Jenesis 12:7 - Biblia Tetun Dili

⁷ Iha fatin nee, NAI Maromak hatudu Aan ba Abrão. Nia dehan, “Hau sei foo rai nee ba o nia jerasaun sira.” Tuir mai, Abrão hada fatuk hanesan altar ida, hodi halo sakrifisiu ba NAI Maromak, ida nebee hatudu ona Aan ba nia.

Jenesis 12:7 Iomraidhean Croise

Jenesis 12:8

Liu tiha nee, Abrão sira muda ba foho iha parte sul, i sira hela la kleur iha aldeia Betél ho aldeia Ai nia klaran. Iha fatin nee nia halo altar ida hodi adora NAI Maromak.

Jenesis 13:15

Rai hotu-hotu nebee o haree nee, Hau sei foo ba o, ho ba o nia oan no bei-oan sira, para sai imi nia rikusoin nafatin too tinan ba tinan.

Jenesis 13:17

Agora o lao haleu rai nee tuir nia naruk ho nia luan. Rai nee hotu, Hau sei foo ba o.”

Jenesis 13:18

Liu tiha nee, Abrão sira muda baa hela fali besik ai huun boot sira iha Manre, besik aldeia Hebron. I nia harii altar ida iha fatin nee, hodi adora NAI Maromak.

Jenesis 13:4

Iha fatin nee, uluk nia halo ona altar ida. Agora nia adora fali NAI Maromak iha fatin nee.

Jenesis 15:18

Momentu nee, NAI Maromak hametin Nia aliansa ho Abrão. Nia foo hatene dehan, “Hau promete, Hau sei foo rai nee ba o nia jerasaun sira, komesa hosi mota Ejitu too iha mota Eufrates,

Jenesis 17:1

Bainhira Abrão tinan 99, NAI Maromak mai hatudu Aan ba nia. Nia hatete, “Hau nee NAI Maromak Boot Liu. O tenki tuir nafatin Hau nia hakarak, i moris loos.

Jenesis 17:3

Abrão hakniak no hakruuk too rai. Maromak koalia tan dehan,

Jenesis 17:8

Rai Kanaan nee hotu, Hau sei foo ba o ho o nia jerasaun sira. Agora o hela iha nee hanesan ema lao rai. Maibee aban-bainrua rai Kanaan nee tomak sei sai o nia jerasaun sira nian, too tinan ba tinan. I Hau rasik mak sira nia Maromak.

Jenesis 18:1

Iha loron ida, NAI Maromak hatudu Aan ba Abraão besik ai huun boot sira iha Manre. Loro manas, Abraão tuur hela iha tenda oin.

Jenesis 22:9

Bainhira sira too ona iha fatin nebee Maromak hatete nee, Abraão hada fatuk hanesan altar para tunu sakrifisiu. Nia tau ai iha altar leten. Depois nia kesi tiha nia oan Isac i hatoba iha ai leten.

Jenesis 24:7

Tan NAI Maromak nebee kaer ukun iha lalehan mak lori hau sai hosi hau nia aman sira nia uma iha hau nia rain, too hau mai iha nee. I Nia jura ona mai hau dehan, ‘Hau sei foo rai nee hotu ba o nia jerasaun.’ Nee duni o lalikan laran rurua! O baa deit. Tanba Maromak sei haruka Nia anju mai loke dalan ba o, atu o hetan feto raan ida, para sai hau nia oan nia kaben.

Jenesis 26:25

Depois Isac hada fatuk halo altar ida iha fatin nee, hodi agradese ba NAI Maromak. Nia hela iha fatin nee, i nia ema sira mos kee tan bee posu ida.

Jenesis 26:3

Se o hela iha rai nee, Hau sei hamutuk ho o, i foo bensaun oi-oin ba o. Hau sei amenta o nia jerasaun halo barak teb-tebes, hanesan fitun iha loro leten. I Hau mos sei foo ba o ho o nia jerasaun sira rai nee hotu. Liu hosi o nia jerasaun, nasaun hotu-hotu iha mundu sei hetan bensaun. Nunee Hau kumpri ona Hau nia promesa ho o nia aman Abraão.

Jenesis 28:13

Iha mehi nee, Jacó haree NAI Maromak hamriik iha nia sorin, hodi hatete, “Hau nee NAI Maromak, o nia avoo Abraão ho o nia aman Isac nia Maromak. Hau sei foo rai ida nee ba o, ho o nia jerasaun sira.

Jenesis 28:4

I Nai Maromak nia promesa ho avoo Abraão tuun ba o ho o nia jerasaun. Rai nee sai o nian, tuir Nai Maromak promete ona ba Abraão.”

Jenesis 32:30

Jacó koalia ba nia aan rasik, “Hau haree ona Nai Maromak oin ho oin, maibee hau sei moris hela.” Tanba nee, nia tau naran ba fatin nee, Peniel, nee dehan katak, ‘Maromak nia oin’.

Jenesis 33:20

Iha fatin nee, nia hada fatuk halo altar hodi halo sakrifisiu. I nia tau fatin nee naran El-Elohe-Israel, nee dehan katak, ‘Maromak nebee Israel adora’.

Jenesis 35:12

Rai nebee Hau foo ona ba o nia avoo Abraão ho o nia aman Isac, agora Hau foo ba o ho o nia jerasaun sira.”

Jenesis 35:7

Iha nebaa, Jacó halo altar ida hodi fatuk, i nia bolu fatin nee, El-Betél, (nee dehan katak ‘Betél nia Maromak’), tanba uluk Nai Maromak hatudu Nia Aan ba Jacó iha nebaa, momentu nebee nia halai hosi nia maun.

Jenesis 50:24

José foo hatene ba nia maun sira dehan, “Hau senti hau nia loron mate besik ona. Maibee hau fiar, Nai Maromak sei tulun imi. Nia sei lori imi nia jerasaun sai hosi rai ida nee, baa fali iha rai nebee Nia promete ona ba avoo Abraão, avoo Isac ho apaa Jacó.”

Jenesis 8:20

Tuir mai Noé hada fatuk hodi halo altar ida ba NAI Maromak. Hosi animal hotu-hotu no manu hotu-hotu nebee bele haan, nia uza hodi halo sakrifisiu, nia hasai balu, i nia oho para tunu iha altar nee, hodi agradese ba NAI Maromak.

Apostolu sira nia Istoria 7:5

Iha tempu nebaa, Nai Maromak la foo rai pedasuk ida ba Abraão hanesan nia rikusoin. Maibee Nia promete atu foo rai nee tomak ba Abraão ho nia jerasaun sira. Momentu Nai Maromak promete nee, Abraão seidauk iha oan.

Roma 9:8

Nee dehan katak, hori uluk to agora laos ema hotu Abraão nia jerasaun tuir raan mak sai Maromak nia oan. Maibee hosi jerasaun nebee Maromak promete ba Abraão deit mak Maromak konsidera sai Nia oan duni.

Galasia 3:16

Nunee mos bainhira Nai Maromak halo promesa ho Abraão no nia jerasaun. Iha momentu nebaa, Nai Maromak laos dehan “Hau halo promesa nee ho o nia jerasaun sira”, tanba Nia la foo promesa nee ba ema barak. Maibee Nia foo ba Abraão nia jerasaun ida deit, nee mak Kristu.

Galasia 4:28

Maun-alin sira, imi sai ona Nai Maromak nia oan, tanba Maromak mak promete nunee. Entaun imi hanesan Sara nia oan Isac, tanba nia mos moris mai tuir Maromak nia promesa.

Ebreu 11:13

Ema sira nee fiar nafatin ba Nai Maromak too mate. Iha sira nia moris sira seidauk simu buat nebee Maromak promete ona ba sira. Maski nunee, maibee sira hein nafatin ho laran haksolok, hanesan ema nebee haree ona buat sira nee hosi dook. Sira dehan katak, sira hanesan ema nebee mai hosi rai liur ka ema lao rai deit iha mundu nee.

Ebreu 11:8

Abraão fiar ba Nai Maromak. Nee mak bainhira Maromak bolu nia i haruka nia baa iha rai nebee Maromak promete atu foo ba nia, nia halo tuir deit. Abraão baa deit, maski nia la hatene atu baa loos nebee.