Filipi 4:17 - Biblia Tetun Dili

¹⁷ Hau koalia hanesan nee, laos tanba hau hakarak atu imi foo tan. Maibee hau hakarak para Maromak foo bensaun ba imi, tanba imi nia laran diak.

Filipi 4:17 Iomraidhean Croise

João 15:16

Laos imi mak hili Hau. Maibee Hau mak hili no foti imi hodi halao serbisu nee. Nunee imi tenki baa halo buat diak barak nebee bele dura. Nee hanesan ai uvas huun ida nebee foo fuan diak nafatin. Se imi halo nunee, imi bele husu saida deit ba Hau nia Aman lori Hau nia naran, i Nia sei foo ba imi.

João 15:8

Se imi halo buat diak barak, nee hanesan sanak nebee foo fuan barak. Nunee imi foti aas Nai Maromak no hatudu katak imi nee, Hau nia eskolante sira.

Roma 15:28

Entaun hau sei baa entrega ajuda nebee sira foo. Entrega tiha hotu, hau baa vizita imi foin hau liu baa Espanha.

2 Korintu 11:16

Hau repete tan: Keta hanoin dehan hau nee ema beik. Maibee se imi balu hanoin hau nee beik duni, entaun simu hau hanesan mos imi baibain simu ema beik, atu hau bele gaba aan ituan.

2 Korintu 9:5

Tanba nee hau desidi katak, diak liu hau haruka ita nia maluk sarani sira nee baa uluk iha imi, atu ajuda imi prepara osan oferta nee tuir buat nebee imi uluk promete tiha ona. Nunee oferta nebee imi foo nee, imi bele foo ho laran, laos tanba obriga.

Filipi 1:11

Ho Jesus Kristu nia tulun, imi sei hatudu hahalok diak iha imi nia moris tomak. Ho nunee, ema sei foti aas Nai Maromak nia naran hodi hahii Nia.

Filipi 4:11

Hau hatete nunee, laos tanba hau falta buat ruma, lae. Hau aprende ona moris kontenti ho buat nebee mak hau iha.

1 Tesalonika 2:5

Imi mos hatene katak, ami nunka kos-kose imi, saa tan hakfodak ba osan hanesan ema balu nebee hakarak manaan deit osan. Nai Maromak mak ami nia sasin katak ami nunka halo hanesan nee.

1 Timóteo 3:3

Lideransa sarani nian la bele lanu-teen, i la bele baku ema, maibee tenki laran maus i gosta dame. Nia la bele hadomi liu osan.

1 Timóteo 6:10

Tanba buat aat hotu-hotu nia huun mak hadomi osan. Iha ema balu buka demais osan, too sira husik tiha sira nia fiar. Nunee sira halo terus sira nia aan, hanesan sira rasik sona sira nia aan ho tudik.

Tito 1:7

Tanba nudar presbiteru nebee toma konta Maromak nia serbisu maka nia tenki moris loos para ema la hatudu liman ba nia. La bele foti aan. La bele hirus-door, lanu-teen, baku-door, i la onestu ho osan.

Tito 3:14

Ita nia maluk sarani sira tenki aprende hakaas aan halo diak ba ema, hodi ajuda ema nebee presiza duni. Ho nunee sarani sira nia moris sei hetan fuan.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

1 Pedro 5:2

tau matan didiak ba ema nebee mak Nai Maromak entrega ona ba imi. Haree didiak sira, laos tanba ema obriga, maibee hosi imi nia laran rasik, tuir Nai Maromak nia hakarak. Imi la bele serbisu hanesan ema nebee mak hakarak manaan osan deit, maibee tenki serbisu ho badinas hodi serbii Maromak nia povu.

2 Pedro 2:15

15 Sira sees ona hosi dalan loos hodi tuir fali Balaão, Beor nia oan. Balaão nee gosta buka osan liu hosi nia hahalok aat. 16 Maibee iha loron ida, Maromak halo Balaão nia kuda buru derepenti deit koalia makaas para nia la bele halo tan nia hahalok aat. Afinal kuda buru nee la bele koalia, maibee nia koalia hanesan fali ema hodi impede profeta nee nia laran toos.

2 Pedro 2:3

Mestri falsu sira nee karakteen liu. Sira inventa istoria tuun-sae para haan-matak imi. Maibee hori uluk kedas Maromak desidi ona atu kastigu sira, i la kleur tan sira sei rahun.

Judas 1:11

Sira sei terus! Tanba sira tuir Kaín nia dalan. Sira hakarak teb-tebes hetan osan, too monu ba sala hanesan Balaão. I sira rahun tanba sira hanesan Koré nebee lori ema barak kontra Moisés ho Arão.