Filipi 2:7 - Biblia Tetun Dili

⁷ Nia husik tiha buat hotu-hotu hodi sai ema i moris hanesan atan.

Filipi 2:7 Iomraidhean Croise

Mateus 12:18

“Haree baa! Nee Hau nia Atan nebee Hau hili. Hau hadomi Nia, i Hau nia laran haksolok nafatin ba Nia. Hau sei tau Hau nia Espiritu iha Nia, i Nia sei foo sai lia loos ba ema hosi nasaun hotu-hotu.

Mateus 20:28

Hanesan Hau, Ema Oan. Hau mai iha mundu nee laos atu ema serbii Hau. Maibee Hau mai hodi serbii ema i foo Aan ba mate hodi selu kotu ema barak nia tusan.”

Marcos 9:12

Jesus hataan, “Loos duni. Elias tenki mai uluk hodi loke dalan ba Kristu. Kristu mak Nai Maromak hili hori uluk kedas. Maibee oinsaa? Nai Maromak nia Liafuan hakerek ona kona ba Ema Oan, dehan nunee: Bainhira Nia mai, ema sei halo terus i oho Nia. Nusaa mak imi seidauk komprende?

Lucas 22:27

Hanoin took. Ida nebee mak boot liu: ema nebee tuur haan iha meza ka, ida nebee serbii nia? Ida nebee tuur haan iha meza mak boot. Maibee Hau iha imi nia leet hanesan ema nebee serbii.

João 1:14

I ‘Maromak nia Liafuan’ nee, sai tiha ema. Nia moris iha ita nia leet. Ita haree Nia naroman-nabilan. Nia iha naroman-nabilan nunee, tanba Nia mak Nai Maromak nia Oan mane mesak. Nia hakarak hatudu Nia laran diak no grasa mai ita, tanba Nia hahalok nunee duni. I buat hotu nebee Nia hatoo kona ba Nai Maromak, loos duni.

Roma 1:3

Novidade Diak nee koalia kona ba Maromak nia Oan Jesus Kristu, ita nia Nai. Nudar ema, Jesus moris mai hosi liurai David nia jerasaun.

Roma 15:3

Tanba Kristu rasik la buka moris deit ba Nia Aan. Iha Livru Sagradu, Kristu dehan ba Maromak, “Liafuan aat nebee ema hatete ba Ita Boot monu mos mai Hau.”

Roma 15:8

La bele haluha, Kristu foo Nia Aan para serbii ema Judeu hodi hatudu ba sira katak Maromak sempre halo tuir Nia promesa. Maromak nia promesa ba ita nia bei-ala sira, Kristu rasik mak kumpri.

Roma 8:3

Ukun fuan sira la bele hasai ita hosi sala nia ukun, tanba ita ema sala nain la iha kbiit atu halo tuir lei nee hotu. Maibee Maromak bele hasai ita liu hosi Nia haruka Nia Oan rasik mai iha mundu para sai ema kriatura nudar ema sala nain, i mate hanesan sakrífisiu ida hodi halakon sala iha ita nia laran.

2 Korintu 13:4

Loos duni, bainhira ema prega mate Kristu iha krus, Nia nudar ema, Nia fraku duni. Maibee Nia moris tanba Maromak nia kbiit. Nudar Kristu nia ema, ami mos fraku. Maibee Maromak foo kbiit mai ami atu moris laran ida ho Nia hodi serbii imi.

2 Korintu 8:9

Tanba imi hatene ita nia Nai Jesus Kristu nia grasa nebee Nia hatudu ba imi. Maski Nia riku iha lalehan, Nia halo Nia Aan sai ema kiak tanba hadomi imi. Nia sai kiak atu imi bele sai riku iha buat barak.

Galasia 4:4

Maibee too nia tempu, Nai Maromak haruka Nia Oan mai. Iha feto ida mak tuur ahi Maromak nia Oan nee, i nia Oan moris tuir lei relijiaun Judeu nian.

Filipi 2:6

Nia Maromak. Maski nunee Nia prontu husik Nia pozisaun nudar Maromak.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 13:3

Hanoin ba ema dadur sira, hanesan imi mos dadur hamutuk ho sira. I hanoin mos ema sira nebee hetan terus tanba ema halo aat sira, hanesan imi rasik mak hetan terus nee.

Ebreu 4:15

Ita nia nai-lulik boot nee komprende liu ita, Nia hatene katak ita ema nee fraku. Nia hatene tulun ita tanba uluk Nia rasik hasoru tentasaun hotu-hotu hanesan mos ita. Maski nunee, Nia nunka monu ba sala.