Jenesis 18:1 - Biblia Tetun Dili

¹ Iha loron ida, NAI Maromak hatudu Aan ba Abraão besik ai huun boot sira iha Manre. Loro manas, Abraão tuur hela iha tenda oin.

Jenesis 18:1 Iomraidhean Croise

Jenesis 12:7

Iha fatin nee, NAI Maromak hatudu Aan ba Abrão. Nia dehan, “Hau sei foo rai nee ba o nia jerasaun sira.” Tuir mai, Abrão hada fatuk hanesan altar ida, hodi halo sakrifisiu ba NAI Maromak, ida nebee hatudu ona Aan ba nia.

Jenesis 13:18

Liu tiha nee, Abrão sira muda baa hela fali besik ai huun boot sira iha Manre, besik aldeia Hebron. I nia harii altar ida iha fatin nee, hodi adora NAI Maromak.

Jenesis 14:13

Maibee iha ema ida mak halai liu baa foo hatene ba Abrão, ema Ebreu nee. Tempu nee Abrão hela besik iha Manre nia ai huun boot sira. (Manre nee ema Amori. Manre ho nia alin Eskol ho Aner, halo akordu ho Abrão atu ajuda malu bainhira iha funu.)

Jenesis 15:1

Nee liu tiha, Nai Maromak hatudu Aan ba Abrão. Nia hatete, “Abrão! O keta tauk. Hau mak proteje o hosi o nia inimigu. I Hau foo ba o prémiu boot.”

Jenesis 17:22

Koalia hotu nunee, Maromak mos baa, husik hela Abraão.

Jenesis 18:22

NAI Maromak sei koalia hela ho Abraão, bainaka nain rua seluk nee kontinua lao ba sidade Sodoma.

Jenesis 20:1

Liu tiha nee, Abraão muda hosi Manre, baa iha rai Negebe sul, i nia hela iha aldeia Kades ho aldeia Sur nia klaran. La kleur, nia muda fali baa hela iha aldeia Gerar.

Jenesis 26:2

Nia halo nunee, tanba NAI Maromak hatudu Aan ona ba nia, dehan, “O la bele baa iha Ejitu. O ba hela iha rai nebee Hau sei hatudu ba o.

Jenesis 35:27

Depois Jacó baa haree nia aman Isac iha Manre besik aldeia Kiriate-Arba (nee mak agora naran Hebron). Uluk nia avoo Abraão mos hela iha fatin nee.

Jenesis 48:3

Jacó hatete ba José dehan, “Nai Maromak, ida forsa teb-tebes nee, uluk hatudu Aan mai hau iha aldeia Lus iha rai Kanaán. Iha nebaa, Nia promete mai hau,

Apostolu sira nia Istoria 7:2

Estevão hataan, “Irmaun sira, rona lai mai. Hori uluk molok ita nia bei-ala Abraão muda fatin ba Haran, bainhira sei hela iha Mezopotámia, Nai Maromak boot teb-tebes, hatudu ona Aan ba nia, ho foo orden dehan, ‘Husik tiha o nia rain ho o nia familia sira. I o baa iha rai ida nebee Hau sei hatudu ba o.’

Ebreu 11:9

Too tiha rai nebee Maromak promete atu foo ba nia nee, nia fiar nafatin. Nee mak nia prontu moris hanesan ema lao rai hodi hela iha tenda okos deit. Maromak nia promesa nebee Abraão simu nee tuun mos ba nia oan Isac ho nia bei-oan Jacó, i sira mos moris hanesan ema lao rai nafatin.

Ebreu 13:2

Keta haluha hatudu laran diak hodi simu bainaka iha imi nia uma. Tanba ema balu simu tiha bainaka, sira hanoin dehan ema baibain, afinal bainaka nebee sira simu nee anju.