Filipi 3:1 - Biblia Tetun Dili

¹ Maun-alin sira, haksolok baa, tanba imi laran ida ona ho Nai Jesus. Maski hau hakerek fali buat nebee uluk hau hakerek tiha ona, maibee hau la baruk foo hanoin dala ida tan ba imi, atu imi fiar metin nafatin.

Filipi 3:1 Iomraidhean Croise

Mateus 5:12

Kuandu ema halo imi terus nunee, simu ho haksolok i kontenti deit baa, tanba Maromak sei foo premiu boot ba imi iha lalehan. Keta haluha katak, Maromak nia profeta sira nebee moris iha tempu uluk mos, ema halo terus sira hanesan nee.”

Lucas 1:47

Hau nia laran haksolok, tanba Maromak hau nia Salvador.

Roma 5:11

Laos nee deit, maibee agora ita mos haksolok tanba Maromak hatudu Nia laran diak liu hosi ita nia Nai Jesus Kristu, tanba Kristu nee mak halo ita dame malu ho Maromak.

2 Korintu 13:11

Maun-alin sira, hau nia liafuan ikus mak nee: Haksolok baa! Hakaas aan hodi moris loos. Rona didiak hau nia konselhu, moris neon ida laran ida, i buka atu moris dame ho ema hotu-hotu. Nunee Maromak Domin Nain ho Dame Nain sei hamutuk ho imi nafatin.

Efezu 6:10

Hau nia liafuan ikus mak nee: sai forti baa! Tanba imi laran ida ho ita nia Nai, i Nia kbiit makaas teb-tebes foo forsa mai ita.

Filipi 3:3

Afinal ita nebee adora Maromak hodi Nia Espiritu nia tulun, mak sunat loloos. Ita foti aas Kristu Jesus nia naran, i ita la depende ba saida deit mak ita ema halo.

Filipi 4:4

Loron-kalan haksolok deit baa, tanba imi Nai Jesus nia ema. Dala ida tan hau hatete: haksolok nafatin baa!

Filipi 4:8

Entaun, maun-alin sira, imi tenki kuidadu didiak imi nia hanoin. Hanoin bebeik kona ba buat nebee loos, ho buat nebee iha valór. Hanoin kona ba buat diak nebee halo haksolok Maromak nia laran ho buat furak nebee foo ksolok ba ema. Saida deit mak diak loos i saida deit mak ita bele gaba, nee mak imi tenki hanoin.

1 Tesalonika 4:1

Maun-alin sira, ami husu ba imi atu moris halo haksolok Nai Maromak, tuir ami hanorin ona ba imi. Loos, imi moris tuir ona nunee, maibee tanba ita Nai Jesus nia ema, ami husu atu imi hakaas aan liu tan.

1 Tesalonika 5:16

Haksolok bebeik baa.

Tiago 1:2

Maun-alin sira, bainhira imi hasoru susar oi-oin, haksolok nafatin ba.

1 Pedro 3:8

Agora hau husu para imi hotu neon ida laran ida, hadomi imi nia maluk sira nebee fiar ba Kristu, hatudu laran maus ba malu i haraik aan.

1 Pedro 4:13

Maibee haksolok baa, tanba imi bele hetan terus hanesan Kristu uluk mos terus. Se imi haksolok nunee, aban-bainrua bainhira ema hotu-hotu haree Jesus Kristu fila fali mai ho naroman nabilan, imi sei haksolok liu tan.

2 Pedro 3:1

Maluk doben sira, ida nee hau nia surat segundu ba imi. Iha hau nia surat rua nee, hau foo hanoin ba imi kona ba buat nebee imi hatene ona, tanba hau hakarak dudu imi ba hanoin nebee mak loos.