Filipi 4:3 - Biblia Tetun Dili

³ Hau nia kolega serbisu nebee hau konfia, hau husu o ajuda hela senhora nain rua nee para diak malu. Tanba uluk sira nain rua serbisu makaas ajuda hau hodi foo sai Maromak nia Novidade Diak, hamutuk ho Clemente ho kolega sira seluk. Sira hotu nia naran, Maromak hakerek tiha ona iha livru ema moris rohan-laek nian.

Filipi 4:3 Iomraidhean Croise

Lucas 10:20

Maski nunee, lalika haksolok tanba deit espiritu aat sira hakruuk ba imi. Diak liu haksolok tanba imi nia naran hakerek ona iha lalehan.”

Roma 12:1

Maun-alin sira, tanba Maromak hatudu ona Nia laran diak mai ita, nunee hau husu ba imi para entrega imi nia aan tomak ba Nia, hanesan sakrífisiu ida nebee sei moris, sakrífisiu ida nebee moos i halo haksolok Maromak nia laran. Ida nee mak dehan imi adora Maromak loloos.

Roma 16:12

Kumprimentus ba ita nia maluk feto Trifena ho Trifosa. Sira nain rua serbisu makaas ba ita nia Nai. Kumprimentus ba hau nia belun diak Pérsida. Irmán nee mos serbisu makaas loos ba ita nia Nai.

Roma 16:9

Kumprimentus ba Urbano. Nia halao Kristu nia serbisu hamutuk ho ami. Kumprimentus mos ba hau nia belun diak Estákis.

Filipi 1:12

Maun-alin sira, hau hakarak atu imi hatene katak, maski ema halo terus hau, maibee hau nia terus nee halo ema barak liu tan fiar ba Nai Jesus nia Novidade Diak.

Filipi 1:16

Sira nebee ho hanoin diak, foo sai kona ba Kristu tanba sira iha domin. Sira hatene katak, Maromak tau hau iha fatin nee para defende Novidade Diak.

Filipi 1:27

Bele halo nusaa mos, imi tenki moris tuir loloos Kristu nia Novidade Diak. Nunee, se hau rasik baa vizita fali imi ka rona deit hosi ema mos, hau bele hatene katak, imi hamriik metin ho neon ida laran ida. I hau bele hatene katak, imi hotu serbisu makaas para ema seluk mos fiar Kristu nia Novidade Diak nee.

Filipi 1:5

tanba hosi loron primeiru imi simu Maromak nia Novidade Diak too agora, imi ajuda hau hodi foo sai Novidade Diak nee.

Filipi 1:7

Hau senti nunee, tanba imi iha hau nia fuan-laran. Maromak foo fiar ba imi atu serbisu hamutuk ho hau. Bainhira Hau defende Nia Novidade Diak hodi hatudu ba ema katak Liafuan nee loos, imi sempre halo parte iha serbisu nee. Bainhira hau iha komarka laran mos, imi halo parte nafatin.

Filipi 4:2

Hau husu boot ba imi, Evódia ho Síntike, atu la bele istori malu tan, maibee tenki neon ida laran ida, tanba imi nain rua Nai Jesus nia ema.

Kolose 1:7

Imi aprende buat sira nee hosi ita nia maluk doben Epafras. Nia Kristu nia atan hanesan mos ami, i nia badinas halao Kristu nia serbisu iha imi nia leet.

Apokalipse 13:8

Ema hotu-hotu iha mundu nee sei adora animal siak nee. So ema nebee naran hakerek ona iha lista nebee hakerek iha Livru ema moris rohan-laek nian mak la adora animal nee. Livru nee Maromak hakerek nanis ona molok Nia halo mundu. Livru nee Bibi Oan nian, Ida nebee mak ema oho.

Apokalipse 17:8

Animal siak nee uluk moris iha mundu, maibee agora la iha tiha ona. Aban-bainrua nia sei mosu fali mai hosi rai kuak klean nakukun. Bainhira nia mosu fali mai, ema hotu-hotu iha mundu nebee naran la tau iha lista ema moris rohan-laek nian molok Maromak halo mundu nee, sira sei admira haree animal siak nee. Tanba animal siak nee uluk moris, depois la iha tiha ona, maibee too ikus mosu fali. Maski nunee Maromak sei halo rahun tiha nia.

Apokalipse 20:12

Hau haree ema sira nebee mate tiha ona, kiik-boot hotu-hotu hamriik hela iha kadeira ukun nia oin. Depois anju loke livru nebee hakerek ema hotu-hotu nia hahalok iha mundu. Anju mos loke livru ida seluk, iha livru nee hakerek ema sira nebee sei hetan moris rohan-laek. I Nai Maromak tesi ema ida-idak nia lia tuir sira nia hahalok nebee hakerek tiha ona iha livru nee nia laran.

Apokalipse 20:15

Ema sira nebee naran la hakerek iha livru ema moris rohan-laek nian, mos soe tama hotu ba iha ahi lakan boot nee nia laran.

Apokalipse 21:27

Maibee buat aat ida mos la bele tama iha nebaa. Ema nebee halo sala foer ka adora fali lulik, ho ema bosok-teen, sira hotu la bele tama. So ema sira nebee nia naran hakerek tiha ona iha Bibi Oan nia livru mak bele tama iha sidade nee.

Apokalipse 3:5

See mak manaan, nia mos sei hatais hena mutin hotu. Hau sei la hamoos nia naran hosi lista ema moris rohan-laek nian. I aban-bainrua iha Hau nia Aman nia oin ho mos anju sira nia oin, Hau sei foo sai katak, nia nee Hau nia ema.