Filipi 4:9 - Biblia Tetun Dili

⁹ Halo tuir buat nebee imi aprende ona hosi hau, liu hosi hau nia koalia ka hau nia hahalok. Bainhira imi halo nunee mak Maromak sei akompanha imi, i foo laran hakmatek ba imi.

Filipi 4:9 Iomraidhean Croise

Mateus 1:23

"Iha feto raan ida sei isin rua i tuur ahi oan mane ida. Labarik nee nia naran Emanuel." Nee dehan katak "Maromak hamutuk ho ita.”

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Mateus 7:21

“Ema barak bolu Hau dehan: ‘Nai, Nai!’ Maibee laos sira hotu-hotu mak sei tama ba Maromak nia reinu. So sira nebee moris tuir Hau nia Aman iha lalehan nia hakarak mak bele tama.

Lucas 6:46

Jesus hatutan tan dehan, “Nusaa mak imi bolu bebeik Hau ‘Nai, Nai’. Maibee imi la halo tuir buat nebee Hau haruka?

Lucas 8:21

Maibee Jesus hataan, “Hau nia inan ho Hau nia alin sira mak ema nebee rona Nai Maromak nia liafuan hodi halo tuir.”

João 13:17

Tanba imi hatene ona buat sira nee, imi hetan sorti boot se imi halo tuir nunee.

João 15:14

Se imi tuir Hau nia ukun-fuan nafatin, imi sai Hau nia belun.

João 2:5

Maibee Nia inan foo hatene ba sira nebee serbisu iha nebaa dehan, “Rona mai! Nia haruka saida, imi halo tuir deit.”

Apostolu sira nia Istoria 9:6

Agora, hadeer hodi baa sidade ona. Depois mak Hau foo hatene ba o saida mak o tenki halo.”

Roma 15:33

Hau harohan atu Maromak Dame Nain akompanha imi hotu. Amen.

Roma 16:20

La kleur tan Maromak Dame Nain sei sama rahun tiha diabu iha imi nia ain okos. Hau harohan atu ita nia Nai Jesus Nia grasa hamutuk ho imi.

1 Korintu 10:31

Entaun, atu imi haan ka hemu ka halo saida deit, imi halo buat sira nee hotu hodi foti aas Maromak nia naran.

1 Korintu 14:33

Tanba iha Maromak la iha rungu-ranga, maibee paz no hakmatek.

1 Korintu 4:16

Nunee hau husu ba imi atu moris tuir hau nia ezemplu.

2 Korintu 13:11

Maun-alin sira, hau nia liafuan ikus mak nee: Haksolok baa! Hakaas aan hodi moris loos. Rona didiak hau nia konselhu, moris neon ida laran ida, i buka atu moris dame ho ema hotu-hotu. Nunee Maromak Domin Nain ho Dame Nain sei hamutuk ho imi nafatin.

Filipi 3:17

Maun-alin sira, imi tenki moris tuir hau nia ezemplu, i aprende didiak hosi ema seluk nebee tuir ona ezemplu nebee hau hatudu.

Filipi 4:7

Bainhira imi halo nunee, mak Maromak sei halo imi nia laran hakmatek. Hakmatek nebee Nia foo nee, ita ema sukat la too. Ho hakmatek nee, Maromak sei kuidadu imi nia neon ho laran para imi la bele preokupa ona, tanba imi Kristu Jesus nia ema.

1 Tesalonika 1:6

Nunee imi moris tuir ami nia ezemplu, i tuir ezemplu Nai Jesus nian. Maski ema halo terus imi, maibee imi simu Novidade Diak ho laran haksolok, tanba Espiritu Santu foo ksolok ba imi.

1 Tesalonika 2:14

Maun-alin sira, imi nia maluk iha imi nia rain rasik halo terus imi tanba imi tuir Jesus. Nunee imi sai hanesan sarani sira iha provinsia Judeia nebee fiar ba Kristu Jesus. Sira nia maluk Judeu sira iha nebaa mos halo terus sira tanba sira fiar ba Kristu Jesus.

1 Tesalonika 5:23

Hau husu Nai Maromak nebee foo paz, atu halo imi moris ho laran moos iha imi nia vida tomak. Hau husu para Nia halo imi nia isin no klamar tomak la iha noda ida, too Nai Jesus fila fali mai.

2 Tesalonika 3:4

Ami laran metin katak Nai Jesus ajuda hela imi para halo tuir buat nebee ami hatoo ona ba imi, i imi mos sei halo tuir nafatin.

2 Timóteo 4:22

Nai Jesus nia Espiritu hamutuk ho o nafatin, i Maromak hatudu Nia grasa ba imi hotu. Hosi hau, Paulo

Tiago 1:22

Nai Maromak nia Liafuan nee, imi tenki halo tuir, la bele rona deit! Se lae, imi bosok imi nia aan rasik.

2 Pedro 1:10

Nee duni maun-alin sira, sai badinas liu tan para hahalok diak sira nee buras iha imi nia moris. Hahalok nee hatudu katak Maromak hili tiha ona imi i bolu tiha ona imi para sai Nia ema. Se imi moris nunee, imi sei la husik imi nia fiar,

1 João 3:22

Nunee ita husu saida deit, Nia sei foo, tanba ita moris tuir Nia ukun fuan i halo haksolok Nia laran.