Jenesis 2:8 - Biblia Tetun Dili

⁸ Liu tiha nee, NAI Maromak loke toos ida iha rai Eden, iha loro-sae nia sorin baa. I Nia tau ema nee hela iha toos nee.

Jenesis 2:8 Iomraidhean Croise

Jenesis 13:10

Entaun Lo haree baa-mai, nia mos haree ba rai tetuk iha mota Jordaun nia sorin, too iha aldeia Zoar. Rai nee, bee barak. Rai nee mos bokur hanesan toos NAI Maromak nian, i diak hanesan rai Ejitu. (Iha tempu nee, NAI Maromak seidauk halo rahun sidade Sodoma ho Gomora.)

Jenesis 3:23

Entaun NAI Maromak duni sai tiha sira hosi toos Eden, ba iha fatin seluk, atu fila rai. Ema mai hosi rai, i tenki mos moris hosi rai.

Jenesis 3:24

Duni sai tiha sira, NAI Maromak haruka Nia anju nebee iha liras baa hein toos nee iha loro-sae nia sorin baa. Maromak tau surik kroat nebee dulas baa-mai, i lakan hanesan ahi. Maromak haruka sira taka tiha dalan tama ba toos nee, tan Nia lakohi ema baa kuu ai-fuan nebee bele foo moris nafatin.

Jenesis 4:16

Depois nia sai hosi NAI Maromak nia oin, i lao too iha fatin ida iha toos Eden nia sorin loro-sae. Fatin nee naran Node, nee dehan katak ‘lao rai’. I nia hela iha nebaa.