Filipi 3:7 - Biblia Tetun Dili

⁷ Uluk hau hanoin dehan, buat sira nee folin boot mai hau. Maibee agora hau konsidera la iha folin ida, tanba hau tuir Kristu.

Filipi 3:7 Iomraidhean Croise

Jenesis 19:17

Depois bainaka nee ida foo orden dehan, “Halai lalais hodi salva aan. La bele haree ba kotuk, i keta para iha rai tetuk. Halai nafatin ba iha foho nebaa, atu imi la mate.”

Jenesis 19:26

Tempu sira halai nee, Lo nia kaben hateke fali ba kotuk, derepenti deit nia sai tiha masin riin ida.

Mateus 16:26

Folin saida se ema ida nian tiha mundu tomak maibee nia klamar lakon? La iha buat ida mak nia bele foo hodi troka nia klamar.

Marcos 10:50

Rona nunee, Bartimeu soe tiha nia manta, hamriik kedas, i baa hasoru Jesus.

Lucas 14:26

“Ema nebee hakarak tuir Hau, nia tenki hadomi Hau liu buat hotu-hotu. Nia tenki hadomi Hau liu fali nia inan-aman, liu nia kaben, liu nia oan, liu nia maun-alin sira, liu nia feton ho naan sira ho mos liu nia aan rasik. Se lae, nia la serve sai Hau nia eskolanti.

Lucas 14:33

Nunee mos, se o atu tuir Hau, o tenki prontu husik buat hotu-hotu nebee o iha. Se lae, o la serve atu sai Hau nia eskolanti.”

Lucas 16:8

Maski nia halo manipulasaun nunee, maibee too ikus nia patraun gaba nia, tanba nia hatene halo manobra.” Jesus hatutan tan dehan, “Loos duni, ema mundu nian hatene liu halo manobra duke ema nebee moris iha naroman laran.”

Ebreu 11:26

Iha tempu nebaa ema hatete aat nia tanba nia laran metin ba Kristu, Ema nebee Nai Maromak promete ona hori uluk atu haruka mai. Maibee Moisés konsidera terus ida nee folin liu fali rikusoin rai Ejitu nian tomak, tanba nia laran metin atu aban-bainrua Maromak foo fali buat nebee diak liu tan ba nia.