Filipi 4:7 - Biblia Tetun Dili

⁷ Bainhira imi halo nunee, mak Maromak sei halo imi nia laran hakmatek. Hakmatek nebee Nia foo nee, ita ema sukat la too. Ho hakmatek nee, Maromak sei kuidadu imi nia neon ho laran para imi la bele preokupa ona, tanba imi Kristu Jesus nia ema.

Filipi 4:7 Iomraidhean Croise

Lucas 1:79

hodi leno ema nebee moris iha nakukun laran ho ema nebee tauk mate, hodi lori ita ba dalan dame nian.”

Lucas 2:14

“Foti aas Nai Maromak nia naran. Nia tuur iha fatin aas liu. Nai Maromak foo dame ba ema iha mundu nebee halo haksolok Nia laran.”

João 14:27

Bainhira Hau baa ona, Hau halo imi bele moris iha dame no laran hakmatek. So Hau deit mak bele foo laran hakmatek hanesan nee. Buat hotu iha mundu nee la halo imi laran hakmatek. Nunee, la bele laran taridu no tauk.

João 16:33

Hau foo hatene ona buat sira nee ba imi, para imi nia laran bele hakmatek, tanba imi metin ho Hau. Tan ema iha mundu nee sei halo susar no terus imi. Maibee imi laran metin baa, tanba Hau manaan tiha ona forsa mundu nian hotu.”

Roma 1:7

Hau haruka surat nee ba imi. Maromak hadomi imi, i hili ona imi sai Nia povu santu. Hau harohan para ita nia Aman Maromak ho mos ita nia Nai Jesus Kristu hatudu Sira nia grasa ba imi, no foo paz ho hakmatek ba imi.

Roma 14:17

Tanba iha Maromak nia reinu, haan no hemu nee, laos importante. Ida nebee importante mak ita moris tuir Maromak nia hakarak, i Nia hakarak mak ita moris iha lia loos, dame, i laran haksolok, tanba Espiritu Santu hela iha ita.

Roma 15:13

Maromak rasik mak halo ita laran metin ba Nia. Hau harohan atu Nia halo imi haksolok teb-tebes no foo paz ho hakmatek ba imi, tanba imi fiar ba Nia. Nunee kbiit Espiritu Santu nian sei halo imi laran metin liu tan ba Maromak.

Roma 5:1

Maromak deklara ita moris loos ona tanba ita fiar ba Kristu. Liu hosi ita nia Nai Jesus Kristu mak agora ita moris dame malu ona ho Maromak.

Roma 8:6

Se o nia hakarak domina o nia hanoin, maka o sei mate tinan ba tinan. Maibee se Maromak nia Espiritu mak domina o nia hanoin, nunee o sei moris i o nia laran sei hakmatek.

2 Korintu 10:5

Ema nebee foti aan hasoru Maromak, ami sobu rahun tiha sira nia hanorin falsu nebee halo ema la konhese Maromak. Ami halakon tiha hanoin hotu-hotu nebee la loos, para halo tuir deit Kristu nia hakarak.

2 Korintu 13:11

Maun-alin sira, hau nia liafuan ikus mak nee: Haksolok baa! Hakaas aan hodi moris loos. Rona didiak hau nia konselhu, moris neon ida laran ida, i buka atu moris dame ho ema hotu-hotu. Nunee Maromak Domin Nain ho Dame Nain sei hamutuk ho imi nafatin.

Galasia 5:22

Maibee se ita moris tuir Espiritu Santu nia hakarak mak ita nia hahalok hanesan tuir mai nee: iha domin, laran haksolok, paz ho dame, pasiensia, laran diak, halo diak, foo laran,

Efezu 3:19

Hau halo orasaun atu imi bele hatene loloos Kristu nia domin nee, maski ita ema nia matenek la too. Nunee imi bele hatudu Maromak nia diak ho Nia domin iha imi nia moris tomak.

Filipi 1:1

Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.

Filipi 1:2

Ami harohan ba ita nia Aman Maromak ho Nai Kristu Jesus, para hatudu Sira nia grasa ba imi, i foo paz ho hakmatek ba imi.

Filipi 4:19

Hau nia Maromak riku teb-tebes. I Nia sei foo ba imi buat hotu nebee imi presiza, tuir nia rikusoin hosi lalehan iha Kristu Jesus.

Filipi 4:21

Hatoo hau nia kumprimentus ba ema hotu-hotu nebee tuir Kristu Jesus iha nebaa. Hato mos kumprimentus hosi maluk sarani sira nebee hamutuk ho hau,

Filipi 4:9

Halo tuir buat nebee imi aprende ona hosi hau, liu hosi hau nia koalia ka hau nia hahalok. Bainhira imi halo nunee mak Maromak sei akompanha imi, i foo laran hakmatek ba imi.

Kolose 3:15

Kristu foo paz ba imi. Entaun husik Nia paz nee domina imi nia laran. Tanba imi halo parte hamutuk iha isin lolon ida, i Maromak bolu imi para moris iha dame nia laran. I sempre agradese ba Maromak.

2 Tesalonika 3:16

Hau harohan atu Nai Jesus foo paz ba imi iha situasaun saida deit. Tan Nia mak paz nia huun. I hau husu atu Nai Jesus sempre hamutuk ho imi.

Ebreu 13:20

Nai Maromak mak dame nain. Nia mak halo moris fali Nai Jesus hosi mate. Liu hosi Jesus nia mate nee, Maromak halo metin Nia aliansa ho ita ema, i Nia aliansa nee vale nafatin too tinan ba tinan. Liu hosi Nia mate mos Jesus agora sai ona Bibi Atan diak liu hodi tau matan ba Nia bibi sira. Nunee hau harohan atu

Judas 1:1

Surat nee hosi hau, Judas, nudar Jesus Kristu nia atan ho Tiago nia alin. Hau hakerek surat nee ba imi nebee Maromak bolu tiha ona para sai Nia ema. Aman Maromak hadomi imi i Jesus Kristu sempre kuidadu imi.

Apokalipse 1:4

Maluk sarani sira hosi sidade hitu iha provinsia Ázia, hau João harohan ba Nai Maromak ho Nia Espiritu ho mos Jesus Kristu para hatudu Sira nia grasa ba imi i foo paz ho hakmatek ba imi. Maromak iha hori uluk kedas, agora iha, i iha nafatin too tinan ba tinan. Nia Espiritu nee hatudu Aan mai hau hanesan espiritu hitu nebee iha hela kadeira ukun nia oin. I Jesus Kristu sempre foo sasin nebee loos, Nia mak ema primeiru nebee moris fali hosi mate, i Nia mak ukun liurai hotu-hotu iha mundu nee.

Apokalipse 2:17

Imi nebee iha tilun, rona didiak saida mak Maromak nia Espiritu hatete ba sarani sira. See mak manaan, Hau sei foo ai haan manaa. Ai haan nee agora sei subar hela. Hau mos sei foo fatuk mutin ba sira ida-idak. Iha fatuk nee hakerek naran foun, naran nee ema ida sei la hatene, so ema nebee simu fatuk nee deit mak hatene.’ ”