Filipi 2:8 - Biblia Tetun Dili

⁸ Nia sai tiha ema, Nia haraik Aan hodi moris tuir Nai Maromak nia hakarak too mate. Maski ema oho Nia iha krus hanesan fali ema aat ida mos, Nia simu.

Filipi 2:8 Iomraidhean Croise

Mateus 17:2

Too iha nebaa Nia eskolanti nain tolu nee haree Jesus nakfilak Aan tiha. Nia oin nabilan hanesan loromatan, i Nia hena sai mutin nabilan.

Mateus 26:39

Jesus lao tan ba oin ituan, depois Nia hakneak i taka oin ba rai hodi halo orasaun dehan, “Hau nia Aman, se bele karik hasai tiha terus ida nee hosi Hau. Maibee la bele tuir Hau nia hakarak, tuir deit Ita Boot nia hakarak.”

Mateus 26:42

Depois Jesus baa halo orasaun ba dala rua dehan, “Hau nia Aman! Se Hau tenki simu terus nee, entaun halo tuir Ita Boot nia hakarak baa.”

Lucas 9:29

Bainhira Jesus halo hela orasaun, Nia oin fila aan tiha, i Nia hena mos sai mutin nabilan tiha.

João 10:18

La iha ema ida obriga Hau atu foo Hau nia moris, maibee Hau rasik mak foo Hau nia aan too mate. Hau iha direitu hodi foo Hau nia aan. Hau mos iha direitu hodi foti fila fali. Orden nee, Hau simu hosi Hau nia Aman iha lalehan.”

João 14:31

Husik nia mai baa, maibee Hau serbisu nafatin hodi halo tuir Hau nia Aman nia hakarak. Nee hodi hatudu ba ema iha mundu nee katak, Hau hadomi teb-tebes Hau nia Aman. Mai ita baa ona!”

João 15:10

Se imi halo tuir Hau nia ukun-fuan sira, entaun imi metin nafatin ho Hau, nunee Hau bele hatudu Hau nia domin nafatin ba imi. Nee hanesan Hau halo tuir Hau nia Aman nia ukun-fuan, para Nia hatudu nia domin nafatin mai Hau.

João 4:34

Maibee Jesus hatete, “Nai Maromak haruka Hau mai hodi halo tuir Nia hakarak, no halao Nia serbisu too remata. Ida nee mak hanesan hahaan ba Hau.

Apostolu sira nia Istoria 8:33

Ema hatuun Nia, ema tesi Nia lia la loos. Nia jerasaun la iha, tanba ema halakon tiha Nia vida hosi mundu.”

Roma 5:19

Ema ida lakohi halo tuir Maromak nia liafuan, halo ema hotu-hotu sai ema sala nain. Ema Ida seluk halo tuir Maromak nia liafuan, nunee halo ema barak sai moris loos iha Maromak nia oin.

2 Korintu 8:9

Tanba imi hatene ita nia Nai Jesus Kristu nia grasa nebee Nia hatudu ba imi. Maski Nia riku iha lalehan, Nia halo Nia Aan sai ema kiak tanba hadomi imi. Nia sai kiak atu imi bele sai riku iha buat barak.

Galasia 3:13

Maibee Jesus Kristu foo nia Aan hodi hasai ita hosi malisan lei relijiaun nian. Hanesan nee Nia rasik simu fali ita nia malisan. Tanba iha Livru Sagradu hakerek dehan, “Ema nebee redi iha ai riin, nia hetan malisan.”

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 12:4

Imi luta ona hasoru buat aat, maibee seidauk luta too imi nia raan fakar.

1 Pedro 2:24

Kristu rasik mak lori ita nia sala iha ai krus leten para ita nebee mate ba sala bele moris iha lia loos. Nia kanek sira nee mak kura ona imi.

1 Pedro 3:18

Kristu mate dala ida deit ba ita nia sala hotu. Nia nebee moris loos mate ba sala nain sira para lori ita ba Nai Maromak. Nudar ema nebee iha isin ho raan, ema oho tiha Nia, maibee Maromak nia Espiritu halo moris fali Nia.