Filipi 2:9 - Biblia Tetun Dili

⁹ Tanba nee, Nai Maromak foti aas Nia liu buat hotu-hotu, i foo ba Nia, naran ida nebee boot liu naran hotu-hotu.

Filipi 2:9 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Mateus 11:27

Hotu tiha, Jesus koalia ba ema iha nebaa nunee: “Hau nia Aman foo ona kbiit ho matenek hotu-hotu mai Hau. La iha ema ida konhese diak Hau, so Hau nia Aman deit. I la iha ema ida mak konhese diak Hau nia Aman, so Oan, Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

Lucas 10:22

Depois Jesus dehan ba ema hotu iha nebaa, “Hau nia Aman foo ona kbiit ho matenek hotu-hotu mai Hau. La iha ema ida konhese loloos Hau, so Hau nia Aman deit. I la iha ema ida mak konhese loloos Hau nia Aman, so Nia Oan Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.”

João 13:3

Jesus hatene ona katak Nai Maromak mak haruka Nia mai iha mundu nee, i la kleur tan Nia tenki fila fali ba Maromak. Nia mos hatene ona katak Nia Aman iha lalehan foo buat hotu-hotu iha Nia liman.

João 17:11

Hau la hela tan iha mundu nee ona, tanba la kleur tan Hau sei fila ba Hau nia Aman. Maibee ema sira nee hela nafatin iha mundu nee. Aman Santu, Hau husu Aman kuidadu sira uza Ita Boot nia kbiit nebee Ita Boot foo mai Hau. Hau mos husu para sira sai neon ida laran ida, hanesan Hau sai ida ho Aman.

João 17:12

Bainhira Hau sei hamutuk ho sira iha mundu, Hau mak tau matan ba sira, tanba sira nee Aman ninian. Hau tau matan ba sira didiak para sira bele metin nafatin ho Aman, i ida deit mos la lakon. So Judas deit mak lakon, nee hodi halo tuir saida mak hakerek ona iha Eskritura Sagrada.

João 17:5

Molok Ita halo mundu nee, Hau hamutuk ho Aman. Tempu nebaa, Hau nia naroman-nabilan hanesan ho Aman nia naroman-nabilan. Agora Hau atu fila ba Aman. Nunee Hau husu para Aman foti aas Hau, para Hau nia naroman-nabilan fila fali hanesan uluk.”

Apostolu sira nia Istoria 5:31

Agora Nai Maromak foti Jesus tuur iha Nia liman loos hodi kaer ukun hanesan Liurai i Salvador. Nia foo tempu ba povu Israel para bele husik ona sira nia sala, atu sira bele hetan perdaun hosi Nai Maromak.

Efezu 1:10

Nia planu mak nee: bainhira too ona nia tempu, Maromak sei halo buat hotu-hotu iha lalehan ho iha rai hamutuk ida deit, i Kristu mak sei ukun hotu-hotu.

Kolose 1:18

Kristu mak sarani sira nia Ulun, i sarani sira hanesan Nia isin lolon. Kristu mak moris nia huun. Nia mak ema primeiru nebee moris fali hosi mate, nunee Nia mak boot liu buat hotu-hotu.

2 Tesalonika 1:12

Nunee, ema sei foti aas Nai Jesus nia naran tanba imi. I Nia mos sei foti aas imi nia naran. Buat sira nee hotu sei sai nunee, tanba ita nia Maromak ho ita nia Nai Jesus Kristu sira nia grasa.

Ebreu 1:4

Nunee Nai Maromak foti Nia Oan aas liu Nia anju sira hotu. I pozisaun nebee Nia foo ba Nia Oan mos aas liu anju sira.

Ebreu 1:9

O hadomi lia loos, i odi buat nebee aat no sala. Tanba nee Hau, O nia Maromak, foti O aas liu O nia maluk sira, i fui mina ba O nia ulun hodi halo O nia laran haksolok.”

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 2:9

Maibee iha Ida mak bele ukun buat hotu-hotu, Nia nee mak Jesus. Nia sai ema mai iha mundu nee ho pozisaun kiik liu anju sira. Nudar ema, Nia hetan terus too mate iha kruz. Nia halo nunee hodi hatudu Nai Maromak nia grasa ba ema. Depois Nai Maromak foti aas Nia, para Nia ukun buat hotu nebee Maromak halo ona.

1 Pedro 3:22

Agora Nia sae tiha ona ba lalehan tuur iha Nai Maromak nia sorin loos. I anju sira ho autoridade sira nebee kaer ukun, hotu-hotu hakruuk ba Nia.

2 Pedro 1:17

bainhira ami hamutuk ho Nia iha Maromak nia foho santu. Iha nebaa Aman Maromak rasik foo respeitu i foti aas Jesus nia naran iha ami nia oin. Ami rona Maromak Aas Liu nia lian tuun mai hosi lalehan dehan, “Nee Hau nia Oan doben. Nia halo haksolok Hau nia laran.”

3 João 1:7

Tanba sira nee lao haleu no hanorin kona ba Jesus Kristu. Maibee sira nee la simu ajuda ruma hosi ema nebee la fiar ba Maromak.

Apokalipse 1:5

Jesus hadomi ita, nunee Nia raan fakar too mate para ita bele livre hosi sala.

Apokalipse 11:15

Tuir mai anju numeru hitu huu nia korneta. I hau rona anju iha lalehan haklalak dehan, “Ita nia Nai Maromak ho mos ita nia Kristu nebee Nia haruka mai agora ukun ona mundu. Nia sei ukun too tinan ba tinan nafatin.”

Apokalipse 19:16

Iha Ema nee nia batina ho mos iha Nia kelen hakerek naran ida nunee: “Liurai hotu-hotu nia Liurai, nai hotu-hotu nia Nai.”

Apokalipse 3:21

See mak manaan, Hau sei foo direitu ba nia para tuur ukun hamutuk ho Hau, hanesan mos Hau manaan tiha ona, i agora Hau tuur ukun hamutuk ho Hau nia Aman.

Apokalipse 5:12

anju sira nee hananu ho lian makaas dehan, “Bibi Oan nebee mak ema oho tiha ona nee, Nia mak serve atu ema hotu-hotu respeita. Tanba Nia kbiit boot liu, Nia riku teb-tebes, Nia matenek klean liu, Nia forsa teb-tebes. Onra, gloria, hahii no foti aas Nia naran!