Filipi 2:30 - Biblia Tetun Dili

³⁰ Tanba nia halao Kristu nia serbisu too nia besik atu mate. Nia foo aan ba mate, para bele ajuda hau hodi imi nia fatin.

Filipi 2:30 Iomraidhean Croise

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

Roma 16:4

Uluk sira atu besik mate bainhira sira salva hau. Laos hau mesak deit mak foo obrigadu ba sira, maibee sarani sira hotu nebee laos Judeu mos foo obrigadu ba sira.

1 Korintu 15:53

Tanba ita nia isin lolon nebee sei dodok nee, tenki troka ho isin lolon ida nebee nunka dodok. Ita nia isin lolon nebee sei mate nee, tenki troka ho isin lolon ida nebee nunka mate.

1 Korintu 16:10

Bainhira Timóteo baa iha imi, simu nia ho diak atu nia la bele senti tauk iha imi nia klaran, tanba nia serbisu ba ita nia Nai Jesus, hanesan mos hau.

1 Korintu 16:17

Bainhira Estéfanas, Fortunato ho Akaiku too iha nee, hau nia laran haksolok. Tanba oferta nebee imi la bele foo ba hau, sira mak foo hodi imi nia naran.

2 Korintu 12:15

Nunee hau kontenti loos foo buat hotu-hotu nebee hau iha ba imi, too hau foo tan hau nia aan tomak. Hau nia domin ba imi boot ba bebeik. Maibee nusaa mak imi nia domin mai hau menus ba bebeik?

2 Korintu 4:12

Nunee ami moris iha mate nia laran, atu nunee imi hela iha moris nia laran.

Filipi 2:17

Tanba imi fiar ba Kristu, imi mos serbii Maromak hodi entrega imi nia aan tomak sai hanesan sakrifisiu ba Nia. Se ema oho hau tanba hau nia fiar, mak hau nia mate sai hanesan sakrifisiu ida hodi foo ba Nai Maromak. Bele nunee mos, hau nia laran haksolok hamutuk ho imi.

Filipi 2:27

Loos duni, momentu nebaa, nia moras todan besik atu mate, maibee Nai Maromak hatudu Nia laran diak ba nia, i kura tiha nia moras. Hanesan nee Maromak mos hatudu Nia laran diak mai hau, para hau la bele tristi liu tan.

Filipi 4:10

Hau haksolok teb-tebes hodi hahii Nai Jesus, tanba dala ida tan imi ajuda hau. Hau hatene katak, uluk kedas imi hadomi hau, maibee kleur ona imi la iha oportunidade hodi tulun.

Filipi 4:18

Hau simu ona ajuda hotu-hotu nebee imi haruka mai hau liu hosi Epafroditu. Agora hau la falta buat ida, i sei iha resin tan. Imi nia tulun nee hanesan sakrifisiu morin ida nebee imi foo ba Maromak, i Nia simu ho laran haksolok.

Filemon 1:13

Hau iha komarka laran nee tanba hau foo sai Maromak nia Novidade Diak. Tuir loloos hau hakarak atu Onésimu hela nafatin ho hau para bele ajuda hau hodi ita nia fatin.

Apokalipse 12:11

Ita nia maun-alin ema fiar sira manaan tiha ona samea ulun hitu nee, Tanba Bibi Oan nia raan nebee fakar hodi salva sira, i tanba sira foo sai nafatin Nai Maromak nia liafuan. Maski ema atu oho sira mos sira la hakiduk.