Jenesis 21:2 - Biblia Tetun Dili

² Nunee Sara mos isin rua, i nia tuur ahi oan mane ida. Labarik nee moris duni iha tempu nebee Maromak promete ona.

Jenesis 21:2 Iomraidhean Croise

Jenesis 17:19

Maibee Maromak hataan, “Lae! O nia kaben Sara mak sei hetan oan mane ida. O tau nia naran Isac. Hau nia aliansa sei tuun ba nia, ho nia jerasaun too tinan ba tinan.

Jenesis 17:21

Bele nunee, maibee Hau nia aliansa nee ho deit Isac. Iha tinan oin mai, mais-ou-menus tempu hanesan nee, Sara sei tuur ahi.”

Jenesis 18:10

Depois ema ida hosi sira nain tolu nee, dehan, “Tinan oin mai, Hau sei mai fali. Iha tempu nee, o nia kaben Sara iha ona oan mane ida.” Momentu sira koalia nunee, Sara rona hela hosi odamatan nia kotuk.

Jenesis 18:14

Hau nee NAI Maromak! La iha buat ida mak Hau la bele halo. Hanoin didiak. Tinan oin Hau mai fali iha nee, Sara iha ona oan mane ida.”

Lucas 1:36

Laos nee deit. O nia maluk Isabel mos hetan ona oan mane ida, maski nia ferik liu ona. Ema dehan nia la bele hetan oan, tanba nia kiuk, maibee agora nia isin rua fulan neen ona.

Apostolu sira nia Istoria 7:8

Depois Nai Maromak halo aliansa ho Abraão liu hosi sunat, nee hanesan sinal ida katak Abraão sira sai ona Nai Maromak nia ema. I bainhira Abraão nia oan Isac halo loron walu, Abraão sunat nia. Bainhira too nia tempu, Isac sunat nia oan Jacó. Depois Jacó mos sunat nia oan mane sanulu resin rua. Sira nee mak ita ema Judeu nia bei-ala.

Roma 9:9

Nia promesa mak nee: “Tinan oin Hau fila fali mai, o nia feen Sara iha ona oan mane ida.”

Galasia 4:22

Iha Livru Sagradu hakerek dehan, Abraão iha oan mane nain rua, ida hosi nia atan feto Hagar, ida hosi nia kaben Sara nebee ema livre.

Ebreu 11:11

Tanba Abraão fiar ba Nai Maromak mak nia kaben Sara bele hetan oan, maski sira nain rua ferik-katuas liu ona, i desde uluk kedas Sara la bele hetan oan. Maibee too ikus sira hetan duni oan tanba Abraão fiar katak Maromak sei halo tuir Nia promesa.