Jenesis 13:13 - Biblia Tetun Dili

¹³ Maibee ema Sodoma sira, hahalok aat teb-tebes. Sira lakohi rona ba NAI Maromak.

Jenesis 13:13 Iomraidhean Croise

Jenesis 10:9

Ho NAI Maromak nia tulun, nia sai kasador diak ida. Tanba nee ema baibain dehan, “O nee kasador diak ida hanesan Nimrode.”

Jenesis 15:16

Too iha jerasaun lima foin sira fila fali mai iha fatin nee. Agora, ema Amori sira hela iha rai nee. Sira nee hahalok aat, maibee sira nia aat nee seidauk todan liu. Aban-bainrua, bainhira ema Amori sira nia hahalok nee aat demais liu ona, mak foin Hau uza o nia bei oan sira hodi harahun sira.”

Jenesis 18:20

Entaun NAI Maromak foo hatene ba Abraão dehan nunee, “Hau rona ona ema barak reklama kona ba ema iha sidade Sodoma ho Gomora, tanba ema sira nee halo aat demais liu ona.

Jenesis 38:7

Maibee Er nee ema hahalok aat teb-tebes. Tanba nee, Nai Maromak kastigu mate tiha nia. Nee mak Er mate la iha oan.

Jenesis 39:9

Iha uma nee, la iha tan ema seluk boot liu hau. Tanba xefi foo ona fiar mai hau hodi toma konta buat hotu-hotu. So senhora deit mak lae. Nusaa mak hau bele halo fali buat aat ida nunee! Nee kontra Nai Maromak nia hakarak!”

Jenesis 6:11

Maibee Nai Maromak haree ema sira seluk mesak ema aat hotu. Iha fatin-fatin sira halo mak violensia. Nai Maromak haree ema iha mundu, so halo buat aat deit.

Mateus 9:10

Depois Jesus baa haan iha Mateus nia uma, kobrador impostu barak i ema sala nain sira seluk mos mai haan hamutuk ho Jesus ho Nia eskolanti sira.

Mateus 9:13

Baa aprende didiak Maromak nia Liafuan nebee dehan, ‘Hau hakarak atu imi hatudu laran diak ba malu. Se lae imi lori sakrifisiu foo mai Hau mos la iha folin.’ Hau mai atu bolu ema sala nain sira, laos atu bolu ema nebee konsidera nia aan moris loos.”

João 9:24

Entaun sira bolu fila fali ema nebee uluk matan delek nee. I sira dehan, “O tenki koalia loloos iha Nai Maromak nia oin. Tanba ami hatene momoos katak Jesus nee ema sala nain.”

João 9:31

Ita hotu hatene katak, Nai Maromak la rona ema sala nain, maibee Maromak rona ema nebee laran moos, nebee moris tuir Nia hakarak.

Roma 1:27

Nunee mos laen sira husik tiha relasaun seksual ho sira nia feen, hodi kaan fali sira nia mane maluk, too mane ho mane halo fali relasaun seksual ba malu nebee aat liu. Tanba nee sira hetan ona kastigu tuir sira nia hahalok aat nee.

Ebreu 4:13

Iha lalehan ho rai la iha buat ida mak bele subar hosi Nai Maromak. Ba Nia, buat hotu-hotu nakloke, Nia haree borus. Too loron ida ita tenki hataan iha Maromak nia oin kona ba buat hotu-hotu nebee ita halo.

2 Pedro 2:10

Kastigu nebee todan liu sei monu ba ema nebee toman halo buat foer tuir sira nia hakarak aat i hatete aat ema hotu nebee kaer ukun.

Judas 1:7

Hanesan povu sidade Sodoma ho Gomora, ho aldeia sira nebee besik. Sira gosta halo sala seksual nebee la normal no iha relasaun seksual ho ema nebee laos nia laen ka nia feen. Too ikus Maromak kastigu sira iha ahi nebee nunka mate. Nee hanesan ezemplu ida hodi foo hanoin mai ita hotu.