Filipi 3:21 - Biblia Tetun Dili

²¹ Iha mundu nee, ita nia isin lolon fraku, i sei mate. Maibee bainhira Jesus Kristu mai, Nia sei troka tiha ita nia isin lolon fraku nee, sai fali forti ho furak teb-tebes hanesan Nia isin lolon rasik, i ita sei la mate tan. Nia bele halo ida nee tanba Nia iha kbiit hodi ukun buat hotu-hotu.

Filipi 3:21 Iomraidhean Croise

Mateus 17:2

Too iha nebaa Nia eskolanti nain tolu nee haree Jesus nakfilak Aan tiha. Nia oin nabilan hanesan loromatan, i Nia hena sai mutin nabilan.

Mateus 22:29

Jesus hataan, “Imi nia hanoin nee la loos tanba imi la hatene saida mak hakerek iha Livru Sagradu, i imi mos la komprende Maromak nia kbiit.

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

Roma 8:29

Tanba hosi hahuu fofoun, Maromak konhese ona ita i hili ita para sai hanesan Oan Jesus Kristu nia imajen. Ho nunee Jesus mak Oan boot hosi maun alin sira hotu.

Kolose 3:4

Kristu foo ona moris foun ba imi. I aban-bainrua Nia fila fali mai, imi mos mosu hamutuk ho Nia, ho naroman nabilan nian.

1 João 3:2

Maluk doben sira, ita sai ona Maromak nia oan. Maibee Maromak seidauk foo sai ba ita, aban-bainrua ita sei sai oinsaa. Maski nunee ita sei hatene, bainhira Jesus Kristu fila fali mai hosi lalehan, ita sei sai hanesan Nia, tanba ita sei haree Nia momoos.

Apokalipse 1:8

Nai Maromak dehan, “Hau mak Alfa ho Omega, primeiru no ikus. Hau iha hori uluk kedas, agora iha, i iha nafatin too tinan ba tinan. Hau mak kbiit nain.”