Jenesis 19:2 - Biblia Tetun Dili

² I nia koalia dehan, “Senhor sira! Mai tuur lai iha hau ata nia uma, para senhor sira fasi ain, i toba iha nebaa. Aban dadeer-saan, mak senhor sira kontinua imi nia viajen.” Maibee sira hataan, “Obrigadu. Lalikan fadigadu! Ami baa toba iha kampu deit.”

Jenesis 19:2 Iomraidhean Croise

Jenesis 18:4

Senhor sira mai deskansa lai iha ai mahon nee. Orsida hau nia atan sira lori bee mai fasi senhor sira nia ain.

Jenesis 19:1

Loro matan besik atu monu ona, Maromak nia anju nain rua nee too baa iha sidade Sodoma. Tempu nee, Lo sei tuur hela iha portaun sidade nian. Nia haree ema nain rua nee, nia baa kedas simu sira. I nia hakneak i hakruuk iha sira nain rua nia oin.

Jenesis 19:3

Maibee Lo husu bebeik, too sira mos baa tama duni iha nia uma. Lo haruka ema prepara hahaan kalan no tunu paun nebee la tau fermentu, depois sira haan hamutuk.

Jenesis 24:31

Labão dehan, “Senhor, NAI Maromak foo bensaun duni ba ita. Keta hamriik iha liur! Mai ita baa iha ami nia uma. Ami prepara tiha ona fatin. Hahaan ba senhor nia kuda kamelu sira mos iha.”

Jenesis 43:24

Depois sira hotu tama ba iha José nia uma. I José nia ema nee tau bee ba sira hodi fasi sira nia ain. Nia mos foo haan ba sira nia kuda buru.

Lucas 7:44

Depois Nia fila oin ba feto nee, i hatete ba Simão, “Ita haree took feto nee. Ohin Hau tama iha ita nia uma, ita la prepara bee hodi fasi Hau nia ain tuir ita nia lisan. Maibee nia habokon Hau nia ain ho nia matan been, depois nia hamaran ho nia fuuk.

João 13:5

I Nia tau bee iha basia ida, no komesa fasi Nia eskolante sira nia ain. Fasi tiha hotu, Nia hamaran ho toalha nebee sikat iha Nia kanotak.

Apostolu sira nia Istoria 16:15

Depois ami sarani Lídia ho ema hotu nebee hela ho nia. I nia konvida ami dehan, “Senhor sira, se imi hanoin hau fiar tebes ba Nai Jesus, entaun imi baa hela lai iha hau nia uma.” Nia hamaus bebeik, too ikus mai ami mos simu.

Ebreu 13:2

Keta haluha hatudu laran diak hodi simu bainaka iha imi nia uma. Tanba ema balu simu tiha bainaka, sira hanoin dehan ema baibain, afinal bainaka nebee sira simu nee anju.