Filipi 3:11 - Biblia Tetun Dili

¹¹ Tanba hau laran metin katak, ikus mai Nia sei halo hau moris fali hosi mate.

Filipi 3:11 Iomraidhean Croise

Lucas 14:14

Se ita halo nunee, Maromak sei foo bensaun ba ita. Ema sira nee la bele selu fali buat nebee ita halo ba sira. Maibee aban-bainrua, bainhira Maromak halo moris fali ema nebee moris loos, Nia sei selu fali ita nia hahalok diak nee.”

João 11:24

Marta rekonhese dehan, “Hau komprende, bainhira mundu nee remata, Maromak sei halo ema mate sira moris fila fali. Nunee, Nia mos sei halo moris fila fali hau nia alin.”

Apostolu sira nia Istoria 23:6

Paulo haree ema sira tesi lia nee, fahe ba grupu rua. Balu tuir grupu Saduseu, nebee la fiar katak ema mate bele moris fali. Sira mos la fiar katak iha anju ka iha espiritu. Balu tuir grupu Farizeu nebee fiar buat hirak nee hotu. Nunee Paulo koalia ho lian makaas dehan, “Maun-alin sira, hau ema Farizeu. Hau nia aman ho hau nia avoo sira mos ema Farizeu. Agora imi atu kastigu hau, tanba hau fiar katak Nai Maromak bele halo ema mate moris fali.” Bainhira Paulo koalia nunee, ema Farizeu ho ema Saduseu sira komesa haksesuk malu, too sira la rona malu tan.

Apostolu sira nia Istoria 26:7

Ema Israel hosi suku sanulu resin rua nee hotu mos fiar Nia promesa nee. Tanba nee mak sira adora Nia loron-kalan. Liurai Agripa mak hau respeita. Maski ema Judeu sira mos fiar nunee, sira foo sala mai hau tanba hau fiar ba Nai Maromak nia promesa nebee halo ema mate moris fali.

Apostolu sira nia Istoria 27:12

Problema mak Pontikais Diak nee laduun diak atu roo para iha tempu rai malirin ho laloran boot. Nee mak sira barak hakarak atu se bele, ami lao tan ituan ba iha sidade Feniks, atu hela iha nebaa durante tempu laloran boot. Feniks nee pontikais diak ida, tanba bele taka netik anin hosi loro-sae, i livre hosi laloran boot.

Roma 11:14

Hau hein katak hau nia serbisu nee bele halo hau nia maluk Judeu sira laran moras hodi hakarak atu sira mos bele hetan bensaun nebee ema laos Judeu simu nee. Nunee sira balu bele hetan salvasaun.

1 Korintu 15:23

Maibee ida-idak tuir nia tempu. Kristu mak Ema primeiru nebee Maromak halo moris fali hosi mate. Bainhira Kristu fila fali mai hosi lalehan foin Nia ema sira mos moris fila fali hosi mate.

1 Korintu 9:22

Ba ema nebee fraku, hau mos sai fraku, atu nunee bele manaan sira. Nunee, ba see-see deit hau halo hau nia aan hanesan sira, hau prontu halo saida deit atu bele lori sira balu ba salvasaun.

1 Korintu 9:27

Hau treinu makaas hau nia aan, too hau domina hau nia aan tomak. Tanba hau preokupa, keta halo be, bainhira hau foo sai Novidade Diak ba ema, iha ikus hau rasik la simu premiu.

2 Korintu 11:3

Agora dadaun imi tuir hela Kristu ho laran tomak. Maibee hau tauk, keta halo be ema ruma mai lohi imi para sees tiha hosi Kristu, hanesan iha tempu uluk samea lohidor mai lohi Eva.

1 Tesalonika 3:5

Iha tempu nebaa, hau hakarak duni atu hatene, imi sei fiar nafatin ba Jesus ka lae. Nunee bainhira hau la aguenta tan ona, hau haruka Timóteo ba imi hodi buka hatene loloos. Tan hau preokupa, keta halo be Satanás intenta ona imi atu fila kotuk ba Nai Jesus. Se nunee, serbisu boot nebee uluk ami halo nee saugati deit.

2 Tesalonika 2:3

Keta husik ema bosok imi. Tan ema aat ida sei mai uluk, foin Nai Jesus mai. Ema nee sei kontra makaas Nai Maromak. Nia mos sei dada ema barak hamriik kontra Nai Maromak. Nia demais liu ona too nia tenki tama infernu.

2 Timóteo 4:8

Agora hau hein prémiu nebee Nai Jesus prepara ona ba ema nebee moris loos. Ita nia Nai nee mak juis loos. I too iha loron nebee Nia tesi lia, Nia sei foo prémiu nee mai hau. Laos mai hau deit, maibee Nia sei foo mos ba ema hotu nebee ho laran tomak hein hela Nia atu fila mai.

Ebreu 11:35

Senhora balu simu fali sira nia maluk nebee mate, tanba Maromak halo moris fila fali. Iha mos balu, ema simu terus too mate tanba sira fiar ba Nai Maromak. Sira lakohi nega Nai Maromak para ema hasai sira hosi terus nee, tanba sira laran metin katak, bainhira sira mate, sira sei simu fali moris ida nebee diak liu.

Apokalipse 20:5

Sira nee mak ema primeiru nebee Nai Maromak halo moris fali hosi mate. Ema mate sira seluk tenki hein too tinan rihun ida nee hotu foin Nai Maromak halo moris fali sira.