Filipi 3:8 - Biblia Tetun Dili

⁸ Ida nebee hau konsidera folin boot liu mak nee: Hau bele konhese Kristu Jesus hau nia Nai. Buat sira seluk, hau husik tiha ona, i konsidera hanesan lixu deit, para hau bele besik liu Kristu,

Filipi 3:8 Iomraidhean Croise

Lucas 1:43

Hau nee see, too hau nia Nai nia inan mai vizita hau?

Lucas 11:20

Hau duni sai espiritu aat hodi Nai Maromak nia kbiit. Nee hatudu katak Nai Maromak nia Reinu too ona iha imi.

João 14:20

I bainhira Hau moris fali, imi hatene loos dehan, Hau hamutuk ho Hau nia Aman; imi hamutuk ho Hau; Hau mos hamutuk ho imi.

João 14:7

Se karik imi konhese Hau diak, imi mos konhese Hau nia Aman. Nunee, agora ba oin, imi konhese ona Nia, i haree ona Nia.”

João 16:3

Sira halo nunee ba imi, tanba sira la konhese Hau, no mos la konhese Hau nia Aman.

João 17:3

Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 17:8

Hau hanorin ona ba sira Liafuan hotu nebee Aman foo hatene mai Hau. Sira mos simu Liafuan sira nee. Sira mos hatene dehan, Hau mai hosi Aman. I sira fiar dehan, Aman mak haruka Hau mai.

João 20:13

Sira husu ba nia dehan, “Senhora, tanba saa ita tanis?” Nia hataan, “Hau tanis, tanba ema lori tiha hau nia Nai nia mate isin. Hau la hatene sira tau iha nebee.”

João 20:28

Tome hataan, “Nai! Agora hau fiar tebes ona. Ita Boot mak hau nia Nai no hau nia Maromak!”

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Roma 8:18

Hau hanoin terus nebee ita hetan agora la kompara ho naroman nabilan nian nebee Maromak sei hatudu sai mai ita iha aban-bainrua.

Roma 8:39

atu buat iha loro leten ka iha rai, atu buat selu-seluk nebee Maromak halo, la iha ida mak bele haketak ita hosi Maromak nia domin nebee Nia hatudu ona mai ita liu hosi ita nia Nai Kristu Jesus.

1 Korintu 2:2

Tanba hau desidi ona katak, durante hau hamutuk ho imi, hau sei husik buat hotu-hotu, hodi hatene deit kona ba Jesus Kristu, nebee mate iha krus.

1 Korintu 9:10

Nia mos hanoin ita ema? Loos duni, liafuan nee hakerek ba ita. Tanba ema nebee halai natar ho ema nebee sama hare, sira hotu laran metin katak too ikus sira sei simu sira ninian.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

2 Korintu 4:6

Tanba Maromak rasik dehan, “Tenki iha naroman hodi leno iha nakukun laran.” Agora mos Maromak foo Nia naroman hodi leno ita nia laran. Nunee ita bele hatene katak Maromak nee makaas teb-tebes, tanba ita haree naroman nabilan nian iha Kristu nia oin.

Efezu 4:13

too ita hotu neon ida laran ida fiar ba Maromak nia Oan i konhese didiak Nia. Iha ikus, ita laos hanesan labarik tan, maibee sai boot ona, too ita sai hanesan Kristu.

Filipi 1:1

Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.

Filipi 3:10

Hau hakarak konhese Kristu liu tan. Hau hakarak para Maromak serbisu iha hau nia laran ho kbiit ida nebee Nia uza hodi halo Kristu moris fali hosi mate. Hau hakarak halo parte iha Kristu nia terus. Kona ba mate mos, hau hakarak sai hanesan Nia.

Filipi 3:12

Hau laos dehan katak, hau hetan ona buat sira nee ka hau moris loos ona. Maibee hau hakaas aan nafatin hodi moris tuir Kristu Jesus nia hakarak, tanba ho objetivu nee mak Nia hili hau hodi tuir Nia.

Filipi 3:7

Uluk hau hanoin dehan, buat sira nee folin boot mai hau. Maibee agora hau konsidera la iha folin ida, tanba hau tuir Kristu.

2 Timóteo 4:6

Kona ba hau nia aan, hau nia loron mate besik ona. Hau hanesan tua kopu ida nebee fakar ba altar leten hanesan oferta ida ba Maromak.

Ebreu 3:14

Ita sai ona laran ida ho Jesus Kristu, naran katak ita kaer metin nafatin ita nia fiar hosi huun too rohan.

1 Pedro 2:7

Fatuk nee mak Jesus Kristu. Nia folin karun teb-tebes ba imi nebee fiar Nia. Maibee ba ema nebee la fiar, Livru Sagradu hakerek dehan, “Fatuk ida nebee badaen sira soe tiha ona, agora sai fali fatuk nebee importante.”

2 Pedro 1:2

Loron ba loron Nai hatudu Nia laran diak ba imi i foo paz ho hakmatek ba imi. Imi sei simu buat sira nee tanba imi konhese ona Nai Maromak i konhese mos ita nia Nai Jesus.

2 Pedro 1:3

Ita konhese ona Nai Maromak. Tanba nee, hosi Nia kbiit rasik Nia foo mai ita saida deit mak ita presiza atu ita bele moris loos tuir Nia hakarak. Nia mos bolu ona ita sai Nia ema, tanba Nia mak Maromak forsa teb-tebes i diak duni.

2 Pedro 1:8

Se hahalok diak sira nee hotu buras ba bebeik iha imi nia moris, entaun imi sei konhese diak liu tan ita nia Nai Jesus Kristu, i imi nia moris iha folin i la saugati.

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.

1 João 1:3

Saida mak ami haree i rona rasik, ida nee mak ami foo sai ba imi, para imi bele sai laran ida ho ami, i nunee ita hotu hamutuk laran ida ho Aman Maromak no ho Nia Oan Jesus Kristu.

1 João 2:19

Ema sira nebee kontra Kristu nee uluk hamutuk ho ita, maibee agora sees ona hosi ita. Maski sira uluk iha ita nia klaran, sira laos ema nebee fiar duni ba Kristu, nee mak sira lakohi hamutuk ona ho ita. Sira husik tiha ita, nee hatudu katak, sira nee la halo parte ho ita.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.