Jenesis 12:10 - Biblia Tetun Dili

¹⁰ Iha tempu ida, rai Kanaán hamlaha boot. Nee mak Abrão sira lao dook tiha ba iha parte sul, too iha rai Ejitu, i sira hela provizoriu iha nebaa.

Jenesis 12:10 Iomraidhean Croise

Jenesis 41:56

Tempu nee, hamlaha amenta liu tan, too ema iha Ejitu laran tomak hamlaha. Entaun José haruka loke armazen hotu-hotu hodi faan hahaan ba povu Ejitu.

Jenesis 41:57

Depois ema hosi nasaun selu-seluk mos mai hola hahaan hosi José iha Ejitu, tanba tempu nee, rai hamlaha boot.

Jenesis 42:5

Entaun, tanba hamlaha too mos iha rai Kanaán, Jacó nia oan sira baa hola hahaan iha Ejitu, hanesan mos ema hosi fatin selu-seluk.

Jenesis 43:1

Iha tempu nee, rai hamlaha iha rai Kanaán amenta liu tan.

Jenesis 47:13

Iha tempu nee, rai hamlaha boot, too iha fatin-fatin la iha tan hahaan ona. Hosi Ejitu too Kanaán ema isin krekas ho fraku hotu tanba hamlaha atu-mate.

João 16:33

Hau foo hatene ona buat sira nee ba imi, para imi nia laran bele hakmatek, tanba imi metin ho Hau. Tan ema iha mundu nee sei halo susar no terus imi. Maibee imi laran metin baa, tanba Hau manaan tiha ona forsa mundu nian hotu.”

Apostolu sira nia Istoria 14:22

Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”

Apostolu sira nia Istoria 7:11

Liu tiha nee, rai hamlaha boot iha rai Ejitu ho rai Kanaán, too halo ema barak terus iha fatin-fatin. I ita nia bei-ala sira la iha hahaan atu haan.

Rut nia Istoria 1:1

Uluk liu seidauk iha liurai iha rai Israel, lia nain sira mak ukun ema Israel. Iha tempu nebaa, iha ema ida naran Elimeleke. Nia hosi Efrata, hosi aldeia Belem iha rejiaun Juda. Nia kaben naran Noemi. Sira iha oan mane nain rua, naran Malon ho Kilion. Iha tempu nebaa, rai hamlaha boot iha rejiaun Juda. Nee mak Elimeleke sira husik tiha sira nia aldeia, hodi ba hela provizoriu iha rai Moabe, iha mota Jordaun nia parte loro sae.