Jenesis 2:9 - Biblia Tetun Dili

⁹ Iha toos nia laran, Nia halo moris ona ai huun oi-oin mesak furak deit, nebee foo fuan didiak para ema bele haan. Nia mos halo moris ai huun nebee foo fuan oin rua iha toos nee nia klaran. Se ema haan ai fuan hosi ai nee ida, nia bele moris nafatin. I se ema haan ai fuan hosi ai ida seluk nee, nia bele hatene saida mak diak i saida mak aat.

Jenesis 2:9 Iomraidhean Croise

Jenesis 2:17

Maibee iha ai huun ida nia fuan mak o la bele haan. Tanba ai fuan nee mak foo hatene kona ba saida mak diak i saida mak aat. Se o haan, o mate kedas.”

Jenesis 3:22

I NAI Maromak hatete, “Agora nee ema hatene ona buat diak, no buat aat, hanesan ona Ita. Keta halo be sira haan tan ai-fuan hosi ai-huun nebee foo moris, nunee sira bele moris nafatin.”

Jenesis 3:24

Duni sai tiha sira, NAI Maromak haruka Nia anju nebee iha liras baa hein toos nee iha loro-sae nia sorin baa. Maromak tau surik kroat nebee dulas baa-mai, i lakan hanesan ahi. Maromak haruka sira taka tiha dalan tama ba toos nee, tan Nia lakohi ema baa kuu ai-fuan nebee bele foo moris nafatin.

Jenesis 3:3

Maibee iha ai huun ida deit iha toos nia klaran, nia fuan mak Nai Maromak bandu ami la bele haan, i la bele book nia fuan. Se lae ami mate.”

Jenesis 3:5

Nai Maromak bandu nunee, tanba Nia hatene ona, se imi haan ai fuan nee, imi nia matan sei nakloke i imi sei sai matenek hanesan Nia. Nunee imi hatene saida mak diak, i saida mak aat.”

João 6:48

Tan Hau mak Paun nebee lori moris.

1 Korintu 8:1

Agora hau hakarak koalia kona ba naan nebee ema hamulak tiha ona ba lulik. Ita sarani sira senti aan dehan ita hotu hatene ona kona ba buat nee. Ema nebee hatene buat ruma, nia foti aan, maibee ema nebee iha domin, hametin ema nia fiar.

Apokalipse 2:7

Imi nebee iha tilun, rona didiak saida mak Maromak nia Espiritu hatete ba sarani sira. Ema nebee manaan, Hau sei foo direitu ba nia para bele haan ai fuan nebee lori nia ba moris rohan-laek. Ai fuan nee nia huun moris iha Nai Maromak nia toos Eden.’ ”

Apokalipse 22:14

Ema nebee fasi tiha ona sira nia hena too moos, sira hetan bensaun. Tanba sira mak iha direitu tama ba sidade laran liu hosi portaun para bele haan ai fuan nebee foo moris rohan-laek.

Apokalipse 22:2

suli liu hosi estrada boot nia klaran iha sidade nee. Iha mota nee nia sorin-sorin iha ai nebee foo fuan, i ai fuan sira nee mos foo moris rohan-laek. Ai huun nee foo fuan tinan ida dala sanulu resin rua, fulan ida foo fuan dala ida. I ai nee nia tahan uza hanesan aimoruk hodi kura ema iha nasaun hotu-hotu iha mundu.