Jenesis 2:7 - Biblia Tetun Dili

⁷ I NAI Maromak foti rai ituan, kumu halo ema mane ida. I Nia huu iis tama ba nia inus, ema nee moris kedas.

Jenesis 2:7 Iomraidhean Croise

Jenesis 1:27

Nunee Nai Maromak halo ema hanesan Nia Aan. Nia halo sira mane ho feto.

Jenesis 2:6

Iha tempu nee, abu-abu mak sae hosi rai hodi habokon rai.

Jenesis 3:19

O sei serbisu too kosar metan sai foin o hetan ai-haan. O halo nunee too o mate. Hau halo o hosi rai, bainhira o mate, o sei fila fali ba rai.”

Jenesis 3:23

Entaun NAI Maromak duni sai tiha sira hosi toos Eden, ba iha fatin seluk, atu fila rai. Ema mai hosi rai, i tenki mos moris hosi rai.

João 20:22

Nia koalia tiha hotu, Nia besik ba sira, i Nia huu Nia iis ba sira ida-idak. Nia dehan, “Hau foo Maromak nia Espiritu Santu ba imi. Simu Nia baa.

Apostolu sira nia Istoria 17:25

Nia mak foo iis, ho foo moris ba ita ema. Nia mak foo ba ita buat hotu-hotu nebee ita presiza. Maibee Nia rasik la presiza ajuda ida hosi ita ema.

Roma 9:20

Maibee o nee see mak brani koalia kontra Maromak hanesan nee? O nee ema deit! Hanoin took, bainhira ema halo sanan rai, sanan nee la bele husu fali ba ema nee, “Nusaa mak o halo hau hanesan nee?”

1 Korintu 15:45

Iha Livru Sagradu hakerek dehan, “Ema primeiru nebee Maromak foo iis mak Adão. Ikus mai iha tan Adão seluk, nee mak Kristu. Adão ida ikus nee Ema lalehan nian, i Nia mak huun ba moris rohan-laek.”

1 Korintu 15:47

Adão ida primeiru hosi rai rahun, Adão ida segundu hosi lalehan.

2 Korintu 4:7

Novidade Diak nee murak mean ida, i ami nee hanesan sana rai deit. Maibee Maromak rai fali murak mean nee iha ami, atu hatudu ba ema hotu katak kbiit boot nee mai hosi Maromak, laos mai hosi ami.

2 Korintu 5:1

Ita hatene katak, ita nia isin lolon agora nee hanesan tenda ida nebee loron ida sei naksobu. Maibee Maromak prepara tiha ona fatin diak ida iha lalehan ba ita, i fatin nee rohan laek. Fatin nee laos ema mak halo, maibee Maromak mak halo.

1 Timóteo 2:13

Tan Nai Maromak halo uluk Adão, depois foin halo Eva.

Ebreu 12:9

Ita baibain respeita ita nia aman sira iha mundu tanba sira foo disiplina mai ita. Se nunee, saa tan ita nia Aman iha lalehan, ita tenki respeita liu tan hodi hakruuk ba Nia para ita bele hetan moris rohan-laek.