Filipi 3:20 - Biblia Tetun Dili

²⁰ Maibee ita la bele nunee, tanba ita sai ona sidadaun lalehan nian. Agora ita hein hela ita nia Nai Jesus Kristu nudar ita nia Salvador tuun fila fali mai hosi lalehan.

Filipi 3:20 Iomraidhean Croise

Mateus 19:21

Jesus hataan, “Se o hakarak moris halo tuir Maromak nia hakarak hotu, entaun baa faan tiha o nia rikusoin hotu, i osan nee fahe ba ema kiak sira. Nunee mak o sei hetan fali rikusoin iha lalehan. Depois, mai tuir Hau.”

Lucas 12:21

Nunee mos ho ema nebee halibur rikusoin ba nia aan rasik, maibee sai kiak iha Maromak nia futar oin.”

Lucas 14:14

Se ita halo nunee, Maromak sei foo bensaun ba ita. Ema sira nee la bele selu fali buat nebee ita halo ba sira. Maibee aban-bainrua, bainhira Maromak halo moris fali ema nebee moris loos, Nia sei selu fali ita nia hahalok diak nee.”

Apostolu sira nia Istoria 1:11

Ema nain rua nee dehan, “Ema Galileia sira, nusaa mak imi hateke nafatin ba lalehan? Ohin imi haree Jesus sae ba lalehan husik hela imi, aban-bainrua Nia sei fila fali mai hosi lalehan hanesan mos imi foin haree.”

1 Korintu 1:7

Maromak foo tiha ona kbiit oi-oin ba imi, nunee imi la falta buat ida atu halao Nia serbisu durante imi hein ita nia Nai Jesus Kristu fila fali mai hosi lalehan.

1 Korintu 15:48

Ema iha mundu nee, sira nia isin lolon hanesan Adão ida primeiru nebee mai hosi rai. Ema nebee lalehan nian, sira nia isin lolon hanesan Adão ida segundu nebee mai hosi lalehan.

2 Korintu 4:18

Nunee ami la hateke ba buat nebee mak ami haree ho matan, tanba buat sira nee sei nabeen hotu. Ami so hateke ba buat nebee ami nia matan la haree, tanba buat sira nee mak la iha rohan.

2 Korintu 5:8

Nunee ita fiar nafatin. Tuir loos ita hakarak atu husik tiha ita nia isin lolon mundu nian hodi baa hela hamutuk ho ita nia Nai iha lalehan.

Galasia 4:26

Maibee ita nebee fiar ba Kristu, sai hanesan ita nia inan Sara. Ita sai ema livre hanesan nia tanba ita la moris ona iha lei relijiaun nia okos. Nunee ita pertense ona ba Jerusalém foun iha lalehan.

Efezu 2:19

Entaun, maski uluk imi hanesan ema lao rai nebee la halo parte iha Nai Maromak nia povu, maibee agora imi sai ona ema rai nain hamutuk ho Nia povu santu sira seluk. I imi mos sai ona Maromak nia familia.

Efezu 2:6

Maromak halo moris fila fali ita hamutuk ho Kristu i foo ona fatin ba ita hamutuk ho Nia iha lalehan.

Filipi 1:10

Nunee imi bele hili saida mak diak hodi moris loos, atu bainhira Kristu fila fali mai, Nia bele dehan, imi la iha sala ida.

Filipi 1:27

Bele halo nusaa mos, imi tenki moris tuir loloos Kristu nia Novidade Diak. Nunee, se hau rasik baa vizita fali imi ka rona deit hosi ema mos, hau bele hatene katak, imi hamriik metin ho neon ida laran ida. I hau bele hatene katak, imi hotu serbisu makaas para ema seluk mos fiar Kristu nia Novidade Diak nee.

Kolose 1:5

Imi nia fiar ho imi nia domin nee buras tanba imi hein ho laran metin atu simu bensaun nebee Maromak prepara tiha ona ba imi iha lalehan. Imi fofoun rona kona ba bensaun nee bainhira imi rona Maromak nia Novidade Diak. Liafuan nee loos

1 Tesalonika 1:10

Sira mos konta dehan, imi hein hela Nai Maromak nia Oan Jesus fila mai hosi lalehan. Uluk, ema oho tiha Nia, maibee Nai Maromak halo Nia moris fali. I Nai Jesus mak sei salva ita hosi Maromak nia kastigu iha loron ikus.

1 Tesalonika 4:16

Nai Jesus sei fila fali mai hosi lalehan hodi foo orden ho lian makaas. Ema sei rona anju sira nia boot ida nia lian, ho Maromak nia korneta nia lian. Depois Kristu nia ema sira nebee mate tiha ona sei moris fila fali.

2 Timóteo 4:8

Agora hau hein prémiu nebee Nai Jesus prepara ona ba ema nebee moris loos. Ita nia Nai nee mak juis loos. I too iha loron nebee Nia tesi lia, Nia sei foo prémiu nee mai hau. Laos mai hau deit, maibee Nia sei foo mos ba ema hotu nebee ho laran tomak hein hela Nia atu fila mai.

Tito 2:13

Agora ita hein hela ho laran metin Jesus Kristu atu fila fali mai ho naroman nabilan. Jesus mak ita nia Maromak Forsa teb-tebes, nebee salva ita.

Ebreu 12:22

Maibee agora imi mai iha Nai Maromak nia prezensa iha Jerusalém lalehan nian, iha foho Siaun, iha Maromak nebee Moris nia hela fatin. Iha nebaa anju tookon ba tookon halibur hamutuk ho haksolok.

Ebreu 9:28

Kristu mos mate dala ida deit, hanesan sakrifisiu hodi hamoos ema barak nia sala. I Nia sei fila fali mai, laos atu kasu ita ema nia sala tan, maibee atu salva ema sira nebee mak hein hela Nia ho laran metin.

Apokalipse 1:7

Haree baa! Jesus sei tuun mai hosi lalehan iha kalohan laran, i ema hotu-hotu sei haree Nia, too ema nebee uluk sona Nia, sira mos sei haree. Ema hosi nasaun hotu-hotu iha mundu nee sei tanis halerik tanba Nia. Loos duni, buat nee sei sai nunee duni. Amen.