Filipi 3:5 - Biblia Tetun Dili

⁵ Hau moris mai, iha loron walu ema sunat ona hau tuir lei relijiaun nian. Hau ema Ebreu isin, hosi suku Benjamim, hosi ema Israel. Uluk hau seidauk tuir Kristu, hau nudar ema grupu Farizeu nebee badinas teb-tebes halo tuir lei relijiaun,

Filipi 3:5 Iomraidhean Croise

Jenesis 14:13

Maibee iha ema ida mak halai liu baa foo hatene ba Abrão, ema Ebreu nee. Tempu nee Abrão hela besik iha Manre nia ai huun boot sira. (Manre nee ema Amori. Manre ho nia alin Eskol ho Aner, halo akordu ho Abrão atu ajuda malu bainhira iha funu.)

Jenesis 40:15

Tanba ema obriga lori hau hosi Ebreu sira nia rain. Iha Ejitu nee mos, hau la halo sala ida. Maski nunee derepenti ema hatama hau ba kadeia, hanesan ema aat.”

Jenesis 41:12

Iha kadeia laran nee iha mos mane klosan Ebreu ida. Xefi kadeia foti nia hodi toma konta serbisu hotu-hotu iha kadeia. Ami konta ami nia mehi ba nia. I nia mak siik kona.

Jonas 1:9

Jonas hataan dehan, “Hau ema Ebreu. Hau fiar ba NAI Maromak iha lalehan, nebee halo lalehan ho rai.

Lucas 1:59

Bainhira labarik nee halo ona loron walu, sira halibur malu para sunat nia, tuir ema Judeu nia lisan. Sira atu tau naran ba labarik nee, Zacarias, tuir nia aman nia naran.

Lucas 2:21

Bainhira Jesus halo loron walu ona, ema tenki sunat Nia. Loron serimonia sunat Kosok Oan nee, Nia inan-aman tau Nia naran Jesus. Naran nee mak anju foo hatene ba Nia inan, bainhira nia seidauk isin rua.

Lucas 5:38

Tua foun, tenki tau iha tua fatin foun.

Apostolu sira nia Istoria 22:3

“Hau ema Judeu, moris iha sidade Tarsu iha provinsia Silísia, maibee boot iha Jerusalém. Hau nia profesor naran Gamaliel. Nia hanorin hau ho didiak lei nebee profeta Moisés rai hela ba ita nia bei-ala sira. Iha tempu nebaa hau mos serbii Nai Maromak ho laran tomak hanesan mos imi hotu.

Apostolu sira nia Istoria 23:6

Paulo haree ema sira tesi lia nee, fahe ba grupu rua. Balu tuir grupu Saduseu, nebee la fiar katak ema mate bele moris fali. Sira mos la fiar katak iha anju ka iha espiritu. Balu tuir grupu Farizeu nebee fiar buat hirak nee hotu. Nunee Paulo koalia ho lian makaas dehan, “Maun-alin sira, hau ema Farizeu. Hau nia aman ho hau nia avoo sira mos ema Farizeu. Agora imi atu kastigu hau, tanba hau fiar katak Nai Maromak bele halo ema mate moris fali.” Bainhira Paulo koalia nunee, ema Farizeu ho ema Saduseu sira komesa haksesuk malu, too sira la rona malu tan.

Apostolu sira nia Istoria 6:1

Iha tempu nee, ema nebee tuir Jesus amenta barak ba bebeik. Sira ema Judeu maibee hosi grupu rua, lian keta-ketak. La kleur, grupu ida nebee koalia lian Gregu, haksesuk malu ho grupu ida nebee koalia lian Aram. Sira hosi lian Gregu dehan, “Bainhira fahe hahaan loro-loron nian, ami nia feto faluk sira la simu sira nia parte.”

Roma 11:1

Agora hau husu tan: Entaun Maromak fila kotuk ba Nia povu Israel ka? Lae liu! Hau rasik ema Israel, hau Abraão nia jerasaun, hosi suku Benjamim.

2 Korintu 11:22

Sira nee ema Ebreu isin ka? Hau mos Ebreu isin. Sira ema Israel ka? Hau mos ema Israel. Sira Abraão nia jerasaun ka? Hau mos Abraão nia jerasaun.