Filipi 4:19 - Biblia Tetun Dili

¹⁹ Hau nia Maromak riku teb-tebes. I Nia sei foo ba imi buat hotu nebee imi presiza, tuir nia rikusoin hosi lalehan iha Kristu Jesus.

Filipi 4:19 Iomraidhean Croise

Jenesis 48:15

Depois nia halo orasaun ba Nai Maromak para foo bensaun ba José dehan, “Hau nia avoo Abraão, ho hau nia aman Isac sempre moris tuir Nai Maromak nia hakarak. Nai Maromak mos sempre kuidadu hau dezde kiik too agora.

Mateus 6:32

Ema nebee la fiar ba Maromak, sira buka buat sira nee tuun-sae. Maibee imi nia Aman iha lalehan hatene hotu imi nia presiza nee.

João 20:17

Jesus foo hatene ba nia dehan, “Keta kaer Hau lai, tanba Hau seidauk sae ba Hau nia Aman iha lalehan. Maibee, senhora baa uluk, foo hatene ba Hau nia alin sira dehan, ‘Hau atu sae ba Hau nia Aman. Nia mos imi nia Aman. Nia mak Hau nia Maromak, no mos imi nia Maromak.’ ”

João 20:27

I Nia koalia ba Tome dehan, “Tau o nia liman fuan ba iha pregu fatin no haree didiak baa. Lolo o nia liman mai hatama ba Hau nia knosen. Entaun fiar ona ba, dehan katak Hau moris fali ona. Husik tiha o nia laran rurua nee.”

Roma 1:8

Uluk nanain, hau foo agradese ba hau nia Maromak hodi Jesus Kristu nia naran tanba imi hotu fiar ba Jesus. Tanba ema iha fatin-fatin konta kona ba imi nia fiar nee.

Roma 11:33

Nai Maromak nia matenek klean liu, Nia komprende hosi huun too rohan. La iha ema ida mak bele komprende Nia desizaun, la iha ema ida mak bele hanoin hetan Nia dalan.

Roma 2:4

O hatene katak, Maromak laran diak teb-tebes i Nia aguenta hela ho pasiensia nafatin. Nusaa mak o la respeita Nia laran diak nee? Keta halo be o la komprende katak, Nia hatudu Nia laran diak ba o para o bele husik o nia sala hodi fila fali ba Nia.

Roma 8:18

Hau hanoin terus nebee ita hetan agora la kompara ho naroman nabilan nian nebee Maromak sei hatudu sai mai ita iha aban-bainrua.

Roma 9:23

Nia pasiensia lai ho sira nunee para hatudu ba ema hotu-hotu katak, Nia laran diak teb-tebes ba ita nebee mak Nia hadomi; ita nee mak Nia prepara antes tiha ona atu aban-bainrua Nia sei foti aas ita.

2 Korintu 12:21

Hau tauk, bainhira hau too iha nebaa, Maromak halo moe hau iha imi nia oin. Keta halo be hau mos laran tristi tanba imi barak nebee uluk moris iha sala nia laran seidauk hakribit imi nia sala. Imi sei nafatin la iha moral seksual, halo relasaun seksual ho ema nebee laos imi nia feen ka imi nia laen ho sala seksual oi-oin too la hatene moe.

2 Korintu 4:17

Terus nebee ami hetan agora dadauk nee hanesan buat kamaan ida nebee la kleur sei hotu. Liu hosi terus nee, ami sei moris iha naroman nabilan nian too tinan ba tinan. Kompara ho ida nee, ami nia terus agora nee buat kiik ida.

Efezu 1:18

Hau husu ba Maromak atu foo naroman ba imi para imi bele komprende buat hotu-hotu nebee Maromak promete ona atu foo. Imi hein ho laran metin atu simu buat sira nee, tanba Nia bolu ona imi sai Nia ema. Hau mos harohan atu imi komprende katak, bensaun nebee Maromak promete ona atu foo ba Nia povu santu nee makaas teb-tebes.

Efezu 1:7

Kristu nia raan fakar too mate tanba ita. Liu hosi Nia Oan nia mate, Maromak selu kotu ita nia tusan. Nunee ita livre ona. Ho ida nee Maromak hatudu Nia grasa res-resin mai ita.

Efezu 2:7

Maromak halo nunee para iha tempu oin mai, ema bele haree Nia domin ida nebee boot liu hotu-hotu, i bele hatene Nia grasa nebee Nia hatudu mai ita liu hosi Kristu Jesus.

Efezu 3:16

Maromak nia kbiit boot teb-tebes, i Nia laran diak teb-tebes. Nunee Hau harohan atu Nia Espiritu foo kbiit ba imi hodi hametin imi nia laran.

Efezu 3:8

Hosi Maromak nia povu santu hotu-hotu nebee fiar, hau mak kiik liu. Maski nunee, Maromak foo fiar mai hau para foo hatene ba ema nebee laos Judeu, kona ba Kristu nia laran diak mai ita nebee ita sukat la too.

Filipi 4:7

Bainhira imi halo nunee, mak Maromak sei halo imi nia laran hakmatek. Hakmatek nebee Nia foo nee, ita ema sukat la too. Ho hakmatek nee, Maromak sei kuidadu imi nia neon ho laran para imi la bele preokupa ona, tanba imi Kristu Jesus nia ema.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

Kolose 3:16

Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

1 Tesalonika 2:12

Ami foo konselhu ba imi hodi hametin imi nia laran, i husu bebeik ho laran tomak ba imi hodi moris tuir Maromak nia hakarak. Tan Nia mak liurai boot, nebee bolu imi sai Nia reinu hodi simu respeitu hamutuk ho Nia.

1 Timóteo 6:17

Hatete ba ema riku sira iha mundu nee para sira la bele foti aan, i la bele laran metin ba sira nia rikusoin. Tan rikusoin sira nee hotu loron ida sei mohu. Hatete ba sira para laran metin ba Nai Maromak. Tan Nia mak foo buat hotu-hotu mai ita too res-resin, atu ita bele moris haksolok.

Filemon 1:4

Senhor Filemon, bainhira hau halo orasaun, hau sempre temi ita nia naran, i foo agradese ba Maromak.

1 Pedro 5:1

Agora hau hakerek ba presbiteru sira. Hau mos presbiteru hanesan imi. Hau rasik akompanha Kristu nia terus. Aban-bainrua bainhira ema hotu-hotu haree Kristu fila fali mai ho naroman nabilan, hau mos sei simu naroman nabilan nee. Hau husu ba imi presbiteru sira,

1 Pedro 5:10

Bainhira imi nia terus hotu ona, Nai Maromak rasik sei halo imi diak fila fali. Nia sei foo forsa ba imi, i halo imi hamriik metin hodi aguenta nafatin. Tanba Nia sempre hatudu Nia laran diak ba ita ema i Nia rasik mak bolu imi atu simu Nia kbiit ho naroman nabilan too tinan ba tinan, hamutuk ho Kristu.