Filipi 3:12 - Biblia Tetun Dili

¹² Hau laos dehan katak, hau hetan ona buat sira nee ka hau moris loos ona. Maibee hau hakaas aan nafatin hodi moris tuir Kristu Jesus nia hakarak, tanba ho objetivu nee mak Nia hili hau hodi tuir Nia.

Filipi 3:12 Iomraidhean Croise

Mateus 5:48

Aman Maromak iha lalehan hadomi ema hotu-hotu, nunee imi tenki hadomi mos hanesan Nia.”

Apostolu sira nia Istoria 9:15

Maibee Nai Jesus koalia tan, “O baa deit! Tanba Hau hili ona nia hodi serbii Hau, i lori Hau nia Novidade Diak baa foo ba sira nebee laos ema Judeu, foo ba liurai sira, ho mos ba ema Judeu sira.

Roma 8:39

atu buat iha loro leten ka iha rai, atu buat selu-seluk nebee Maromak halo, la iha ida mak bele haketak ita hosi Maromak nia domin nebee Nia hatudu ona mai ita liu hosi ita nia Nai Kristu Jesus.

1 Korintu 13:10

Maibee too loron ida, Maromak sei halo buat hotu-hotu kompletu. Iha loron nee, buat nebee la kompletu, sei lakon.

1 Korintu 13:12

Saida mak ita haree dadauk nee la moos, hanesan ema nebee haree nia lalatak iha lalenok. Maibee too loron ida ita sei haree momoos, oin ho oin. Agora hau hatene buat balu deit, maibee aban-bainrua hau sei hatene momoos, hanesan mos Maromak agora hatene momoos hau.

1 Korintu 9:24

Bainhira ema barak halai taru, maibee ida deit mak manaan premiu. Tanba nee imi tenki halai makaas atu imi bele hetan premiu nee.

2 Korintu 13:9

Ami haksolok bainhira ami fraku no imi forte. Ami harohan para imi sai ema nebee moris loos.

2 Korintu 7:1

Maluk doben sira, Maromak promete tiha ona buat sira nee ba ita. Tanba nee, mai ita hamoos ita nia aan hosi buat nebee hafoer ita nia isin no klamar. Ita tenki hamoos tutuir nafatin halo ita nia laran moos liu, tanba ita hamtauk Maromak.

Galasia 5:17

Tanba isin nia hakarak la haan malu ho Espiritu nia hakarak. I Espiritu nia hakarak la haan malu ho isin nia hakarak. Buat rua nee kontra malu. Tanba nee mak buat nebee imi hakarak halo, imi la bele halo.

Efezu 1:4

Molok Nai Maromak halo mundu, Nia hili tiha ona ita sai Kristu nia ema no Nia hadomi ita. Nia hakarak atu ita moris santu no laran moos iha Nia futar oin, i la iha sala.

Efezu 4:12

Nia foti sira nee para sira bele prepara Maromak nia povu atu ita hotu halao Nia serbisu. Ho nunee ita hotu, nudar Kristu nia isin lolon, sai forti ba bebeik,

Filipi 1:1

Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.

Filipi 3:16

Bele halo nusaa mos, ita tenki halo tuir buat hotu nebee Maromak hatudu ona mai ita.

Filipi 3:3

Afinal ita nebee adora Maromak hodi Nia Espiritu nia tulun, mak sunat loloos. Ita foti aas Kristu Jesus nia naran, i ita la depende ba saida deit mak ita ema halo.

Filipi 3:8

Ida nebee hau konsidera folin boot liu mak nee: Hau bele konhese Kristu Jesus hau nia Nai. Buat sira seluk, hau husik tiha ona, i konsidera hanesan lixu deit, para hau bele besik liu Kristu,

1 Tesalonika 5:15

La bele selu aat ho aat. Maibee sempre hakaas aan atu halo diak ba ema kristaun sira ho mos ba ema hotu.

2 Tesalonika 2:13

Maun-alin sira nebee Nai Jesus hadomi. Ami sempre agradese ba Nai Maromak, tanba hori uluk kedas Nia hili nanis ona imi atu simu salvasaun. Nia salva imi liu hosi Nia Espiritu nebee halo imi moris ho laran moos, i liu hosi imi nia fiar ba lia loos.

1 Timóteo 5:10

Ema rekonhese nia hanesan ema ida ke sempre halo diak ba ema seluk. Nia tau matan ba nia oan sira ho diak, simu bainaka iha nia uma ho laran tomak, serbii sarani sira ho haraik aan, fasi sira nia ain, ajuda ema nebee iha susar laran, i sempre prontu halo buat didiak deit.

1 Timóteo 6:19

Nunee sira nia hahalok diak nee sai hanesan rikusoin iha loron ikus, para sira bele hetan moris loloos, nebee rohan laek.

Ebreu 12:14

Hakaas aan para moris dame ho ema hotu-hotu. I buka atu moris ho laran moos, tanba so ema nebee moris ho laran moos mak aban-bainrua bele haree Nai Maromak.

Ebreu 12:23

Iha mos ema sira nebee fiar ba Kristu halibur hamutuk. Sira hotu nia naran hakerek ona iha lalehan. Imi mai ona iha Nai Maromak. Nia mak Juis nebee sei tesi ema hotu-hotu nia lia. Imi mai iha sira nebee mak uluk moris loos. Agora Maromak halo sira sai moos liu ona, sala ituan mos la iha.

Ebreu 13:21

Maromak foo saida deit mak imi presiza atu imi bele halo tuir Nia hakarak. Hau mos harohan atu Nia serbisu nafatin iha ita hotu nia laran liu hosi Jesus Kristu nia tulun, para ita sai ema nebee mak halo haksolok Nia laran. Mai ita foti aas Nia naran too tinan ba tinan nafatin. Amen.

Tiago 3:2

Ita hotu halo sala oi-oin. Ema nebee la halo sala ho nia liafuan, ema nee moris loos, i nia bele domina nia aan tomak.

1 Pedro 5:10

Bainhira imi nia terus hotu ona, Nai Maromak rasik sei halo imi diak fila fali. Nia sei foo forsa ba imi, i halo imi hamriik metin hodi aguenta nafatin. Tanba Nia sempre hatudu Nia laran diak ba ita ema i Nia rasik mak bolu imi atu simu Nia kbiit ho naroman nabilan too tinan ba tinan, hamutuk ho Kristu.

2 Pedro 3:18

Hakaas aan para loron ba loron konhese diak liu Nai Jesus Kristu ita nia Salvador, i hatene liu tan Nia laran diak. Mai ita foti aas Nia naran agora i too tinan ba tinan. Amen.