Filipi 3:19 - Biblia Tetun Dili

¹⁹ Too ikus Maromak sei soe lakon tiha ema sira nee. Sira nia maromak mak sira nia kabun. Hahalok aat nebee sira halo, halo ema moe, maibee sira tebe rai dehan, diak loos. Sira hanoin deit buat mundu nian.

Filipi 3:19 Iomraidhean Croise

Mateus 16:23

Maibee Jesus fila ba Pedro hodi siak fali nia dehan, “Satanás, sai tiha hosi nee! O atu taka dalan fali mai Hau! O nia hanoin nee laos mai hosi Maromak, maibee mai hosi ema nia hanoin.”

Mateus 25:41

Depois Hau hatete ba ema sira nebee iha Hau nia sorin karuk dehan, ‘Sai tiha hosi nee, imi sira nee hetan ona malisan. Baa tama iha ahi laran nebee mak nunka mate. Ahi nee prepara tiha ona ba diabu ho nia anju sira.

Lucas 12:19

Depois hau hatete ba hau nia aan rasik: Hau moris diak ona! Iha tiha ona buat hotu-hotu, nebee sei rai ba tinan naruk nia laran. Agora deskansa ona baa, haan-hemu no goza deit ona.’ ”

Lucas 16:19

Depois Jesus halo tan komparasaun ida nunee: “Iha ema riku ida sempre hatais ropa didiak deit. Loron-kalan nia halo festa hela deit.

Lucas 18:4

Fofoun juis lakohi simu feto faluk nee, maibee too ikus nia dehan ba nia aan, ‘Maski hau la tauk Maromak, i hau la respeita ema ida,

Roma 16:18

Tanba ema hanesan nee laos serbii Kristu ita nia Nai, maibee serbii deit sira nia aan rasik. Sira uza liafuan midar no promete buat oin-oin, ho nunee sira konsege bosok ema nebee simples.

Roma 6:21

Iha tempu nebaa imi simu buat diak saida hosi imi nia sala nee? La iha! Imi nia sala so halo moe deit imi, i too ikus lori imi ba mate.

1 Korintu 3:3

Imi sei hanoin hanesan fali ema mundu nian. Imi laran moras ba malu, i haksesuk to fahe malu. Nee hatudu katak imi tuir nafatin mundu nia hakarak. Nunee imi nia hahalok hanesan fali ema mundu nian.

1 Korintu 5:2

Maibee imi foti aan nafatin hanesan fali buat ida la kona imi. Tuir loos imi tenki moe i laran susar. I ema nee, imi tenki bandu atu la bele hamutuk tan ho imi sarani sira.

1 Korintu 5:6

La bele foti aan tan! Keta haluha katak, ita kahur fermentu ituan deit ba trigu, bele halo masa trigu tomak nee sae. Nunee mos se imi husik ema halo buat aat iha imi nia klaran, sarani sira seluk mos bele halo tuir.

2 Korintu 11:12

Maibee hau nafatin lakohi husu suporta hosi imi, nee para ema nebee foti aan hanesan apostolu seluk la bele dehan sira halao sira nia serbisu hanesan ami.

2 Korintu 11:15

Nee duni, imi lalika hakfodak se diabu nia atan sira nee finji hanesan atan nebee halao Maromak nia hakarak. Too ikus ema sira nee sei hetan kastigu tuir sira nia hahalok.

Galasia 6:13

Maski sira sunat ona mos, sira rasik la tuir lei relijiaun hotu. Maibee sira hakarak atu imi sunat, para sira bele gaba aan dehan, imi halo tuir ona lei nee.

Filipi 2:21

Sira seluk so hanoin deit sira nia aan. Buat nebee Jesus Kristu hakarak, sira la interese.

Kolose 3:2

Foo atensaun bebeik ba buat lalehan nian, la bele preokupa ho buat nebee iha mundu.

2 Tesalonika 1:9

Nia sei foo kastigu todan ba sira hotu too rahun tinan ba tinan. Nia duni sai sira hosi Nia oin. Nunee sira sei la haree tan ona Maromak nia naroman nabilan.

2 Tesalonika 2:12

Nunee Nai Maromak foo kastigu todan ba sira hotu nebee la fiar lia loos i gosta halo mak buat aat.

2 Tesalonika 2:8

Depois mak foin ema haree momoos ema aat nee nia serbisu. Maibee bainhira Nai Jesus fila mai ho Nia kbiit tomak, ema aat nee nia poder lakon kedas. Jesus huu deit, ema nee rahun kedas.

1 Timóteo 6:5

Sira so hatene mak istori malu deit. Sira nia hanoin la loos ona, i sira la hatene ona saida mak loos. Sira hanoin dehan, hanorin kona ba Maromak bele halo sira sai riku.

2 Timóteo 3:4

Sira faan sira nia kolega ba ema aat, la hanoin naruk, i gaba aan dehan nia mak hatene buat hotu. Sira gosta liu goza moris duke moris tuir Maromak nia hakarak.

Tiago 4:16

Maibee imi gaba aan hodi hanoin katak planu hotu-hotu iha imi nia liman laran. Foti aan hanesan nee sala.

2 Pedro 2:1

Uluk profeta falsu mosu iha povu Israel nia leet. Nunee mos agora, iha mestri falsu iha hela imi nia leet. Sira sei hanorin doutrina falsu nebee lori ba mate, no mos nega ita nia Nai Jesus. Afinal Nia mak sosa kotu tiha ona ita. La kleur mestri sira nee sei rahun hotu.

2 Pedro 2:13

Maromak sei foo terus ba sira tuir terus nebee mak sira foo ona ba ema seluk. Mestri falsu sira nee, buka halo sira nia aan kontente liu hosi haan-hemu no iha relasaun ho feto sira, maski iha loron. I bainhira sira haan hamutuk ho imi mos, sira halo tuir deit sira nia hakarak aat. Sira nia hahalok nee halo moe deit ita.

2 Pedro 2:3

Mestri falsu sira nee karakteen liu. Sira inventa istoria tuun-sae para haan-matak imi. Maibee hori uluk kedas Maromak desidi ona atu kastigu sira, i la kleur tan sira sei rahun.

Judas 1:10

Maibee ema sira nee hatete aat buat nebee mak sira la komprende. Sira so hatene sira nia hakarak deit, hanesan fali animal nebee la iha neon. I hahalok nee mak harahun sira.

Judas 1:16

Ema sira nee so hatene murmura deit i foo sala ba ema seluk. Sira moris tuir deit sira nia hakarak aat rasik. Sira gaba aan, i kos-kose ema seluk para halo tuir sira nia hakarak.

Judas 1:4

Tanba iha ona ema balu tama sub-subar iha imi nia leet. Sira nee uza sala Nai Maromak Nia grasa. Sira dehan, tanba Maromak nee laran diak, entaun ita bele halo sala saida deit konformi ita nia hakarak. Sira mos nega Jesus Kristu, afinal Nia mak ita nia Liurai ho ita nia Nai. Iha Livru Sagradu hakerek tiha ona katak ema sira nee sei hetan kastigu.

Apokalipse 18:7

Uluk nia foti aan liu hodi moris goza deit, agora tenki foo fali terus ho susar boot liu ba nia. Feto luroon nee gaba aan dehan, ‘Hau nee liurai feto! Hau nunka sai feto faluk, i nunka hatene tristi.’

Apokalipse 19:20

Maibee Ema nebee sae kuda mutin nee manaan tiha animal siak nee ho nia profeta falsu. Profeta falsu nee mak uluk hatudu nia milagre boboot hodi animal siak nia naran. Ho milagre sira nee nia bosok ema hotu-hotu nebee simu ona animal siak nia marka i adora animal nee nia estatua. Agora Ema ida nebee sae kuda mutin nee kaer animal siak nee ho nia profeta falsu, i soe moris sira nain rua ba iha ahi lakan boot nia laran.

Apokalipse 21:8

Maibee sira nebee hakiduk tanba tauk, sira nebee la fiar, ema nebee hanoin no halo sala foer oi-oin, oho-door, ema nebee halo relasaun seksual ho ema nebee laos nia feen ka laen, ema matandook no ema nebee kaer ai kulit aat, sira nebee adora lulik, ema bosok-teen, sira nee hotu-hotu Hau sei soe tama ba iha ahi lakan boot nia laran. Ida nee mak mate ba dala rua.”

Apokalipse 22:15

Maibee ema aat sira, ema matandook ka ema nebee kaer ai kulit aat, ema nebee halo sala adulteriu, oho-door, adora fali estatua lulik, ka gosta bosok, sira nee la tama ba lalehan, sei hela hotu iha liur.