Jenesis 12:3 - Biblia Tetun Dili

³ Hau sei foo bensaun ba ema nebee foo bensaun ba o. Maibee Hau sei foo malisan ba ema nebee foo malisan ba o. Rona didiak mai! Nasaun hotu-hotu iha mundu sei hetan bensaun liu hosi o.”

Jenesis 12:3 Iomraidhean Croise

Jenesis 18:18

Tan Abraão nia jerasaun sei aumenta barak, i sai nasaun boot ho forti. Hosi nia, nasaun hotu-hotu iha mundu sei hetan bensaun.

Jenesis 18:19

Hau hili ona nia, hodi hanorin nia oan sira ho ema seluk atu tuir nafatin NAI Maromak nia dalan, para sira bele moris loos. Se sira tuir nunee, maka Hau sei kumpri Hau nia promesa ho Abraão.”

Jenesis 22:18

Liu hosi o nia jerasaun, nasaun hotu-hotu iha mundu sei hetan bensaun, tanba o tuir ona Hau nia liafuan.’ ”

Jenesis 24:35

NAI Maromak foo ona bensaun barak teb-tebes ba hau nia patraun, too nia sai ema riku boot. Maromak foo ona ba nia osan mean, osan mutin, atan mane, atan feto, ho animal barak, hanesan karau vaka, kuda kamelu, kuda buru, ho bibi.

Jenesis 25:11

Abraão mate tiha, Nai Maromak foo bensaun ba Isac. Iha momentu nee, Isac hela besik bee posu naran Beer-Laai-Roi, nee katak ‘Bee matan hosi Maromak nebee Moris, nebee tau matan mai hau’.

Jenesis 26:29

imi sei la halo aat mai ami, nunee ami mos la halo aat ba imi. Ami halo diak duni ba imi, nee mak uluk imi sai ho dame hosi ami nia rain. Agora ami hatene, NAI Maromak foo bensaun ba imi.”

Jenesis 27:29

Nasaun barak sei sai o nia atan. I povu sira sei hakruuk ba o. O nia familia mos, o mak manda, i sira hakneak iha o nia oin. See mak foo malisan ba o, sira sei hetan malisan. I see mak foo bensaun ba o, sira sei hetan bensaun.”

Jenesis 28:14

O nia jerasaun sei barak hanesan rai-henek, i sira sei namkari ba iha loro-sae too loro-monu, rai ulun too rai ikun. Liu hosi o nia jerasaun, nasaun hotu-hotu iha mundu sei hetan bensaun.

Jenesis 30:27

Maibee nia tiun hataan, “O rona lai. Hau husu ona ba ema siik-nain ida i nia dehan, 'NAI Maromak foo bensaun mai hau, tanba o'.

Jenesis 30:30

Uluk hau seidauk mai iha nee, tiu nia riku seidauk barak nunee. Maibee agora, tiu sai riku tiha ona. NAI Maromak foo bensaun ona ba tiu, tanba hau nia serbisu. Agora too ona tempu para hau serbisu ba hau nia kaben ho hau nia oan sira.”

Jenesis 39:5

Tanba José hela iha uma nee, mak Nai Maromak foo bensaun ba nia xefi ema Ejitu nee. Nunee xefi nia uma laran, nia rikusoin, nia toos i nia serbisu hotu-hotu lao ho diak.

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Mateus 25:45

Hau sei hataan, ‘Hau hatete loloos ba imi! Bainhira imi la halo buat sira nee ba Hau nia maluk ida, maski la halo ba ema kiik ida mos, nee hanesan imi la halo mai Hau.’

Lucas 24:27

Depois Jesus esplika ba sira kona ba buat hotu-hotu nebee hakerek ona iha Sagrada Eskritura kona ba Nia Aan, komesa hosi Moisés nia livru, no profeta sira seluk nia livru.

Roma 4:11

Bainhira Abraão seidauk sunat, Nai Maromak konsidera ona nia ema moris loos. Kleur tiha mak foin nia sunat, nee hanesan sinal ida hodi hatudu katak nia fiar ona ba Maromak. Nunee, Abraão sai aman ba ema hotu-hotu nebee fiar ba Maromak maibee la sunat. Atu nunee Maromak mos simu sira hodi deklara katak sira moris loos ona, tanba sira nia fiar.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

Galasia 3:16

Nunee mos bainhira Nai Maromak halo promesa ho Abraão no nia jerasaun. Iha momentu nebaa, Nai Maromak laos dehan “Hau halo promesa nee ho o nia jerasaun sira”, tanba Nia la foo promesa nee ba ema barak. Maibee Nia foo ba Abraão nia jerasaun ida deit, nee mak Kristu.

Galasia 3:28

Imi hotu-hotu nebee fiar ba Kristu Jesus sai ona ida ho Nia. Nunee, atu imi ema Judeu ka laos ema Judeu, atan ka ema livre, mane ka feto, imi hotu ida deit iha Kristu Jesus.

Galasia 3:8

Livru Sagradu foo hatene nanis ona dehan, Maromak sei simu mos ema nebee laos Judeu, naran katak sira fiar ba Nia. Tanba hori uluk kedas Nia hatete ona Novidade Diak ba Abraão dehan, “Ema iha nasaun hotu-hotu iha mundu sei hetan bensaun tanba o.”

Efezu 1:3

Mai ita hahii Nai Maromak! Nia mak ita nia Nai Jesus Kristu nia Aman. Nia foo ona bensaun espiritual bar-barak hosi lalehan mai ita, tanba ita laran ida ona ho Kristu.

Kolose 3:11

Iha moris foun nee, ita la fihir ona ema. Atu ema Judeu ka laos Judeu, sunat ka la sunat, ema lao rai ka ema fuik, atan ka livre, buat sira nee la importante. Maibee importante mak Kristu. I Kristu hela iha ita ida-idak nia laran.

Apokalipse 7:9

Hotu tiha, hau haree ema barak loos, too sura la bele. Ema sira nee hosi nasaun, suku, povu ho lian hotu-hotu iha mundu. Sira hotu hatais batina mutin, hamriik iha kadeira ukun nia oin ho Bibi Oan nia oin. Sira kaer ai tahan ramus