai iha altar leten. Depois nia kesi tiha nia oan Isac i hatoba iha ai leten.

Jenesis 8:20

Tuir mai Noé hada fatuk hodi halo altar ida ba NAI Maromak. Hosi animal hotu-hotu no manu hotu-hotu nebee bele haan, nia uza hodi halo sakrifisiu, nia hasai balu, i nia oho para tunu iha altar nee, hodi agradese ba NAI Maromak.

João 3:16

Tanba Nai Maromak hadomi teb-tebes ema hotu-hotu iha mundu nee, nee mak Nia haruka Nia Oan mane mesak, para ema hotu nebee fiar ba Nia, Nai Maromak la husik sira lakon, maibee Nia foo ba sira moris rohan laek.

Roma 5:8

Maibee Maromak hatudu Nia domin boot mai ita liu hosi Kristu mate iha ita nia fatin, bainhira ita sei moris hela iha sala nia laran.

Roma 8:32

Maromak laran luak teb-tebes, too Nia foo Nia Oan rasik para mate iha ita hotu nia fatin. Hosi nee ita bele hatene katak, Nia sei foo tan mai ita buat hotu-hotu nebee diak.

Ebreu 11:17

Tanba Abraão fiar ba Nai Maromak mak bainhira Nai Maromak haruka nia oho nia oan Isac nudar sakrifisiu ba Maromak, Abraão prontu halo tuir. Isac nee Abraão nia oan mane mesak, i Maromak hatete ona ba nia dehan, “Liu hosi Isac mak o sei hetan jerasaun nebee Hau promete ona ba o.” Maski nunee, Abraão foo nia oan atu sai sakrifisiu ba Maromak,