Jenesis 19:12 - Biblia Tetun Dili

^12-13 Entaun bainaka nain rua nee hatete, “Lo! NAI Maromak hatene ona sidade nee nia aat. Nee duni, Nia haruka ami mai harahun tiha hotu sidade nee. Nunee, o sei iha maluk ruma iha sidade nee ka lae? Se o iha oan mane ka oan feto, ka mane foun, ka see deit, baa bolu sira hodi sai ona hosi sidade nee.”

Jenesis 19:12 Iomraidhean Croise

Jenesis 19:11

I sira nain rua halo ema Sodoma sira nee matan delek hotu, too sira lamas buka odamatan, la hetan.

Jenesis 19:14

Entaun Lo baa foo hatene ba mane nain rua nebee atu kaben ho nia oan feto sira, dehan, “Rona didiak mai! Agora imi sai lalais hosi nee ona, tanba NAI Maromak atu harahun sidade nee.” Maibee sira hanoin nia koalia halimar ho sira.

Jenesis 19:17

Depois bainaka nee ida foo orden dehan, “Halai lalais hodi salva aan. La bele haree ba kotuk, i keta para iha rai tetuk. Halai nafatin ba iha foho nebaa, atu imi la mate.”

Jenesis 19:22

Halai lalais ona! Tanba imi too iha nebaa mak foin hau bele harahun sidade nee.” (Komesa iha tempu nee, aldeia nee ema tau naran Zoar, nee dehan katak ‘kiik’.)

Jenesis 7:1

Tuir mai, NAI Maromak hatete ba Noé, “Hau haree baa iha fatin-fatin, so o mesak deit mak moris loos. Tanba nee, o ho o nia kaben ho o nia oan sira tama ona ba roo laran nee.

2 Pedro 2:7

Iha tempu nebaa Maromak salva deit Ló. Ló nee ema ida ke moris loos, i nia laran tristi teb-tebes tanba povu kontra buat nebee mak loos hodi moris iha sala foer nia laran.

2 Pedro 2:9

Ezemplu hirak nee hatudu katak, Nai Maromak salva ema nebee mak halo tuir Nia hakarak, bainhira sira hasoru tentasaun. Nia mos foo kastigu ba ema nebee mak moris la loos, hodi hein too tempu atu Nia tesi ema hotu-hotu nia lia.

Apokalipse 18:4

Depois hau rona tan lian ida hosi lalehan dehan nunee: “Hau nia povu, sai tiha hosi sidade boot nee. Imi la bele halo tuir nia hahalok aat nee, se lae imi mos hetan hotu kastigu hamutuk ho nia.