Filipi 4:5 - Biblia Tetun Dili

⁵ Hatudu imi nia laran diak ba ema hotu-hotu, tanba Nai Jesus besik fila mai ona.

Filipi 4:5 Iomraidhean Croise

Mateus 6:25

Tanba nee Hau hatete ba imi, lalika preokupa ho imi nia moris, ho saida mak imi atu haan, ka atu hemu ka atu hatais. Ita nia moris folin liu hahaan, i ita nia isin lolon folin liu ropa.

Mateus 6:34

Entaun lalika preokupa kona ba loron aban, tanba loron aban nee preokupasaun seluk fali. Susar nebee ita hetan iha loron ida nee, too ona ba loron nee.”

Lucas 21:34

Jesus hatutan tan dehan, “Matan moris neon nain! Keta halo festa hela deit, keta sai lanu-teen, no keta hanoin liu ba mundu nia hakarak. Se lae, bainhira Hau fila fali mai derepenti, imi hanesan animal fuik nebee molok hakfodak mono ba iha lasu.

1 Korintu 16:22

See mak la hadomi Nai Jesus, nia sei hetan malisan. Maranata! Jesus, mai ona baa!

1 Korintu 6:7

Bainhira imi lori malu ba iha tribunal, bele dehan imi lakon ona. Se imi nia maluk sarani halo problema ho imi, diak liu simu tiha deit. Se sira han-matak imi nia sasaan ruma, diak liu husik deit baa.

1 Korintu 8:13

Entaun, se naan nebee hau haan nee halo hau sai fali fatuk sidi ba hau nia maluk, hau prontu atu la haan naan tan. Tanba hau lakohi halo hau nia maluk monu.

1 Korintu 9:25

Ema hotu nebee tama iha kompetisaun, sira tenki treinu sira nia aan ho disiplina. Sira halo nunee atu bele manaan premiu ida nebee la dura. Maibee ita sira nee treinu ita nia aan atu hetan premiu ida nebee dura tinan ba tinan.

2 Korintu 10:1

Hau, Paulo, mak hakerek iha nee. Imi balu hanoin dehan, iha imi nia oin, hau la brani koriji imi, hosi dook mak foin hau brani. Agora ho Kristu nia laran maus ho haraik aan, hau, Paulo husu

2 Tesalonika 2:2

Bainhira ema bosok imi dehan Jesus Kristu mai tiha ona, lalika hakfodak ka laran susar lalais. Maski sira dehan Espiritu Santu mak foo sai ba sira ka sira rona tutan hosi ema, ka dehan sira simu surat hosi ami, la bele fiar.

Tito 3:2

La bele hatete aat ema i la bele istori malu. Hatudu laran maus ho laran diak ba ema hotu.

Ebreu 10:25

Tan hau rona ona, ema balun lakoi halibur hamutuk tan ho sira nia maun alin iha Kristu. La bele nunee. Tanba imi tenki halibur hamutuk hodi foo korajen ba malu nafatin para ita nia fiar sai metin. Liu-liu tanba Nai Jesus nia loron hodi fila fali mai hosi lalehan besik ona.

Ebreu 10:37

Tanba iha Livru Sagradu hakerek ona dehan, “La kleur tan, Ema ida nebee atu mai nee, sei mai duni, Nia sei la demora.

1 Pedro 1:11

Iha momentu nebaa, Kristu nia Espiritu hela iha sira nia laran i foo hatene katak, aban-bainrua Kristu sei hetan terus mak foin Nai Maromak foti aas Nia. Entaun profeta sira buka hatene bainhira loos mak buat sira nee atu akontese i sei akontese oinsaa.

1 Pedro 4:7

Mundu nee besik remata ona. Tanba nee imi tenki hanoin klean i domina aan para bele halo orasaun.

Apokalipse 22:20

Ida nebee foo sai buat sira nee hotu dehan, “Loos duni! La kleur tan, Hau mai ona.” Amen. Nai Jesus, mai ona baa!

Apokalipse 22:7

Jesus dehan, “Rona mai! La kleur tan Hau sei mai. Ema nebee halo tuir Nai Maromak nia lia menon iha livru nee, sira hetan bensaun.”