Filipi 3:6 - Biblia Tetun Dili

⁶ i la iha ema ida foo sala mai hau. Laos nee deit, iha tempu nebaa hau mos halo terus sarani sira.

Filipi 3:6 Iomraidhean Croise

Mateus 23:25

Imi mestri relijiaun ho ema Farizeu sira, imi sei hetan susar. Imi koalia oin ida, hahalok oin seluk. Imi badinas hamoos kopu ho bikan nia liur, maibee nia laran foer nafatin. Imi mos hanesan nee, gosta kaan no hadau ema nia sasaan.

Mateus 5:20

Hau dehan ba imi, imi tenki moris loos liu fali mestri relijiaun sira ho ema Farizeu sira. Se lae imi la bele tama iha Maromak nia reinu.”

Lucas 1:6

Sira nain rua nee ema nebee moris loos iha Maromak nai futar oin, i halo tuir Maromak nia lei no Nia ukun fuan sira.

Apostolu sira nia Istoria 21:20

Rona nunee, sira hotu hahii Nai Maromak. Depois sira hatete ba Paulo dehan, “Irmaun, naran katak ita hatene, iha ona ema Judeu rihun ba rihun mak fiar ba Nai Jesus. Maibee sira hotu sei kaer nafatin lei nebee Nai Maromak rai hela ba profeta Moisés.

Apostolu sira nia Istoria 22:5

Ita nia relijiaun Judeu nia ulun boot, ho xefi sira seluk hotu hatene katak buat nebee hau koalia nee, loos duni. Tan sira mak foo surat rekomendasaun mai hau, ba ema Judeu iha sidade Damasku. Ho surat nee hau hetan lisensa para baa kaer ema sarani sira iha nebaa, hodi lori mai kastigu iha Jerusalém.”

Apostolu sira nia Istoria 26:5

Sira konhese hau kleur ona. Nunee, se sira hakarak atu foo sasin karik, sira bele hatete katak hau moris nudar ema hosi grupu relijiaun Farizeu. Ema hotu hatene dehan, ami ema Farizeu fanatiku liu tuir ami nia lei relijiaun.

Apostolu sira nia Istoria 8:3

Saulo mos buka dalan hodi halo rahun Jesus nia ema sira. Nia tama-sai uma hodi buka sarani sira. Bele feto ka mane, nia kaer hotu, rasta baa hatama iha kadeia.

Roma 7:9

Uluk hau seidauk hatene Maromak nia lei. Maibee, bainhira hau aprende lei nee, sala komesa buras iha hau nia moris,

1 Korintu 10:32

La bele halo ema seluk monu ba sala. Atu ema Judeu, ka ema gregu, ka Maromak nia povu, la bele sai fatuk sidi ba sira.

1 Korintu 15:9

Hau mak kiik liu hosi apostolu sira hotu. Tuir loloos, hau la serve atu ema bolu hau apostolu, tanba uluk hau halo terus Maromak nia povu.

Filipi 2:15

Nunee, nudar Maromak nia oan, imi bele moris ho laran moos, imi la iha sala, i la iha ema ida bele hatudu liman ba imi. Imi moris iha ema aat sira nia leet. Entaun imi tenki sai hanesan naroman hodi leno dalan ba sira, hanesan fitun iha loro leten.

Filipi 3:9

i bele laran ida ho Nia. Nai Maromak simu hau laos tanba hau tuir lei relijiaun, maibee tanba hau fiar ba Kristu. Tanba hau nia fiar mak Maromak simu hau.

1 Timóteo 1:13

Nia foti hau, maski uluk hau hatete aat Nia i halo terus ema nebee tuir Nia. Jesus la kastigu hau, tanba tempu nebaa hau seidauk fiar ba Nia i la hatene saida mak hau halo.