Filipi 3:9 - Biblia Tetun Dili

⁹ i bele laran ida ho Nia. Nai Maromak simu hau laos tanba hau tuir lei relijiaun, maibee tanba hau fiar ba Kristu. Tanba hau nia fiar mak Maromak simu hau.

Filipi 3:9 Iomraidhean Croise

Mateus 9:13

Baa aprende didiak Maromak nia Liafuan nebee dehan, ‘Hau hakarak atu imi hatudu laran diak ba malu. Se lae imi lori sakrifisiu foo mai Hau mos la iha folin.’ Hau mai atu bolu ema sala nain sira, laos atu bolu ema nebee konsidera nia aan moris loos.”

Roma 1:17

Tanba Novidade Diak nee foo sai Nai Maromak nia lia loos. Maromak nia lia loos nee mak nee: liu hosi fiar ba Nai Maromak maka Nia simu ita, hanesan hakerek ona iha Livru Sagradu nebee dehan, "Ema nebee moris loos, sei moris hosi fiar."

Roma 10:10

Tanba imi nia fuan-laran fiar ba Kristu mak Maromak deklara katak imi moris loos ona iha Maromak nia futar oin. I tanba imi nia ibun foo sai dehan, “Jesus mak Nai” mak Maromak salva imi.

Roma 16:7

Kumprimentus ba Andróniku ho Júnias. Sira nee hau nia maluk Judeu, ami uluk dadur hamutuk iha komarka. Sira mak fiar uluk ba Kristu, bainhira hau seidauk fiar. Sira nain rua naran boot iha apostolu sira nia leet.

Roma 5:21

Bainhira sala domina ema hotu-hotu, konsekuensia mak lori sira ba mate. Maibee agora Maromak nia grasa domina ita, too Maromak mos simu fali ita, i lori ita ba moris rohan-laek liu hosi ita nia Nai Jesus Kristu.

Roma 8:1

Ema nebee laran ida ho Kristu Jesus, Maromak la kastigu tan nia ona.

Roma 8:3

Ukun fuan sira la bele hasai ita hosi sala nia ukun, tanba ita ema sala nain la iha kbiit atu halo tuir lei nee hotu. Maibee Maromak bele hasai ita liu hosi Nia haruka Nia Oan rasik mai iha mundu para sai ema kriatura nudar ema sala nain, i mate hanesan sakrífisiu ida hodi halakon sala iha ita nia laran.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

2 Korintu 5:17

Ema nebee laran ida ho Kristu sai ona ema foun. Nia moris ida uluk nee la iha ona, troka tiha ona ho moris foun.

2 Korintu 5:21

Kristu rasik nunka iha sala. Maibee Maromak halo Nia lori ita nia sala hotu, atu ita nebee laran ida ho Kristu, Maromak deklara katak ita moris loos ona.

Galasia 2:16

Maibee agora ami hatene katak, la iha ema ida mak Maromak deklara moris loos ona tanba nia tuir lei relijiaun. Nai Maromak deklara ema ida moris loos ona tanba nia fiar ba Kristu Jesus, laos tanba halo tuir lei nee. Nee mak ami mos fiar ba Kristu, para Maromak bele deklara ami moris loos ona.

Filipi 3:6

i la iha ema ida foo sala mai hau. Laos nee deit, iha tempu nebaa hau mos halo terus sarani sira.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

Tito 3:5

Nia salva ita, laos tanba ita nia hahalok diak, maibee tanba Nia hadomi ita. Nia hamoos tiha ona ita nia sala i halo ita moris foun fali, liu hosi nia Espiritu Santu.

Ebreu 6:18

Nia promesa ho Nia juramentu nee sei la muda, tanba Maromak nunka bosok. Nunee Nia halo juramentu nee para ita nebee buka mahon ona iha Nia bele laran metin ba Nia promesa nee.

Tiago 3:2

Ita hotu halo sala oi-oin. Ema nebee la halo sala ho nia liafuan, ema nee moris loos, i nia bele domina nia aan tomak.

2 Pedro 1:1

Surat nee hosi hau, Simão Pedro, nudar Jesus Kristu nia atan ho mos Nia apostolu. Hau hakerek surat nee ba imi nebee simu tiha ona fiar ida ke folin boot, hanesan mos ami. Imi simu fiar nee tanba Jesus Kristu sempre halo buat nebee mak loos. Nia mak ita nia Maromak ho ita nia Salvador.

1 João 3:4

Ema nebee halo sala, nia kontra Nai Maromak nia ukun fuan. Tanba sala katak lakohi halo tuir Nia ukun fuan.