Hanoin took. Ida nebee mak boot liu: ema nebee tuur haan iha meza ka, ida nebee serbii nia? Ida nebee tuur haan iha meza mak boot. Maibee Hau iha imi nia leet hanesan ema nebee serbii.
Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.
Nunee hau sempre hatudu ezemplu atu imi mos bele serbisu makaas hodi ajuda ema kiak sira. Hanoin didiak Nai Jesus nia Liafuan, ‘Diak liu ita foo, dukee ita simu.’ ”
Se o haan hahaan ruma iha o nia maluk sarani ida nia oin nebee nia la bele haan, entaun o halo nia fuan moras. Bainhira o halo nunee, o la hatudu domin ba nia. La bele estraga fali o nia maluk tanba deit o hakarak haan hahaan sira nee. Tanba Kristu mos mate ba nia.
Tanba Kristu rasik la buka moris deit ba Nia Aan. Iha Livru Sagradu, Kristu dehan ba Maromak, “Liafuan aat nebee ema hatete ba Ita Boot monu mos mai Hau.”
Maromak mak tulun ita hodi aguenta iha terus laran no foo korajen mai ita. Hau harohan atu Maromak halo imi moris neon ida laran ida hodi tuir Kristu Jesus.
Maibee halo hanesan hau. Hau koko atu halo haksolok ema hotu nia laran iha buat hotu. Hau laos buka diak ba hau nia aan, maibee buka diak ba ema barak, atu sira mos hetan salvasaun.
Hadomi malu, hanesan mos Kristu hadomi ita, too Nia foo Aan ba mate hodi troka ita. Ho Nia mate nee Nia sai hanesan sakrifisiu morin nebee halo haksolok Nai Maromak.
Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.
Bainhira Kristu sei iha mundu, Nia hetan terus ho susar oi-oin. Entaun imi mos tenki prontu simu terus, tanba ema nebee mak terus iha nia moris, nia para halo sala.
